- 1 पतरस 3:16 - Bundeli Holy Bible

¹⁶ और अपनी समज सोई सुद्ध राखो, ई लाने कि जिन बातन के बारे में तुमाई बदनामी होत आय, उन के बारे में बे जौन तुमाए मसीही साजे चाल चलन कौ अपमान करत आंय लज्जित होबें।

- 1 पतरस 3:16 ပူးပေါင်းရင်းမြစ်များ

- मत्ती 5:11

धन्न आव तुमन, जब मान्स मोरे काजें तुमाई हंसी उड़ाबें, और तुम हां सताएं और लबरो बोल बोल के तुमाए बिरोध में सब तरहां की बातें कयें।

- प्रेरितन के काम 24:16

ई लाने मैं भी परमेसुर और मान्सन के आंगू अपनी सोच हां निरदोस बनाए धरबे की सदा कोसिस करत आंव।

- प्रेरितन के काम 28:22

पर हम तोरे बारे में तोरे विचार सुनबे की मनसा धरत आंय, कायसे हम जानत आंय, की सब जांगा लोग ईके बिरोध में बतकाव करत आंय।

- रोमियों 9:1

मैं मसीह में सांची कैत आंव, लबरी नईं कै रओ और मोरो सोच सोई पवित्तर आत्मा में गवाई देत आय।

- दूसरी कुरिन्थियों 1:12

कायसे हम अपने हिये की जा बात मानत आंय, कि और ऊ पै बड़वाई करत आंय, कि संसार में और तुमाए बीच हमाई चाल परमेसुर को भाबेवारी पवित्तर और सांची हती, और ऐसो संसार के ज्ञान से नोंई, अकेले परमेसुर की दया से भई।

- दूसरी कुरिन्थियों 4:2

और हम ने बुरय कामन हां छोड़ दओ आय, और बनके नईं चलत, और न परमेसुर के बचन में कछु मिलात आंय, अकेले सांची बातें उजागर करत आंय, और परमेसुर हां जानत भए सबरन के हिये पै अपनी बात बैठा देत आंय।

- 1 तीमुथियुस 1:19

और बिसवास और साजे मन से करत जा, कछु जन ने जे बातें छोड़ दई आंय, सो उनको बिसवास को जहाज मानो डूब गओ।

- 1 तीमुथियुस 1:5

मोरे कैबे को मतलब जौ आय, कि सांचे मन और साजे हिये से, और बैर न रखबेवाले के बिसवास से प्रेम बढ़त आय।

- 2 तीमुथियुस 1:3

मैं अपने परमेसुर की सेवा अपने बड़े बूढ़न की रीत से साजे विवेक से करत आंव, और उनकी दया से तुमाए काजें बिन्तवारी करत आंव।

- तीतुस 2:8

तुमाई बातें खरी होबें, कि कोई उन हां बुरओ न कहबे; कि हमाए विरोधियन हां कोऊ ऐसो मौका न मिलै, और बे लजा जाबें।

- इब्रानियों 13:18

हमाए काजें बिन्तवारी करत रईयो, हमाओ जी ठीक ठाक आय; और हम अपने जीवन में अच्छो रहो चाहत आंय।

- इब्रानियों 9:14

तो पिरभू यीशु मसीह को रकत जौन बिलकुल बिन पाप हते, परमेसुर के सामूं निषपाप बलदान चढाओ, तो बो तुम हां बुरय काज से पूरे मन से काय न पवित्तर कर है, कि तुम जीयत परमेसुर की सेवा करो।

- 1 पतरस 2:12

दूसरी जातन में तुमाओ चाल चलन सई रैबे; ई लाने कि जौन जौन बातन में बे तुम हां बुरए काम करबेवारो जान के बदनाम करत हते, बे तुमाए साजे कामन हां तक के; उनईं के काजें, दया किरपा के दिना परमेसुर की मईमां करें।

- 1 पतरस 2:15

कायसे परमेसुर की मन्सा जा आय, कि तुम साजे काम करबे से बेसमझ लोगन की न समझी की बातन हां बन्द कर दो।

- 1 पतरस 2:19

कायसे जदि कोई परमेसुर कौ बिचार कर के अन्याय से पीड़ा उठात भओ दुख सहत आय, तो जौ बिलात नोंनो आय।

- 1 पतरस 3:21

और ओई पानू की कनौत सोई, जाने कि बपतिस्मा, यीशु मसीह के जी उठबे से, अब तुम हां बचात आय; (ऊसे देयां कौ मैल हटाबे को मतलब नईंयां, पर सुद्ध विवेक से परमेसुर के बस में हो जाबे कौ मतलब आय)।

- 1 पतरस 4:4

ईसे बे अचम्भो करत आंय, कि तुम ऐसे बड़े लुच्चपन में उन को साथ नईं देत आव, ई लाने बे तुम हां बुरो भलो कैत आंय।