- 1 पतरस 3:11 - Bundeli Holy Bible

¹¹ बो बुराई को संग छोड़े, और भलाई करे; बो मेल मिलाप हां खोजे, और ओई के जतन में रैबे।

- 1 पतरस 3:11 ပူးပေါင်းရင်းမြစ်များ

- मत्ती 5:45

जीसे तुम अपने स्वर्गीय बाप की लड़ेर बन सको, कायसे बो अपनो सूरज भले और बुरय दोई के लाने उगात आय, और धर्मियन और अधर्मियन दोई पे पानू बरसात आय।

- मत्ती 5:9

धन्न आंय बे, जौन मेल कराबेवारे हैं, कायसे बे परमेसुर के पूत कहा हैं।

- मत्ती 6:13

और हम हां परीक्षा में न डारियो, परन्त बुराई से बचाईयो; कायसे राज्य, पराक्रम और मईमा तोरी ही आंय”। आमीन।

- मरकुस 14:7

कंगाल तुमाए संग्गै हमेसा रहत आंय: और तुम जब चाहो तब उन से भलाई कर सकत आव; पै मैं तुमाए संग्गै हमेसा न रै हों।

- लूका 1:79

कि अन्धयारे और मौत की छाया में बैठबेवारन हां उजाला देबे, और हमाए गोड़न हां संसाई की गैल सूदे सई चलाबै।

- लूका 6:35

पर अपने बैरियन से प्रेम राखौ, और भलाई करौ: और फिन वापस पाबे की आस न राख के उधार देओ; तो तुमाए लाने बड़ो इनाम हुईये: और तुम परम परधान के बालबच्चा ठैर हौ, कायसे बो उन पे जो धन्नवाद नईं करत और बुरए जन पे सोई दया करत आय।

- लूका 6:9

यीशु ने उन से कओ; मैं तुम से पूंछत आंव कि सब्त के दिना का सई आय, भलो करबो या बुरो करबो; प्रान हां बचाबो या नास करबो?

- यूहन्‍ना 17:15

मैं तोसे जा बिनती नईं करत हों, कि तें उन हां संसार से उठा ले, परन्त जौ कि तें उन हां ऊ दुष्ट से बचाए रखिये।

- रोमियों 12:18

जिते लौ बन सके, तुम सब मान्सन के संग्गै मेल मिलाप से रओ।

- रोमियों 14:17

कायसे परमेसुर कौ राज खैबो पीबो नईंयां; परन्त धरम और मेल मिलाप और बा खुसी आय; जौन पवित्तर आत्मा से होत आय।

- रोमियों 14:19

ई लाने हम उन बातन में लगे रैबें, जिन से मेल मिलाप और एक दूसरे कौ सुधार होबे।

- रोमियों 5:1

सो जब हम बिसवास में धर्मी ठैरे, तो अपने पिरभु यीशु मसीह के द्वारा परमेसुर से जुड़े रैबें।

- रोमियों 7:19

कायसे जौन साजे काम हां मैं करबो चाहत आंव, बो तो नईं करत, परन्त जौन बुरए काम की मन्सा मैं नईं करत, ओई करत आंव।

- रोमियों 7:21

ई भांत मैं जो नैम व्यवस्था पात आंव, कि जब भलाई करे की मन्सा करत आंव, तो बुराई मोरे ऐंगर आत आय।

- रोमियों 8:6

देयां की मन्सा अनसार चलबो तो मौत आय, पर आत्मा पे मन लगाबो जीवन और सान्ति आय।

- गलतियों 5:22

अकेले आत्मा के फल प्रेम, आनन्द, मेल मिलाप, धीरज धरबो।

- गलतियों 6:10

ईसे जां तक मौका मिलै हम सबरन के संग्गै भलो करें, मानके भईयन के संग्गै।

- कुलुस्सियों 3:15

तुम सबरे जनें यीशु मसीह की देह के मानो अंग आव और सान्ति से रैबे हां जुड़े आव, सो जानो सान्ति पिरभू से मिलत आय, ऊ तुमाए सोच हां संभाले और तुम उन हां धन्नवाद देत रओ।

- 1 तीमुथियुस 6:18

और भलाई करें, और अच्छे कामन में धनी बनें; और उदार और मदद के लाने तईयार रैबें।

- इब्रानियों 12:14

सबरे जनों से मेल राखो, और साजे रओ ईके बिना तुम परमेसुर हां न तक पा हौ।

- इब्रानियों 13:16

भलो करबो, और दया करबो न छोड़ियो, कायसे ऐसे काम से परमेसुर खुस रैत आय।

- याकूब 4:17

ई लाने जौन कोई भलाई करबो जानत आय और नईं करत, ऊके लाने जा बात पाप आय।

- 1 पतरस 3:12

कायसे पिरभु की आंखें धरमियन पे लगी रैत आंय, और ऊके कान उन की बिन्तवाई कुदाऊं लगे रैत आंय, परन्त पिरभु बुराई करबे वारन के बिरुद्ध रैत आय।

- 3 यूहन्‍ना 1:11

प्यारे जनों, बुराई के नईं, परन्त भलाई के संग्गी बनो, कायसे भलाई करबेवारो मानो परमेसुर हां मानत आय; और बुरो करबेवारे मानो उन हां नईंर् मानत।