- 1 पतरस 2:8 - Bundeli Holy Bible

⁸ बो उपटा लगबे कौ पथरा और ठोकर खाबे की चट्टान हो गओ आय, कायसे बे तो बचन को न मानके चोट खात आंय और ऐई के लाने बे ठैराए सोई गए हते।

- 1 पतरस 2:8 ပူးပေါင်းရင်းမြစ်များ

- लूका 2:34

तब शमौन ने ऊहां आशीष देके, ऊ की मताई मरियम से कई; तक, बो तो इस्राएल में बिलात जनन के गिरबे, और उठबे के लाने, और एक ऐसो चिन्ह होबे हां ठैराओ गओ आय, जी के बिरोद में बातें कई जै हैं।

- रोमियों 9:22

कि परमेसुर ने अपनो न्याव दिखाबे और अपनो बल उजागर करबे की मन्सा से न्याव के बासनों की जौन मिटाए जाबे के लाने तईयार करे गए हते बड़े धीरज से सई।

- पैली कुरिन्थियों 1:23

परन्त हम तो ऊ क्रूस पे टांगे गए मसीह कौ परचार करत आंय, जौन यहूदियन हां उपटा कौ काज, और दूसरी जातवारन हां मूरखता आय।

- दूसरी कुरिन्थियों 2:16

कछु लोगन हां नरक के काजें मरबे की गन्ध, और कछु हां तरन तारन के काजें जीवन की सुगन्ध, इन बातन के लाने कौन आय?

- गलतियों 5:11

अकेले भईया हरौ, जैसे मैं अबै लौ खतना की बात करत आंव, तो काय हां मोहां परेसान करो जात आय; क्रूस से जौन डर हतो बो चलो गओ।

- 1 थिस्सलुनीकियों 5:9

कायसे परमेसुर ने हम हां नरक हां नईं, परन्त पिरभू यीशु मसीह से तरन तारन पाबें।

- 1 पतरस 2:6

ई लाने पवित्तर पोथी में सोई लिखो आय, कि तको, मैं सिय्योन में कोने के मुड़ीसे कौ नबेरो भओ और बिलात मोल कौ पथरा धरत आंव: और जौन कोनऊ ऊपे बिसवास कर है, बो कौनऊ भांत लज्जित न हुईये।

- 1 पतरस 2:7

सो तुमाए लाने जौन बिसवास करत आव, बो तो कीमती आय, पर जौन बिसवास नईं करत उन के लाने जौन पथरा हां कारीगरन ने बेकाम ठैराओ हतो, बो कोने कौ मुड़ीसा हो गओ।

- 2 पतरस 2:3

बे लालच में आके लबरी बातें बना हैं और तुम हां अपने फायदा कौ कारन बना हैं, दण्ड़ कौ हुकम जो उन पे पेंला से हो चुको आय, और ऊके आबे में देर नईंयां, उन कौ नास झट्टई होबेवारो आय।

- यहूदा 1:4

कायसे कछु जनें चुपके से हमाए संग्गै जुड़ गए आंय, जिन हां पैले से लिखो आय कि उन हां दण्ड दओ जाबै, कायसे बे सच्चे नईयां, और परमेसुर की दया हां छोड़ बुरय कामन में लगे रैत आंय, और हमाए महाबली मालक और पिरभु यीशु मसीह हां नईं मानत।