- 1 पतरस 2:6 - Bundeli Holy Bible

⁶ ई लाने पवित्तर पोथी में सोई लिखो आय, कि तको, मैं सिय्योन में कोने के मुड़ीसे कौ नबेरो भओ और बिलात मोल कौ पथरा धरत आंव: और जौन कोनऊ ऊपे बिसवास कर है, बो कौनऊ भांत लज्जित न हुईये।

- 1 पतरस 2:6 ပူးပေါင်းရင်းမြစ်များ

- उत्पत्ति 49:24

परन्‍त ऊकौ धनुस मजबूत रओ, और ऊकी बांह और हाथ याकूब के ओई सर्वसक्‍तिमान परमेसुर के हाथों के द्वारा फुर्तीले भए, जीके लिगां सें ऊ चरवाहा आहै, जो इस्राएल की चट्टान भी ठैरहै।

- मत्ती 12:18

कि हेरो, जौ मोरो भक्त आय, जीहां मैं ने नबेरो आय; मोरो प्यारो, जीसे मोरो हिया खुस आय: मैं ऊपे अपनो आत्मा डार हों; और बो अन्य जातियन हां सही न्याव की खबर दै है।

- मरकुस 12:10

का तुम ने धरम शास्त्र में जौ नईं पढ़ो, कि जौन पत्थर हां कारीगरन ने बिना काम कौ साबित करो हतो, ओई पत्थर सबसे जरूरी हो गओ हतो?

- लूका 20:17

यीशु ने उन कुदाऊं तक के कओ; फिन जौ का लिखो आय, कि जो पथरा हां कारीगरन ने बेकार ठैराओ हतो, ओई कौने कौ मुड़ीसा हो गओ।

- लूका 23:35

मान्स ठांड़े ठांड़े जौ तक रए हते, पंचयात के अधकारी यीशु की खिल्ली उड़ा रए हते, सबरे कै रए हते, ईने दूसरन हां तो बचाओ, जदि जौ परमेसुर कौ मसीह आय, और ऊ को नबेरो भओ आय, तो अपने आप हां बचा ले।

- यूहन्‍ना 7:38

जौन मोय पे भरोसा कर है, जैसो पवित्र शास्त्र में कहो गओ आय, ऊके हृदय में से जीवन के पानू की नदियां बह जै है।

- प्रेरितन के काम 1:16

हे भईया हरौ, जो होने हतो कि पवित्तर पोथी कौ बो लिखो भओ पूरो होबे, जौन पवित्तर आत्मा ने दाऊद के मों से यहूदा के बारे में जौन यीशु के पकड़बेवारन कौ अगुवा हतो, पेंला से कई हती।

- रोमियों 10:11

कायसे पवित्तर धर्म पोथी जा कैत आय, कि जो कोई ऊ पै बिसवास कर है, बो न लजा है।

- इफिसियों 1:4

जैसे उन ने हम हां संसार के बने से पेंला नबेर लओ, कि हम उन लौ प्रेम, पवित्तर और बेखोट कड़ें।

- इफिसियों 2:20

और प्रेरितन और आगमवकतन की बनाई नीं पै, जीके कोनिया को पथरा मसीह यीशु आय, बनाए गए आव।

- 2 तीमुथियुस 3:16

कायसे पवित्र शास्त्र के एक एक बचन परमेसुर की आत्मा के कय से लिखे गए आंय, जीसे उपदेस होबे, और मान्सन के समझाबे और सुधरबे, और धरम की गैल जानें हां साजो आय।

- 1 पतरस 2:4

ऊके ऐंगर आके, जिए मान्सन ने तो बिना काम कौ ठैराओ, परन्त परमेसुर के ऐंगर नबेरो भओ, और बिलात मोल कौ जीयत पथरा आय।

- 1 पतरस 2:8

बो उपटा लगबे कौ पथरा और ठोकर खाबे की चट्टान हो गओ आय, कायसे बे तो बचन को न मानके चोट खात आंय और ऐई के लाने बे ठैराए सोई गए हते।

- 2 पतरस 1:20

पर पेंला जा बात जान लेओ, कि पवित्तर पोथी की कोई भी आगमवानी, कोऊ के अपने ई सोच विचार के आधार पे पूरी नईं होत।

- 2 पतरस 3:16

ऊ ने अपनी सबरी चिठियन में सोई इन बातन कौ बयान करो आय उन में कछु बातें ऐसी आंय, जिन कौ समजबौ कठन आय, मूरख और चंचल मान्स उन के मतलब को पवित्तर पोथी की और बातन की भांत ऐंचतान के अपने ई नास कौ काज बनात आंय।