- 1 पतरस 2:17 - Bundeli Holy Bible

¹⁷ सबई कौ मान करो, भईयन से प्रेम राखो, परमेसुर से डराओ, राजा कौ आदरमान करो।

- 1 पतरस 2:17 ပူးပေါင်းရင်းမြစ်များ

- उत्पत्ति 20:11

अब्राहम ने कई, “मैंने जौ सोचो हतो कि ई जागां में यहोवा परमेसुर कौ कछु भी डर नें हुईये; ई लाने जे मान्‍सन मोरी बईयर के कारन मोहों मार डालहें।

- उत्पत्ति 22:12

ऊने कई, “ऊ मोंड़ा पै हाथ नें बढ़ा, और नें ऊहों कछु कर; कायसे तेंने जो मोए सें अपने मोंड़ा, बल्‍कि अपने एकलौते मोंड़ा हों भी नईं रख छोड़ो; ईसें मैं अब जान गओ कि तें यहोवा परमेसुर कौ डर मानत आय।”

- उत्पत्ति 42:18

तीसरे दिना यूसुफ ने उनसें कई, “एक काम करो तब जिन्‍दा रैहौ; कायसे मैं यहोवा परमेसुर कौ भय मानत आंव;

- पैलो इतिहास 29:20

तब दाऊद ने पूरी सभा सें कओ, “तुम अपने यहोवा परमेसुर का धन्‍नवाद करो।” तब सभा के सबरे मान्‍सन ने अपने अपने पितरों के यहोवा परमेसुर कौ धन्‍नवाद करो, और अपनी अपनी मूंड़ झुकाकें यहोवा परमेसुर और राजा हों दण्‍डवत करो।

- मत्ती 22:21

उन ने ऊसे कई, कैसर कौ; तब ऊने उन से कई; जौन कैसर कौ आय, बो कैसर हां देओ; और जौन परमेसुर कौ आय, बो परमेसुर हां देओ।

- यूहन्‍ना 13:35

जदि तुम आपस में प्रेम कर हौ तो ऐई से सब जान हैं, कि तुम मोरे चेले आव।

- रोमियों 12:10

तुम में भाईचारे कौ प्रेम बनो रैबे; आदर करबे में एक दूसरे से बढ़ के आदर करो।

- रोमियों 13:7

ई लाने सबको हक्क चुकाओ, जीहां कर चानें, ऊहां कर देओ; जिए महसूल चानें, ऊहां महसूल देओ; जी से डरबो चईये, ऊसे डरो; जी कौ आदर सम्मान करो चईये ऊकौ आदर सम्मान करो।

- दूसरी कुरिन्थियों 7:1

सो प्यारो जब जे बचन हम हां मिले, तो हम अपनी देह और आत्मा की सबरी गंदगी हां धो डालें, और मन में परमेसुर को भय मानें और पवित्तर हो जाबें।

- इफिसियों 5:21

और मसीह से डरा के एक दूजे की कई करो।

- फिलिप्पियों 2:3

अपनी बड़वाई के लाने और कोई के बिरोध में कछु न करो परन्त दूसरन हां अपने से अच्छो सोचो।

- 1 तीमुथियुस 6:1

जितेक चाकर जूए के नेंचें आंय, बे अपने अपने मालक को बड़े मान के जोग जानें, जीसे परमेसुर के नाओं और उपदेस की निन्दा न होबे।

- इब्रानियों 13:1

एक दूजे की खबर राखो।

- 1 पतरस 1:22

सो जब तुम ने भाईचारे की निश्चल प्रीति के लाने सत्य के मानबे से अपने हियन हां पवित्तर करो आय, तो तन मन लगा के एक दूजे से अधक प्रेम करो।

- 1 पतरस 2:13

पिरभु के लाने मान्सन के ठैराए भए सबरे परबन्ध के नेचें रओ, राजा के ई लाने कि बो सबरन कौ परधान आय।

- 1 पतरस 5:5

हे नए जवानो, तुम सोई धार्मिक बूढ़ों के नेंचें रओ तुम सबरे एक दूजे के लाने दीन और नरम बनो, कायसे परमेसुर घमंडियों कौ सामनो करत आय, परन्त बो दीनो पे दया करत आय।