- 1 पतरस 2:15 - Bundeli Holy Bible

¹⁵ कायसे परमेसुर की मन्सा जा आय, कि तुम साजे काम करबे से बेसमझ लोगन की न समझी की बातन हां बन्द कर दो।

- 1 पतरस 2:15 ပူးပေါင်းရင်းမြစ်များ

- मत्ती 25:2

उन में से पांच मूरख और पांच समजदार हतीं।

- मत्ती 7:26

पर जो कोई मोरी इन बातन हां सुनत आय और ऊको पालन नईं करत, बो ऊ मूरख की घांई आय जीने अपनो घर रेता पे बनाओ।

- रोमियों 1:21

ई काजें कि बे परमेसुर हां जानत हते, तो भी उन ने परमेसुर की बड़वाई और धन्नबाद नईं करो, परन्त अपने हियन से बेकार के सोच विचार करन लगे, और उन कौ अज्ञानी मन अंधेरो हो गओ।

- गलतियों 3:1

हे मूरख गलतियो, की ने तुमाओ मन मोह लओ? तुमाई तो आंखन के सामूं यीशु मसीह क्रूस में दिखे।

- 1 थिस्सलुनीकियों 4:3

परमेसुर जौ चाहत आय, कि तुम साजे बनो: तुम में परतिरिया और परमान्स की संगत न होबै।

- 1 थिस्सलुनीकियों 5:18

एक एक बात के लाने परमेसुर हां धन्न मानो: कायसे पिरभू यीशु मसीह जौई तुम से चाहत आय।

- 1 तीमुथियुस 1:13

मैं तो पेंला बुरई बातें कैबेवारो, दूसरन हां सताबेवारो, और अन्धेर करबेवारो हतो; परन्त उन ने मोपै दया करी कायसे मैंने जो सबरी बातें बिन सोचे समझे करीं।

- तीतुस 2:8

तुमाई बातें खरी होबें, कि कोई उन हां बुरओ न कहबे; कि हमाए विरोधियन हां कोऊ ऐसो मौका न मिलै, और बे लजा जाबें।

- तीतुस 3:3

कायसे हम पेंला, मूरख और परमेसुर की अग्या न मानबेवाले, और दुबधा में हते, और भांत भांत की चाहना करत हते, और मजा मौज चाहत हते और अदावट धरें हते, और दूसरन को बुरओ सोचत हते, और बहुत घिना हते और दूसरन से बैर मानें हते।

- 1 पतरस 2:12

दूसरी जातन में तुमाओ चाल चलन सई रैबे; ई लाने कि जौन जौन बातन में बे तुम हां बुरए काम करबेवारो जान के बदनाम करत हते, बे तुमाए साजे कामन हां तक के; उनईं के काजें, दया किरपा के दिना परमेसुर की मईमां करें।

- 1 पतरस 3:16

और अपनी समज सोई सुद्ध राखो, ई लाने कि जिन बातन के बारे में तुमाई बदनामी होत आय, उन के बारे में बे जौन तुमाए मसीही साजे चाल चलन कौ अपमान करत आंय लज्जित होबें।

- 1 पतरस 3:17

कायसे जदि परमेसुर की जाई मन्सा होबै, कि तुम भलाई करबे के काजें पीड़ा उठाओ, तो जा बुराई करबे के काजें पीड़ा भोगबे से साजो आय।

- 1 पतरस 4:2

आगे हां अपनो रै गओ संसारी जीवन मान्सन की मरजी से नईं, परन्त परमेसुर की मन्सा के अनसार गुजारो।

- 2 पतरस 2:12

परन्त जे मान्स बिना समजवारे जनावर घांई आंय, जौन पकड़े जाबे और नास होबे के लाने पैदा भए आंय; जिन बातन हां बे जानतई नईंयां, उन के लाने दूसरन हां बुरो भलो कैत आंय, बे अपनी सड़ाहट में खुद सड़ जें हैं।

- यहूदा 1:10

जे जिन बातन को समझत नईंया, उन हां बुरो कैत आंय; और जिन हां दोस जैसो मानत आंय, उनसे अपने आप हां मानो मारत आंय।