- 1 पतरस 2:12 - Bundeli Holy Bible

¹² दूसरी जातन में तुमाओ चाल चलन सई रैबे; ई लाने कि जौन जौन बातन में बे तुम हां बुरए काम करबेवारो जान के बदनाम करत हते, बे तुमाए साजे कामन हां तक के; उनईं के काजें, दया किरपा के दिना परमेसुर की मईमां करें।

- 1 पतरस 2:12 ပူးပေါင်းရင်းမြစ်များ

- मत्ती 10:25

चेले हां अपने गुरू के, और चाकर हां अपने मालक के बरोबर होबो कठन है; जब उन ने घर के मालक हां शैतान कई तो का ऊके घरवाले कछु न कै हैं?

- मत्ती 5:11

धन्न आव तुमन, जब मान्स मोरे काजें तुमाई हंसी उड़ाबें, और तुम हां सताएं और लबरो बोल बोल के तुमाए बिरोध में सब तरहां की बातें कयें।

- मत्ती 5:16

तुमाओ उजयारो मान्सन के सामूं ई तरहां चमके, कि बे तुमाए भले कामन हां हेर के तुमाए बाप की, जो स्वर्ग में है, गुनगान करें।

- मत्ती 9:8

जब भीड़ ने जौ देखो, तो उन में डर समा गओ और लोग परमेसुर की बड़वाई करन लगे, जीने मान्स हां ऐसो हक दओ आय।

- लूका 1:68

कि पिरभु इस्राएल कौ परमेसुर धन्न होबे, कायसे ऊ ने अपने मान्सन हां तको और उन कौ छुटकारा करो आय।

- लूका 19:44

और तोय और तोरे बच्चन हां जौन तो में आंय, माटी में मिला हैं, और तो में पत्थरा पे पत्थरा लौ न छोड़ हैं; कायसे तेंने ऊ मौका हां जब तो पे दया किरपा करी गई न चीनो।

- लूका 6:22

धन्न आव तुम, जब मान्स के पूत के काजें मान्स तुम से बैर कर हैं, और तुम हां काड़ दै हैं, और तुमाई बुराई कर हैं, और तुमाओ नाओं बुरओ जान के काट दें हैं।

- यूहन्‍ना 13:31

जब बो बायरें चलो गओ तो यीशु ने कई; अब मान्स के पूत की महिमा भई, और परमेसुर की महिमा ऊ में भई आय।

- प्रेरितन के काम 15:14

शमौन ने बताओ आय, की परमेसुर ने अपने नाम के लाने बिलात दिना पेंला, गैर यहूदियन में से एक प्रजा हां कैसे चुन लओ।

- प्रेरितन के काम 24:13

और न ही जे उन दोषन हां जौन अब मोय पे लगात आंय, तोरे आंगू साबित कर सकत आंय।

- प्रेरितन के काम 25:7

ऊके उते पोंचबे पे यरूशलेम से आए भए यहूदी ऊके चारऊं कोद ठांड़े हो गए, और ऊ पे ऐसे बड़े दोस लगान लगे, जिन कौ उन के ऐंगर कोऊ सबूत नईं हतो।

- प्रेरितन के काम 28:22

पर हम तोरे बारे में तोरे विचार सुनबे की मनसा धरत आंय, कायसे हम जानत आंय, की सब जांगा लोग ईके बिरोध में बतकाव करत आंय।

- रोमियों 12:17

बुराई के बदले कोई से बुराई न करो; जो बातें सब मान्सन को भली लगें, बे बातें करो।

- रोमियों 13:13

जैसो दिन में सई लगत आय, ऊं सई हम सूदरी चाल चलें; न अपनी मनमौजीपन में, न परतिरिया भोग में, न दारूबाजी, न लुच्चपन में, न लड़ाई झगड़ा न डाह में।

- रोमियों 14:18

और जो कोऊ मसीह की ई भांत सेवा करत आय, बो परमेसुर हां साजो लगत आय और मान्सन में सोई मानो जात आय।

- रोमियों 15:9

और दूसरी जातवारे सोई परमेसुर की दया के काजें परमेसुर की स्‍तुति आराधना करें, जैसो लिखो आय; ई लाने में जात जात में तोरो धन्नबाद कर हों, और तोरे नाम के भजन कीरतन कर हों।

- पैली कुरिन्थियों 14:25

और ऊके हिये की लुकी भई बात उजागर हो जै है, और उतईं बो मों के बल गिरके परमेसुर को परनाम कर है, और मान लै है, कै सांची में परमेसुर तुमाए मजारें आय।

- दूसरी कुरिन्थियों 1:12

कायसे हम अपने हिये की जा बात मानत आंय, कि और ऊ पै बड़वाई करत आंय, कि संसार में और तुमाए बीच हमाई चाल परमेसुर को भाबेवारी पवित्तर और सांची हती, और ऐसो संसार के ज्ञान से नोंई, अकेले परमेसुर की दया से भई।

- दूसरी कुरिन्थियों 13:7

और हम अपने परमेसुर से जा बिन्तवाई करत आंय, कि तुम कोई बुरय काम नईं करो; ईसे नईं, कि हम अच्छे दिखाबें, अकेले ईसे कि तुम भलो करो, चाए हम कछु काम के न कड़ें।

- दूसरी कुरिन्थियों 8:21

कायसे जौन बातें पिरभू लौ नईं, अकेले सबरन लौ अच्छी लगत आंय हम उनईं के लाने सोचत आंय।

- इफिसियों 2:3

पेंला हम सोई अपने मन की मरजी पै चलबेवारे हते, और मन की मरजी पूरी करत हते, हमाए काज नास होबे वारन जैसे हते।

- इफिसियों 4:22

कि तुम पेंला की बातन हां जौन पुरानो मान्स जौन धोखा भरी बातें करत आय, ऊहां उतार डालो।

- फिलिप्पियों 1:27

इत्तो करौ कि तुमाओ जीवन सुसमाचार की बातन जैसो होबै, और चाहे मैं आओं और न आओं मोहां पता चलै, कि तुम एकई मन के बने आव और एक होकें पिरभू की बात दूसरन लौ बताबे में लगे रैत आव।

- फिलिप्पियों 4:8

सो भईया हरौ, जौन बातें सांची आंय, और जौन साजी आंय, जौन पवित्तर और अच्छी आंय, और मन हां भाती आंय, सो जौन बातें कहबे लाक होबें, उनईं पै ध्यान धरो।

- 1 थिस्सलुनीकियों 4:12

ऐसो करबे से मण्डली के बायरेवारे तुमाओ मान कर हैं, और तुम हां दूसरन पै बोझो नईं बन ने आहै।

- 1 तीमुथियुस 2:2

राजन और सबरे जौन ऊंचे पदवारे आंय कि बे भजन भक्ति के साथ अपनो जीवन संभल के जीएं।

- 1 तीमुथियुस 4:12

कोई तोरी जुआनी हां नेंचो नईं लेखे; परन्त बातचीत, और चाल चलन, प्रेम, और बिसवास करबे में, और पवित्तर जीवन धरबे में मान्सन के काजें नमूना बनो रै।

- 1 तीमुथियुस 5:10

और साजो काम करबेवारी रई होबै, जीने अपने लरका वारन हां ठीक से पालो होबै; पाहुरन की सेवा खुसामद करी होबै, पपित्तर जनन के गोड़े धोय होबें, और दुखियन की मदद करी होबै, और अच्छे कामन में मन से लगी रई होबै।

- इब्रानियों 13:18

हमाए काजें बिन्तवारी करत रईयो, हमाओ जी ठीक ठाक आय; और हम अपने जीवन में अच्छो रहो चाहत आंय।

- इब्रानियों 13:5

रुपईया पईसा को लालच न करियो, और जो कछु तुम लौ आय, ऊ पै सन्तोष करियो; कायसे पिरभू ने कई आय, कि बे तुम हां कभऊं न छोड़ है।

- याकूब 3:13

तुम में बुद्धमान और समजवारो को आय? जौन ऐसो होय बो साजे चलन से अपने कामन हां ऊ दीनता संग्गै दिखाबें जौन समज से होत आय।

- 1 पतरस 2:15

कायसे परमेसुर की मन्सा जा आय, कि तुम साजे काम करबे से बेसमझ लोगन की न समझी की बातन हां बन्द कर दो।

- 1 पतरस 3:16

और अपनी समज सोई सुद्ध राखो, ई लाने कि जिन बातन के बारे में तुमाई बदनामी होत आय, उन के बारे में बे जौन तुमाए मसीही साजे चाल चलन कौ अपमान करत आंय लज्जित होबें।

- 1 पतरस 4:11

जदि कोऊ बोले, तो ऐसो बोले, कि मानो परमेसुर कौ बचन आय; जदि कोऊ सेवा करे, तो बो ऊ बल से करे जौन परमेसुर देत आय; जीसे सबरी बातन में यीशु मसीह के द्वारा परमेसुर की मईमा उजागर होबै मईमा और सबरी बल सकती जुग जुग ओई की आय। आमीन।

- 2 पतरस 3:11

जब जे सबई बस्तें, ई भांत से नास होबेवारी आंय, तो तुम हां पवित्तर चालचलन और भक्ती में कैसो जीवन गुजारो चईये।