- 1 पतरस 2:11 - Bundeli Holy Bible

¹¹ हे प्यारो मैं तुम से बिन्तवाई करत आंव, कि तुम अपने आप हां परदेसी और यात्री जान के उन संसारी अभलाखाओं से जौन आत्मा से लड़त आंय, बरके रओ।

- 1 पतरस 2:11 ပူးပေါင်းရင်းမြစ်များ

- उत्पत्ति 21:34

अब्राहम पलिश्‍तियों के देस में मुतके दिना लौ परदेसी होकें रओ।

- उत्पत्ति 23:4

“मैं तुमाए मजारें पाहुन और परदेसी आंव; मोहों अपने मजारें कब्रिस्‍तान के लाने एैसी जमीन मोल दै देओ जो मोरी निज की हो जाए, कि मैं अपने मुरदे हों गाड़कें अपनी आंख की ओट में करों।”

- उत्पत्ति 47:9

याकूब ने फिरौन सें कई, “मैं एक सौ तीस साल परदेसी होकें अपने जीवन बिता चुको आंव; मोरे जीवन के दिना थोड़े और दुख सें भरे भए सोई हते, और मोरे बाप-दादा परदेसी होकें जितेक दिना लौ जियत रए उतेक दिना कौ मैं अबै नईं भओ।”

- पैलो इतिहास 29:15

तोरी नजर में हम तौ अपने सब पुरखाओं जैसे पराए और परदेसी आंय; पृथ्‍वी पै हमाए दिना छांयरी जैसे बीते जात आंय, और हमाओ कछु ठिकानो नईंयां।

- लूका 21:34

यीशु ने आंगू कओ, ई लाने होसयार रओ, ऐसो न होबे कि तुमाए हिये उनीदे और मस्ती, और ई जीवन के सोस चिन्ताओं से सुस्त हो जाबें, और बो दिना तुम पे फन्दे के घांई एकाएक आन पड़े।

- प्रेरितन के काम 15:20

पर उनहां लिख के पठैय, कि बे मूरतन की असुद्धता और दुराचार और गला घोंटे भए पसुअन के मांस से और खून से बचे रएं।

- प्रेरितन के काम 15:29

की तुम मूरतन पे बलि चढ़ाई भई बस्तन से, खून से, गलो घोंटे गए मास से, और दुराचार से बचे रै हौ; इन से बचे रओ तो तुमाओ भलो हुईये, बाकी शुभ।

- रोमियों 12:1

ई लाने हे भईया हरौ, मैं तुम हां परमेसुर की दया की याद करा के बिन्तवाई करत आंव, कि अपनी देयां हां जीयत, और पवित्तर, और परमेसुर हां साजो लगबेवारो बलिदान कर के चढ़ाओ: जाई तुमाई आत्मिक सेवा आय।

- रोमियों 7:23

परन्त मोय अपनी देयां में दूजे भांत की नेम व्यवस्था दिखात आय, जौन मोरी बुद्धि समज से लड़त आय, और मोय पाप अधर्म की नेम व्यवस्था के बन्धन में डालत आय जौन मोरे अंगों में आय।

- रोमियों 8:13

कायसे जदि तुम अधर्म के अनसार समय बिता हौ, तो मर हौ, जदि आत्मा से देयां के बुरए कामन हां मार हौ, तो जीयत रै हो।

- दूसरी कुरिन्थियों 5:20

सो हम परमेसुर के कोती उनके राजदूत आंय; और परमेसुर हम में होकें बिन्तवारी करत आय: कि परमेसुर से जुड़ जाओ।

- दूसरी कुरिन्थियों 6:1

हम जौन उनके संग्गै काम करत आंय ऐसो समझात आंय, कि परमेसुर ने जौन दया तुमाए ऊ परै करी आय, ऊहां ऐसई न जानो।

- दूसरी कुरिन्थियों 7:1

सो प्यारो जब जे बचन हम हां मिले, तो हम अपनी देह और आत्मा की सबरी गंदगी हां धो डालें, और मन में परमेसुर को भय मानें और पवित्तर हो जाबें।

- गलतियों 5:24

जौन मसीह यीशु के हो गए, उन ने अपने मन हां ऊ की सबरी इच्छा और अभलाखा संग्गै क्रूस पै चढ़ा दओ।

- इफिसियों 2:19

ईसे तुम अब गैर देस के और यात्री नईं रए, अकेले पवित्तर लोगन के संग्गी ऐई देस के और परमेसुर के वंस के हो गए।

- इफिसियों 4:1

मैं जौन पिरभू में बंधुआ आंव तुम से बिन्तवाई करत आंव, कि जी काजें तुमाओ बुलऊ आ भओ आय, ऊ की जैसी चाल चलो।

- 2 तीमुथियुस 2:22

जवानी की अभलाखा से दूर बनो रै; और जौन साजे मन से पिरभु हां मानत आंय, उनके संग्गै धरम और प्रेम से चलो, और दूसरे जनन से मिले रओ।

- इब्रानियों 11:13

जे सबरे जनें जौई बिसवास धरें मर गए; और जिन बस्तन की कई गई हती बे न पाईं; परन्त उन ने मानो कि आबेवारे दिना में ऐसो हुईये, अबै ई संसार में हम बाहरवारे परदेसी आंय।

- इब्रानियों 6:9

भईया हरौ, हम ऐसो कैत तो आंय परन्त हमाओ सोच आय, कि तुम उनके जैसे काज करत आव जीको तरन तारन हो गओ आय।

- याकूब 4:1

तुम में न्याओ और झगड़ा कां से आ गए? का देयां के भोग विलास से नईं जौन हमाई देयां में बिराजे भए आंय?

- 1 पतरस 1:1

पतरस की कोद से जौन यीशु मसीह कौ चेला आय, उन परदेसियन के नाओं, जौन पुन्तुस, गलतिया, कप्पदुकिया, आसिया और बिथुनिया में तितर बितर होकें रैत आंय।

- 1 पतरस 1:17

जब कि तुम, हे बाप, कह के ऊसे बिन्तवाई करत आव, जौन बिना पिच्छदारी करके सबई कोई के कामन के अनसार न्याय करत आय, तो अपने परदेसी होबे की बेरा डर के काटो।

- 1 पतरस 4:12

हे प्यारो, जौन पीड़ा घांई आगी तुमाए जांचबे के लाने तुम पे पड़ी आय, ऊ ए जौ समज के अचम्भा न करो कि कोऊ अनोखी बात तुम पे बीत रई आय।

- 1 पतरस 4:2

आगे हां अपनो रै गओ संसारी जीवन मान्सन की मरजी से नईं, परन्त परमेसुर की मन्सा के अनसार गुजारो।

- 2 पतरस 3:1

हे प्यारे भईया हरौ, अब मैं तुम हां दूसरी चिठिया लिख रओ आंव, मैं ने दोई चिठियन में सुमरन कराके तुमाए सुद्ध हिये हां उस्केरो आय।