- 1 पतरस 1:4 - Bundeli Holy Bible

⁴ जाने कि एक न मरबेवारी और निर्मल, और हमेसा की मीरास के लाने, जौन तुमाए लाने सरग में धरी आय।

- 1 पतरस 1:4 ပူးပေါင်းရင်းမြစ်များ

- मत्ती 25:34

तब राजा अपनी दाहिनी कोद वारन से कै है, हे मोरे बाप के धन्य मान्सन, आओ, ऊ राज्य के अधकारी हो जाओ, जो संसार के पेंला से तुमाए लाने तईयार करो भओ आय।

- मरकुस 10:17

और जब ऊ निकल के गैल में जात हतो, तो एक मान्स ऊके ऐंगर दौड़त भओ आओ, और ऊके आंगू टिंगरे धर के ऊसे पूछो, हे अच्छे गुरू, अनन्त जीवन कौ हक्कदार होबे के लाने मैं का करों?

- प्रेरितन के काम 20:32

और अब मैं तुमहां परमेसुर, और ऊके आसीस के बचन हां सोंपत आंव, जौन तुमाई तरक्की कर सकत आय, और सब पवित्र करे गए लोगन के संग्गै बिरासत दे सकत आय।

- प्रेरितन के काम 26:18

कि तें उन की आंखन हां खोले, जीसे की बे अंधयारे से उजयारे की कोद, और शैतान के राज्य से परमेसुर की कोद फिरें; जीसे की बे पापन की क्षिमा, और उन लोगन के संग्गै पदवी पाबें, जौन मोय पे भरोसा करबे के द्वारा पवित्र भए आंय।

- रोमियों 8:17

जदि लरका बिटिया आंय, तो वारिस सोई, जाने के परमेसुर के वारिस और मसीह के संगी वारिस आंय, जब हम ऊके संग्गै दुख मुसीबत उठाबें तो ऊके संग्गै मईमा सोई पा हैं।

- पैली कुरिन्थियों 9:25

और सबरे पैलवान सबई परकार कौ संयम करत आंय, बे तो नास होबेवारे मुकट को पाबे के लाने जौ सब करत आंय, परन्त हम तो ऊ मुकट के लाने करत आंय, जौन नास न हुईय।

- गलतियों 3:18

कायसे सरग को सब कछु नैम से मिलो, तो जौन बचन दए हते उन से नईं, अकेले परमेसुर ने तो इब्राहीम हां प्रतिज्ञा से दे दई।

- इफिसियों 1:11

ओई में हम सोई उन की मरजी से जौन अपनी मरजी से सब कछु करत आंय, पेंला से नबेरे जाके हक्कदार भए।

- इफिसियों 1:14

बो उनके मोल लय वारन के छूटबे पे जौन जायजाद हम हां मिल है ऊ को बयानो आय, उनके नाओं को गुन गान होबे।

- इफिसियों 1:18

तुमाई आंखें खुलें कि तुम जानो, कि उनके देखे से तुम हां बड़ी आसा मिली आय, और उनके पवित्तर लोगन में ऊ की जायजाद को मान बड़ो आय।

- कुलुस्सियों 1:12

मोरी चाहना आय कि तुम पिता परमेसुर को धन्न मानो, कि उन ने तुम हां अपनेवारन में जोड़ के उजयारे वारे बना दए।

- कुलुस्सियों 1:5

कि जी बस्त की तुम आस लगाए आव जौन तुमाए लाने सरग में धरी आय, जीके लाने तुम ने सुसमाचार में सोई सुनो हतो।

- कुलुस्सियों 3:24

कायसे जौन पिरभू की सेवा तुम करत आव, बे तुम हां ईको इनाम सोई दै है।

- 2 तीमुथियुस 4:8

आगे परमेसुर जौन सांचे आंय मोरे काजें धरम को मुकुट धरें आंय, जौन मोहां दै हैं और मोहां नईं, परन्त उन हां सोई दै हैं, जौन उनके फिन के आबे की प्रेम से बाट तकें आंय।

- इब्रानियों 10:34

जौन जनें जेहल में डाले गए उन पै तुम ने दया करी, और जब मान्सन ने तुमाई चीज बस्तें ले लईं; तब तुम चिमाने रए, कायसे तुम हां पता हतो कि तुमें ईसे बढ़िया और हमेसा बनी रैबैवारी बस्तें मिल हैं।

- इब्रानियों 9:15

पिरभू यीशु मसीह ने उन हां बनाओ, जीने पुराने नैम हां नईं मानो अब उन ने नए नैम से अपने लाने मान्सन हां बुलाओ, कि बे सरग की जायजाद के मालक हो जाबें।

- याकूब 1:11

कायसे सूरज ऊ गतई कड़ो घाम पड़त आय और घांस हां सुखा देत आय, और ऊकौ फूल झड़ जात आय, और ऊ की सुन्दरता जात रैत आय; ओई भांत धनवालो सोई अपनी गैल पे निंगत निंगत धूला में मिल जै है।

- 1 पतरस 3:9

बुराई के बदले बुराई न करो; और न गाली के बदले गाली दो; पर ईके उलटे आसीस दो: कायसे तुम आसीस के वारस होबे के लाने बुलाए गए आव।

- 1 पतरस 5:4

जब परधान रखवारो आ है, तब तुम हां मईमा कौ मुकट दओ जै है, जौन कभऊं नास न हुईये।

- यूहन्‍ना के दरसन कौ खुलासा 21:27

और उते कोऊ गन्दी बस्त और गन्दो काम करबेवारो, और झूठ बनाबेवारो कैसऊ न घुस पाहै; परन्त बे जनें जिन के नाओं जीवन की पोथी में लिखे आंय।