- 1 पतरस 1:15 - Bundeli Holy Bible

¹⁵ पर जैसो तुमाओ बुलाबेवारो पवित्तर आय, ऊं सई तुम सोई अपने सबरे चाल चलन में पवित्तर बनो।

- 1 पतरस 1:15 ပူးပေါင်းရင်းမြစ်များ

- मत्ती 5:48

ई लाने तुम सिद्ध बनो, जैसो कि तुमाओ स्वर्गीय बाप सिद्ध आय।

- रोमियों 9:24

जाने कि हम पे जिन हां ऊ ने अकेले यहूदियन में से नईं, पर दूसरी जातन में से सोई बुलाओ।

- दूसरी कुरिन्थियों 7:1

सो प्यारो जब जे बचन हम हां मिले, तो हम अपनी देह और आत्मा की सबरी गंदगी हां धो डालें, और मन में परमेसुर को भय मानें और पवित्तर हो जाबें।

- फिलिप्पियों 1:27

इत्तो करौ कि तुमाओ जीवन सुसमाचार की बातन जैसो होबै, और चाहे मैं आओं और न आओं मोहां पता चलै, कि तुम एकई मन के बने आव और एक होकें पिरभू की बात दूसरन लौ बताबे में लगे रैत आव।

- फिलिप्पियों 3:14

मैं आगे हां निसाने पै पहुंचबे हां बढ़ो चलो जात आंव, कि ऊ इनाम पाओं, जीके काजें पिरभू ने मोहां बुलाओ आय कि मोहां सरग पौचाबे।

- फिलिप्पियों 3:20

हमाए रैबे की जांगा सरग में आय; और हम अपने तारन करबेवारे यीशु मसीह की उते से आबे की गैल तकें आंय।

- 1 थिस्सलुनीकियों 2:12

कि तुमाओ जीवन जैसो परमेसुर चाहत आय ऊं सो होबै, जीने तुम हां अपने राज में बुलाओ आय।

- 1 तीमुथियुस 4:12

कोई तोरी जुआनी हां नेंचो नईं लेखे; परन्त बातचीत, और चाल चलन, प्रेम, और बिसवास करबे में, और पवित्तर जीवन धरबे में मान्सन के काजें नमूना बनो रै।

- 2 तीमुथियुस 1:9

जीने हमाओ तरन तारन करो, और हम हां अपनौ बना लओ, जौ हमाए पुण्य के कामन से नईंयां; परन्त परमेसुर की दया से भओ आय।

- तीतुस 3:14

हमाए जनें हां सोई जौन बस्त चाने होबै ऊहां दैबे में पाछें न रैबें।

- तीतुस 3:8

जे बातें सांची आंय, और मोरी जा चाहना आय, कि तें इन बातन हां खुल के बताए कि जीने परमेसुर पै बिसवास धरो आय, बे भले कामन में लगे रैबें, कायसे जे बातें बढ़िया और मान्सन के भले की आंय।

- इब्रानियों 12:14

सबरे जनों से मेल राखो, और साजे रओ ईके बिना तुम परमेसुर हां न तक पा हौ।

- इब्रानियों 13:5

रुपईया पईसा को लालच न करियो, और जो कछु तुम लौ आय, ऊ पै सन्तोष करियो; कायसे पिरभू ने कई आय, कि बे तुम हां कभऊं न छोड़ है।

- याकूब 3:13

तुम में बुद्धमान और समजवारो को आय? जौन ऐसो होय बो साजे चलन से अपने कामन हां ऊ दीनता संग्गै दिखाबें जौन समज से होत आय।

- 1 पतरस 2:12

दूसरी जातन में तुमाओ चाल चलन सई रैबे; ई लाने कि जौन जौन बातन में बे तुम हां बुरए काम करबेवारो जान के बदनाम करत हते, बे तुमाए साजे कामन हां तक के; उनईं के काजें, दया किरपा के दिना परमेसुर की मईमां करें।

- 1 पतरस 2:9

पर तुम एक नबेरो भओ वंस, और राजपद अधकारी, याजकन कौ समाज, और पवित्तर लोग, और पवित्तर मान्स और परमेसुर की निज परजा आव, ई लाने कि जीने तुम हां अंधयारे में से अपनी जोत में बुलाओ आय, ऊके गुण परगट करो।

- 1 पतरस 3:16

और अपनी समज सोई सुद्ध राखो, ई लाने कि जिन बातन के बारे में तुमाई बदनामी होत आय, उन के बारे में बे जौन तुमाए मसीही साजे चाल चलन कौ अपमान करत आंय लज्जित होबें।

- 1 पतरस 5:10

अब परमेसुर जौन सबरी दया कौ दाता आय, जीने तुम हां मसीह में अपनी सदा की मईमा के लाने बुलाओ आय, तुमाए तनक बेरा लौ पीड़ा उठाबे के पाछें खुद तुम हां सिद्ध, पक्को, सकतीवान और पक्को कर है।

- 1 यूहन्‍ना 3:3

जिन हां प्रभु यीशु मसीह ऐसी आस आय, बे उन जैसे पवित्तर रैत आंय।

- यूहन्‍ना के दरसन कौ खुलासा 3:7

और फिलेदिलफिया की मण्डली के दूत हां ऐसो लिखो, कि, जो पवित्तर और सांचो आय, और जौन दाऊद की कुंजी धरत आय, जीके खोले भय हां कोऊ बन्द नईं कर सकत और बन्द हां खोल नईं सकत, बो ऐसो कैत आय।

- यूहन्‍ना के दरसन कौ खुलासा 4:8

इन चारई जनावरन के छै छै पंखा हते, और उनके भीतर और चारऊ कोद आंखई आंखें हतीं; बे रात दिना बिना आराम करे जौ कहत रैत आंय, कि पवित्तर, पवित्तर, पवित्तर, पिरभू परमेसुर, महाबली, जौन पेंला हते, और अबै आंय, और जौन आबेवारे आंय।

- यूहन्‍ना के दरसन कौ खुलासा 6:10

उन ने ऊं ची आवाज में कहो; हे मालक, हे पवित्तर और सांचे जने; तुम कब लौ न्याव न कर हौ? और धरती पै के रहबेवारे जिन ने हमें मार डालो ऊ को पलटा कब लौ न लै हौ?