- 1 पतरस 1:12 - Bundeli Holy Bible

¹² उन पे जौ उजागर करो गओ, कि बे अपनी नोंई परन्त तुमाई सेवा के लाने जे बातें कओ करत हते, जी की खबर अब तुम हां उन से जौन सरग से पठैओ गओ: तुम हां भलो सन्देसो सुनाओ, और इन बातन हां सरगदूत सोई ध्यान से देखबे की मनसा राखत आंय।

- 1 पतरस 1:12 ပူးပေါင်းရင်းမြစ်များ

- मत्ती 11:25

ओई बेरा यीशु ने कई, हे बाप, सरग और धरती के पिरभू; मैं तोरो धन्न मानत हों, कि तेंने इन बातन हां पंडितन और शास्त्रियन से लुका के धरीं, और हलकन पे दरसाई आंय।

- मत्ती 11:27

मोरे बाप ने मोय सब कछु सौंपो आय, और अकेले पूत हां कोऊ नईं चीनत, अकेले बाप; और कोऊ बाप हां नईं चीनत, अकेले पूत; यानि ओई जीए पूत ऊहां दरसाओ चाहत आय।

- मत्ती 16:17

यीशु ने ऊसे कई, कि हे शमौन योना के पूत, तें धन्य आय; कायसे मांस और खून ने ईहां तोपे उजागर नईं करो, बल्कि मोरे बाप ने जौन सरग में आय।

- मरकुस 16:15

और यीशु ने चेलन से कओ, तुम पूरी दुनिया में जाके, सबरे संसार के लोगन हां भलो संदेसो परचार करो।

- लूका 15:10

मैं तुम से कैत आंव; कि ऐई भांत से एक हिया फेरबेवारे अधरमी के विषय में परमेसुर के सरगदूतन के सामूं खुसी मनाई जात आय।

- लूका 2:26

और पवित्तर आत्मा से ऊहां चितावनी भई हती, कि जब लौ बो पिरभु के मसीह हां न तक लै है, तब लौ ऊ न मर है।

- लूका 9:6

और बे औरें कड़ के गांव गांव भलो सन्देसो सुनात, और हर कऊं मान्सन हां साजो करत भए फिरत रए।

- यूहन्‍ना 15:26

पर जब बो संग्गी आ है, जीहां मैं बाप की कोद से तुमाए ऐंगर पठै हों, यानि सत्य कौ आत्मा जौन बाप से कड़त आय, तो बो मोरी गवाह दै है।

- प्रेरितन के काम 10:44

पतरस जे बातें कर ही रओ हतो, कि पवित्तर आत्मा बचन के सबरे सुनबेवारन पे उतर आओ।

- प्रेरितन के काम 16:10

जब ऊ ने जौ दर्शन हेरो, तो जौ समझ के की परमेसुर ने उन लोगन में सन्देसो सुनाबे के लाने हमें टेरो आय, हम ने तुरतईं मकिदुनिया जाबे की सोची।

- प्रेरितन के काम 2:33

ई तरहां परमेसुर के दाहिने हाथ से ऊं चो पद पाके, और बाप से बा पवित्र आत्मा पाके जीकी कौल की गई हती, ऊ ने जौ उण्डेल दओ आय जो तुम तकत और सुनत आव।

- प्रेरितन के काम 4:31

जब बे बिन्तवाई कर चुके, तो बा जांगा जिते बे जुड़े हते हल गई, और बे सबरे पवित्तर आत्मा से भर गए, और परमेसुर कौ बचन हियाव से सुनात रए।

- प्रेरितन के काम 4:8

तब पतरस ने पवित्तर आत्मा से भर के उन से कओ।

- प्रेरितन के काम 8:25

पतरस और यूहन्ना गवाई देके और पिरभु कौ बचन सुना के यरूशलेम हां वापस लौट गए, बे औरें लौटती बेरा, सामरियन के केऊ गांवन में भलो सन्देसो सुनात गए।

- रोमियों 1:15

मैं तुम हां सोई जौन रोम में रैत आंव, पिरभु परमेसुर कौ सन्देसो सुनाबे हां पूरो तईयार आंव।

- रोमियों 1:17

कायसे ऊ में परमेसुर की धार्मिकता बिसवास से, और बिसवास के लाने उजागर होत आय; जैसे लिखो आय, कि बिसवास से धर्मी मान्स जीयत रै है।

- रोमियों 10:15

और परचारक बिना कैसे सुनें? और यदि भेजे न जाबें, तो कैसे परचार करें? जैसो लेख आय, कि उन के गोड़े कैसे साजे आंय, जौन साजी बातन कौ भलो सन्देसो सुनात आंय!

- रोमियों 15:19

और अद्भुत चिन्हों और आश्चर्य कामन की शक्ति से, और पवित्तर आत्मा के बल सक्ति से मोरे द्वारा करे गए: इते लौ कि मैंने यरूशलेम से लेकेइल्लुरिकुम तक मसीह के भले सन्देसे कौ पूरो पूरो परचार करो।

- पैली कुरिन्थियों 2:10

परन्त परमेसुर ने उन हां अपनी आत्मा से हम पे उजागर करो; कायसे आत्मा सबरी बातें, इते लौ कि परमेसुर की गैरी बातें सोई परखत आय।

- दूसरी कुरिन्थियों 1:22

जीनें हम पै छाप लगा दई आय और बयाने में आत्मा हां हमाए जी में डालो आय।

- दूसरी कुरिन्थियों 6:6

साजो रैके, ज्ञान से, धीरज धर के, दया करके, पवित्तर आत्मा से।

- गलतियों 1:12

कायसे बो बचन मोहां मान्स से नईं मिलो, और कोऊ ने मोहां नईं सिखाओ, अकेले यीशु मसीह की जोत से मिलो।

- गलतियों 1:16

जब उनकी मन्सा भई, कि मोपे अपने पुत्तर हां प्रगट करें कि मैं जौन यहूदी भईयन उन हां बचन सुनाओं; तो मैंने मान्स से कछु सलाह नईं लई।

- इफिसियों 3:10

कि अब मण्डली से परमेसुर के बिलात ज्ञान उन मुखियन और हाकमन पै जौन सरग में आय खोले।

- 1 थिस्सलुनीकियों 2:9

भईया हरौ, तुम हमाए दुख और परेसानी हां जानत आव, कि हम ने रात दिना अपनो धन्धा करत तुम हां परमेसुर की बातें बताईं, कि तुम में से कोई पै बुझवा न डालें।

- 1 तीमुथियुस 3:16

धरम को भेद बड़ो आय ईको ध्यान धरियो; बो सरीर में होकें संसार में आओ जा बात आत्मा ने बताई, और सरगदूतन ने संसार मैं ईको परचार करो, मान्सन ने ऊ पै बिसवास करो और बो सरग पै उठा लओ गओ।

- इब्रानियों 11:13

जे सबरे जनें जौई बिसवास धरें मर गए; और जिन बस्तन की कई गई हती बे न पाईं; परन्त उन ने मानो कि आबेवारे दिना में ऐसो हुईये, अबै ई संसार में हम बाहरवारे परदेसी आंय।

- इब्रानियों 2:4

परमेसुर ने जौ दिखाओ कि उनको बचन सांचो आय, अदभुत काम और चिन्ह दिखा के, और पवित्रात्मा देके ईकी गवाह दई।

- इब्रानियों 4:2

हम हां सोई जेई बातें बताई हतीं, परन्त उनहां जौन बातें सुनाईं, उनसे उन ने कछु बिसवास नईं धरो।

- 1 पतरस 1:25

परन्त पिरभु कौ बचन जुग जुग लेओ बनो रै है जौ ओई भले सन्देसे कौ बचन आय जौन तुम हां सुनाओ गओ हतो।

- 1 पतरस 4:6

मरे भयन हां सोई भलो सन्देसो ई लाने सुनाओ गओ, कि देयां में तो मान्सन के अनसार उन कौ न्याय होबै, पर आत्मा में बे परमेसुर के अनसार जीयत रैबें।

- यूहन्‍ना के दरसन कौ खुलासा 5:11

और मैंने हेरो, तो सिंहासन और उन जनावर और प्राचीनन के चारऊ कोद मुतके सरगदूतन कौ बोल सुनो, जौन लाखों और कड़ोरन हते।