- 1 यूहन्‍ना 5:20 - Bundeli Holy Bible

²⁰ कायसे हम हां पता आय, कि परमेसुर के बेटा ई धरती पै आ गए आंय, और उन ने हम हां ऐसी सीख दई आय, कि हम उन सांचे जनें को चीनें, और उनईं के संग्गै बने रैबें; बे सांचे परमेसुर आंय और उन में होकें बैकुण्ड वास मिलत आय।

- 1 यूहन्‍ना 5:20 ပူးပေါင်းရင်းမြစ်များ

- मत्ती 13:11

ऊने उन हां उत्तर दओ, तुम हां सरग के राज्य के भेदन की समझ दई गई आय, पर उन हां नईं।

- लूका 21:15

कायसे मैं तुम हां सोच और समज देंहों, कि तुमाए सबरे बिरोधी तुमाओ सामना या वादविवाद न कर सक हैं।

- लूका 24:45

तब यीशु ने पवित्तर धर्म पोथी समजबे के लाने उन की बुद्धि खोल दई।

- यूहन्‍ना 1:18

परमेसुर हां कोऊ ने कभऊं नईं तको, एकलौतो पूत जौन बाप की कंईयां में आय, ओई ने ऊहां दरसाओ।

- यूहन्‍ना 10:30

मैं और बाप एकई आंय।

- यूहन्‍ना 14:20

ऊ दिना तुम जान जै हो, कि मैं अपने बाप में आंव, और तुम मोय में और मैं तुम में आंव।

- यूहन्‍ना 14:23

यीशु ने ऊसे कई, जदि कोऊ मोय से प्रेम करत आय, तो बो मोरे बचन हां मान है, और मोरो बाप ऊसे प्रेम कर है, और हम ऊके ऐंगर आ हैं, और ऊके संग्गै बस हैं।

- यूहन्‍ना 14:6

यीशु ने ऊसे कई, गैल, सत्य और जीवन मैं ही आंव; बिना मोरे कोऊ बाप के ऐंगर नईं जा पा है।

- यूहन्‍ना 14:9

यीशु ने ऊसे कई; हे फिलिप्पुस, मैं इतेक दिना से तुमाए संग्गै आंव फिन भी तुम मोय नईं जानत? जीने मोय जानो आय ऊ ने बाप हां सोई जानो आय: तें काय कहत आय कि बाप हां हम हां दिखा दे?

- यूहन्‍ना 15:4

तुम मोय में बने रओ और मैं तुम में, जैसे डाल जदि दाख की बेल से नईं जुड़ी रैत, तो बो अपने आप नईं फलत, वैसई तुम भी अगर मोय में जुड़े न रए तो नईं फल सकत।

- यूहन्‍ना 17:14

मैंने उन हां तोरो बचन कै दओ आय, और संसार ने ऊहां नईं मानो, कायसे जैसो मैं संसार कौ नईंयां, वैसई बे सोई संसार के नईंयां।

- यूहन्‍ना 17:25

हे धर्म बाप, संसार ने तोय नईं जानो, परन्त मैंने तोय जानो और इन ने सोई तोय जानो कि तेंने ही मोय पठैव आय।

- यूहन्‍ना 17:3

और अनन्त जीवन जौ आय, कि बे तोय जौन एकई सांचो परमेसुर और यीशु मसीह हां जानें, जीहां तेंने पठैव आय।

- यूहन्‍ना 20:28

थोमा ने यीशु से कई, हे मोरे प्रभु, हे मोरे परमेसुर!

- यूहन्‍ना 8:42

यीशु ने उन से कई; जदि परमेसुर तुमाओ बाप होतो, तो तुम मोसे प्रेम रखते; कायसे मैं परमेसुर से कड़ के आओ हों; मैं अपनी मनसा से नईं आओ, परन्त ओई ने मोय पठैव आय।

- प्रेरितन के काम 20:28

ई लाने अपनी और अपने सबरे गुट की रखनवारी करो; जीके बीच पवित्र आत्मा ने तुमहां मुखिया ठहराओ आय; की तुम परमेसुर की मण्डली की रखनवारी करो, जीहां ऊ ने अपने खून से मोल लओ आय।

- रोमियों 9:5

पुरखा सोई उन में से आंय, और मसीह सोई आदम रूप में उन में से भओ, सब के ऊ परै परम परमेसुर जुग जुग धन्न होबै। आमीन।

- पैली कुरिन्थियों 1:30

परन्त ओई कुदाऊं से तुम मसीह यीशु में आव, जौन परमेसुर कुदाऊं से हमाए लाने ज्ञान ठैरो जाने कि धरम, और पवित्तरता, और छुटकारो।

- दूसरी कुरिन्थियों 4:6

कायसे परमेसुर ने कई, कि अंधियारे में जोत होबे; और ओई जोत हमाए हिये में चमकी, कि परमेसुर की जोत यीशु मसीह के मों पे हो चिमचिमानी।

- दूसरी कुरिन्थियों 5:17

जो कोऊ मसीह से जुड़ गओ आय बो नओ हो गओ: पुरानी बातें चली गईं आंय, अब सबरो नओ दिखात आय।

- इफिसियों 3:18

सबरे पवित्तर लोगन के संग्गै अच्छी समझ को ज्ञान पाओ।

- फिलिप्पियों 3:9

और पिरभू की बातन में बनो रओ; और मूसा के नैम से जौन बड़वाई मिलत आय, ऊहां छोड़ के जौन बातें पिरभू पै बिसवास करे से मिलत आंय, उन में पक्को रओ।

- 1 तीमुथियुस 3:16

धरम को भेद बड़ो आय ईको ध्यान धरियो; बो सरीर में होकें संसार में आओ जा बात आत्मा ने बताई, और सरगदूतन ने संसार मैं ईको परचार करो, मान्सन ने ऊ पै बिसवास करो और बो सरग पै उठा लओ गओ।

- तीतुस 2:13

और जौन आस हम लगाए आंय कि महाबली परमेसुर और पिरभु यीशु मसीह जिन ने हमाओ तरन तारन करो आय, उनकी फिन के आबे की गैल तकें रैबें।

- इब्रानियों 1:8

और अपने बेटा से कैत आय, कि तुम परमेसुर आव और तुम जीवन भर राज कर हौ।

- 1 यूहन्‍ना 2:23

जो बेटा हां नईं मानत उन लौ परमेसुर पिता सोई नईंयां, परन्त जौन बेटा हां मानत आय, पिता परमेसुर ऊके संग्गै रैत आय।

- 1 यूहन्‍ना 2:24

जो कछु तुम ने पैली बेरा से सुनो आय ओई हां मानो, कायसे जौन बातें तुम ने पेंला सुनके अपने हिये में जमा लईं, तो तुम यीशु मसीह जौन बेटा आय और परमेसुर जौन पिता आय उन में बने रै हौ।

- 1 यूहन्‍ना 2:6

जो कोनऊं जौ कैत आय, कि मैं उनकी कई करत आंव, तो ऊहां उनकी सी गैल पै चलो चईये।

- 1 यूहन्‍ना 4:14

हम ने जौ चीनो आय और हमाई जा गवाह आय, कि परमेसुर ने अपने बेटा यीशु मसीह हां ई संसार को तरन तारन करबे हां पठैओ।

- 1 यूहन्‍ना 4:16

जौन प्रेम परमेसुर हम से करत आय, ऊ प्रेम हम ने जानो आय, और हमाए हिये में बस गओ आय; कि परमेसुर प्रेम आय: और जौन प्रेम करत आय बो परमेसुर में रैत आय, और परमेसुर उन में बने रैत आंय।

- 1 यूहन्‍ना 4:2

परमेसुर की आत्मा से चलबेवारे हां चीनबे की सबसे बड़ी बात जा आय, कि बौ जनो मानत आय, कि पिरभु यीशु मसीह ने जा देह धरी बा परमेसुर के कय से आय।

- 1 यूहन्‍ना 5:1

जो कोनऊं जौ बिसवास करत आय कि यीशु ही मसीह आय, बो परमेसुर से पैदा भओ आय और जो कोनऊं पैदा करबेवारे से प्रेम करत आय, बे सोई उन से प्रेम करत आय और उनकी मानत आय।

- 1 यूहन्‍ना 5:15

जब हम हां ऐसो पता आय, कि जो कछु हम मांगें तो बे देत आंय, तो हम जौ कैत आंय, कि हम ने जौन मांगो सो पाओ।

- 1 यूहन्‍ना 5:18

हम हां पता आय, कि जौन परमेसुर मैं बिसवास धरें आय, बो जनो पाप करतई नईंयां; कायसे परमेसुर ऊहां बचाए रैत आंय, और ऊ शैतान छलिया उन हां छी लौ नईं पात।

- 1 यूहन्‍ना 5:5

संसार की बातन पै जै पाबेवारो को आय? ओई जौन बिसवास धरें आय, कि यीशु मसीह परमेसुर को बेटा आय।

- यूहन्‍ना के दरसन कौ खुलासा 15:3

और बे परमेसुर के दास मूसा कौ गीत, और मेमने कौ गीत गाके कहत हते, कि हे महाबलि पिरभू परमेसुर, तोरे सबरे काज अदभुत आंय, हे जुग जुग के राजा, तोरी चाल सूदी और सांची आय।

- यूहन्‍ना के दरसन कौ खुलासा 19:11

फिन मैंने सरग हां एकदम खुलो तको; और एक सफेद घुड़वा आय; और ऊ पै एक सवार आय, जो बिसवास करे जोग आय; और बो धरम के संग्गै न्याव और लड़ाई करत आय।

- यूहन्‍ना के दरसन कौ खुलासा 3:14

लौदीकिया की मण्डली के दूत हां ऐसो लिखो, कि, जो आमीन, और भरोसा धरबे जोग, और सच्चो गवाह आय, और परमेसुर के संसार कौ खास कारन आय, बो ऐसो कैत आय।

- यूहन्‍ना के दरसन कौ खुलासा 3:7

और फिलेदिलफिया की मण्डली के दूत हां ऐसो लिखो, कि, जो पवित्तर और सांचो आय, और जौन दाऊद की कुंजी धरत आय, जीके खोले भय हां कोऊ बन्द नईं कर सकत और बन्द हां खोल नईं सकत, बो ऐसो कैत आय।

- यूहन्‍ना के दरसन कौ खुलासा 6:10

उन ने ऊं ची आवाज में कहो; हे मालक, हे पवित्तर और सांचे जने; तुम कब लौ न्याव न कर हौ? और धरती पै के रहबेवारे जिन ने हमें मार डालो ऊ को पलटा कब लौ न लै हौ?