- 1 यूहन्‍ना 5:18 - Bundeli Holy Bible

¹⁸ हम हां पता आय, कि जौन परमेसुर मैं बिसवास धरें आय, बो जनो पाप करतई नईंयां; कायसे परमेसुर ऊहां बचाए रैत आंय, और ऊ शैतान छलिया उन हां छी लौ नईं पात।

- 1 यूहन्‍ना 5:18 ပူးပေါင်းရင်းမြစ်များ

- मत्ती 5:37

पर तुमाई बात हओ की हओ, या नईं की नईं होबै; कायसे जो क छु तनक से बिलात होत आय बो बुराई से होत आय।

- मत्ती 6:13

और हम हां परीक्षा में न डारियो, परन्त बुराई से बचाईयो; कायसे राज्य, पराक्रम और मईमा तोरी ही आंय”। आमीन।

- यूहन्‍ना 1:13

बे न तो खून से, और न सरीर की मनसा से, और न ही मान्स की मनसा से, पर परमेसुर की मनसा से पैदा भय आंय।

- यूहन्‍ना 14:30

मैं तुम से अब और बिलात बातें न कै हों, कायसे ई जगत कौ हाकिम आ रओ आय, और मोय में ऊ को कछु नईंयां।

- यूहन्‍ना 15:4

तुम मोय में बने रओ और मैं तुम में, जैसे डाल जदि दाख की बेल से नईं जुड़ी रैत, तो बो अपने आप नईं फलत, वैसई तुम भी अगर मोय में जुड़े न रए तो नईं फल सकत।

- यूहन्‍ना 15:7

जदि तुम मोय में बने रै हौ, और मोरी बातें तुम में बनी रै हैं, तो जौन मांग हौ बो तुमाए लाने हो जै है।

- यूहन्‍ना 15:9

जैसे बाप ने मोसे प्रेम करो आय, वैसई मैंने सोई तुम से प्रेम करो आय, मोरे प्रेम में बने रहियो।

- प्रेरितन के काम 11:23

ऊ ने उते पोंच के, परमेसुर के अनुग्रह हां हेरो तो बो खुस भओ; और उन सबई हां हिम्मत देन लगो कि बे पूरे मन से प्रभु के भरोसे में बने रएं।

- याकूब 1:18

ऊ ने अपनी मनसा से हम हां सत्त के बचन से बनाओ आय, जीसे हम ऊके संसार की बनाई भई बस्तन में से मानो पैलो फल होबें।

- याकूब 1:27

हमाए पिता परमेसुर के लेखे में सुद्ध और साफ भक्ति जा आय, कि हम अनाथों और बिधवाओं की दुख पीड़ा में उन की सुध लेबें, और अपने आप हां संसार की बातन से दूर राखें।

- 1 पतरस 1:23

कायसे तुम ने नास होबेवारो नईं पर न मिटबेवारे बीज से परमेसुर के जीयत और सदा ठैरबेवारे बचन सें नओ जनम पाओ आय।

- 1 यूहन्‍ना 2:29

कायसे जो तुम मानत आव, कि बे सांचे आंय, तो तुम जौ सोई जानत आव, कि जौन धरम की गैल धरै आय, बो मानो उनईं को आय।

- 1 यूहन्‍ना 3:12

कैन घांई नईं करियो जौन दुष्ट हतो, जीने अपने भईया हां मार डालो: और काय हां मार डालो? कायसे ऊ को भईया धरम की गैल चलत हतो, और ऊ दुष्टी हतो।

- 1 यूहन्‍ना 3:3

जिन हां प्रभु यीशु मसीह ऐसी आस आय, बे उन जैसे पवित्तर रैत आंय।

- 1 यूहन्‍ना 3:9

जौन परमेसुर हां मानत आंय बो पाप नईं करत; कायसे परमेसुर की आत्मा ऊ में बनी रैत आय: और बो जनो पाप नईं कर सकत, कायसे बो सांचे मन से उन हां मानत आय।

- 1 यूहन्‍ना 4:6

हम तो परमेसुर के जनें आंय, जौन परमेसुर हां नईं चीनत आंय बो हमाई बातन हां नईं सुनत; ऐईसे हम सत्त के जनें और भरम में पड़े जनें हां चीन लेत आंय।

- 1 यूहन्‍ना 5:1

जो कोनऊं जौ बिसवास करत आय कि यीशु ही मसीह आय, बो परमेसुर से पैदा भओ आय और जो कोनऊं पैदा करबेवारे से प्रेम करत आय, बे सोई उन से प्रेम करत आय और उनकी मानत आय।

- 1 यूहन्‍ना 5:15

जब हम हां ऐसो पता आय, कि जो कछु हम मांगें तो बे देत आंय, तो हम जौ कैत आंय, कि हम ने जौन मांगो सो पाओ।

- 1 यूहन्‍ना 5:19

हम हां पता आय, कि हम परमेसुर पै बिसवास धरें आंय, और पूरे संसार के जनें शैतान छलिया की कई करत आंय।

- 1 यूहन्‍ना 5:20

कायसे हम हां पता आय, कि परमेसुर के बेटा ई धरती पै आ गए आंय, और उन ने हम हां ऐसी सीख दई आय, कि हम उन सांचे जनें को चीनें, और उनईं के संग्गै बने रैबें; बे सांचे परमेसुर आंय और उन में होकें बैकुण्ड वास मिलत आय।

- 1 यूहन्‍ना 5:21

हे लड़को, मूरतन से बचे रईयो।

- 1 यूहन्‍ना 5:4

कायसे जौन परमेसुर की कई करत आय, बो संसार की बातन में नईं पड़त, कायसे ऊ ने संसार जैसी नईं करी कायसे बौ अपने बिसवास में पक्को कड़ो।

- यहूदा 1:21

और परमेसुर से प्रेम करत रओ; और पिरभु यीशु मसीह से हमाओ तरन तारन हुईये जा बात मन में बसाएं रओ।

- यहूदा 1:24

जौन तुम हां बिलुरबे से बचा लै है, और पाप से धोके उजरो कर लै है, अपने सरग लोक के तेज में।

- यूहन्‍ना के दरसन कौ खुलासा 2:13

कि तें उते रैत आय जिते शैतान छलिया कौ सिंहासन आय, पर मोरे नाओं पै बिसवास धरे रैत आय; और मोपे बिसवास करबे से उन दिना में पक्को रओ, जब मोरो सच्चो और पक्को गवाह अन्तिपास, तुमाए बीच मारो गओ।