- 1 यूहन्‍ना 5:12 - Bundeli Holy Bible

¹² जीने बेटा पै बिसवास धरो, बे परलोक के वासी भए, जीने परमेसुर के बेटा हां नईं मानो उन हां परलोक नईं मिलो।

- 1 यूहन्‍ना 5:12 ပူးပေါင်းရင်းမြစ်များ

- मरकुस 16:16

जो बिसवास कर है और बपतिस्मा लै है ओई को उद्धार हुईये, लेकिन जो बिसवास नें कर है ऊ दोषी ठहराओ जै है।

- यूहन्‍ना 1:12

पर जीने ऊहां अपनाओ, ऊ ने इन हां परमेसुर की लड़ेर होबे कौ हक्क दओ, यानि उन हां जौन ऊके नाओं पे भरोसा करत आय।

- यूहन्‍ना 3:15

कि जो कोऊ भरोसा करे, बो ऊ में अनन्त जीवन पाबै।

- यूहन्‍ना 3:36

जौन पूत पे भरोसा करत आय, अनन्त जीवन ओई कौ आय; वरन बो जौन पूत की नईं मानत, ऊहां जीवन नईं मिल है, परन्त परमेसुर को कोप ऊ पे बनो रहत आय।

- यूहन्‍ना 5:24

मैं तुम से सांची सांची कहत आंव, जौन मोरो बचन सुनके मोरे पठैबेवाले पे भरोसा करत आय, अनन्त जीवन ऊ को आय, और ऊ पे दण्ड कौ हुकुम नईं हुईये, परन्त बो मृत्यु से पार होकें जीवन में पिड़ चुको आय।

- पैली कुरिन्थियों 1:30

परन्त ओई कुदाऊं से तुम मसीह यीशु में आव, जौन परमेसुर कुदाऊं से हमाए लाने ज्ञान ठैरो जाने कि धरम, और पवित्तरता, और छुटकारो।

- गलतियों 2:20

मैं मसीह के संग्गै क्रूस पै चढाओ गओ हों, अब मैं जीयत नईंयां, अकेले मसीह मोय मैं जीयत आय: और मैं जौन देह में जीयत हों तो ऊ बिसवास से जीयत हों, जौन परमेसुर के पुत्र पै आय, जीनें मोय से प्रेम करो, और अपने प्रान मोरे लाने दे दए।

- इब्रानियों 3:14

जब से हम ने पिरभू यीशु मसीह से मन लगाओ, उनईं बातन पै बने रओ चईये।

- 2 यूहन्‍ना 1:9

जौन आगे हां यीशु मसीह की सीख पै नईं चलत, मानो ऊ लौ परमेसुर नईंयां, परन्त जौन उनकी सीख पै चलत आंय, बौ मानो परमेसुर पिता और उनके बेटा यीशु मसीह में पक्को बनो रैत आय।