- 1 यूहन्‍ना 5:10 - Bundeli Holy Bible

¹⁰ जौन परमेसुर के बेटा पै बिसवास धरें आय, कि जा सांची आय; जीने परमेसुर की कई गई मानी, ऊने मानो उन हां झूठो मानो; जौन उन ने अपने बेटा के लाने कई।

- 1 यूहन्‍ना 5:10 ပူးပေါင်းရင်းမြစ်များ

- यूहन्‍ना 3:16

कायसे परमेसुर ने जगत से ऐसो प्रेम करो, कि ऊ ने अपनो एकलौतो पूत हां दे दओ, कि जो कोऊ ऊ पै भरोसा करे, बो नास न होय, बरन अनन्त जीवन पाबै।

- यूहन्‍ना 3:18

जौन ऊ पे भरोसा करत आय, बो दोषी नईं ठहराओ जात, जौन भरोसा नईं करत, बो दोषी ठहराओ जा चुको आय; कायसे ऊ ने परमेसुर के एकलौते पूत के नाओं पै भरोसा नईं करो।

- यूहन्‍ना 3:33

जीने ऊ की गवाही मान लई आय, ऊने ई बात पे छाप लगा दई, कि परमेसुर सांचो आय।

- यूहन्‍ना 5:38

और ऊ को वचन तुम में बनो नईं रहत, कायसे जीने मोय पठैव आय तुम ऊ को भरोसा नईं करत।

- प्रेरितन के काम 8:37

फिलिप्पुस ने कओ, जदि तें पूरे मन से बिसवास करत आय तो जौ हो सकत आय: ऊ ने उत्तर दओ मैं बिसवास करत आंव कि यीशु मसीह परमेसुर को पूत आय।

- रोमियों 8:16

आत्मा खुद हमाई आत्मा के संग्गै गवाय देत आय, कि हम परमेसुर के लरका बिटिया आंय।

- गलतियों 4:1

मैं जा कैत आंव, कि वारिस जब लौ बच्चा आय, ऊ सबरी बस्तन को मालक आय, अकेले ऊ में और चाकर में कछु भेद नईयां।

- गलतियों 4:6

और तुम जौन लड़का हो, एईसे परमेसुर ने अपने पुत्र की आत्मा हां, जौन हे अब्बा, हे पिता कहके टेरत आय, तुमाए हिये में धरो।

- कुलुस्सियों 3:3

कायसे तुम तो मानो मर गए, और अब तुमाओ जी पिरभू यीशु मसीह में बनो आय।

- इब्रानियों 3:12

सो भईया हरौ, चेतो और बुरई बातन में न लगो, जीसे तुम परमेसुर से भटक जाओ।

- 2 पतरस 1:19

हमाए ऐंगर आगमवकतन कौ जौन बचन आय, बो ई घटना से पक्को ठैरो, तुम जौ साजो करत आव और जौ समज के ऊ पे ध्यान करत आव, कि जौ एक दीया आय जौन अन्धयारी जांगा में ऊ टैम लौ जोत देत रैत आय, जब लौ भुन्सारो न हो जाबै और भुन्सारे कौ तारा तुमाए हियन में न चमक उठे।

- 1 यूहन्‍ना 1:10

हम कैबें कि हम ने कछु पाप नईं करे, तो उन हां झूठो ठहरात आंय, और उनके बचन को सत्त हम में नईंयां।

- 1 यूहन्‍ना 5:1

जो कोनऊं जौ बिसवास करत आय कि यीशु ही मसीह आय, बो परमेसुर से पैदा भओ आय और जो कोनऊं पैदा करबेवारे से प्रेम करत आय, बे सोई उन से प्रेम करत आय और उनकी मानत आय।

- यूहन्‍ना के दरसन कौ खुलासा 12:17

अजगर बईयर पै बड़ो खिसयाओ, और ऊ ने ऊ बईयर के दूसरे लड़का बारन से जो परमेसुर की आज्ञाओं को मानत हते, और पिरभू यीशु की गवाह देत हते, लड़बे हां गओ। और बो समुन्दर की बालू पै जाके ठांड़ो हो गओ।

- यूहन्‍ना के दरसन कौ खुलासा 2:17

जीके कान होबें, बो सुन लेबें कि आत्मा मण्डलियन से का कैत आय; जौन इन बातन हां मान है, ऊहां मैं गुप्त मन्ना में से दै हों; और ऊहां एक सफेद पथरा सोई दै हों, और ऊ पथरा पै एक नाओं लिखो हुईये, जीहां केवल बे जान हैं जीहां बो मिल है।

- यूहन्‍ना के दरसन कौ खुलासा 2:28

और मैं ऊहां भुनसारे कौ तारा दै हों।