- 1 यूहन्‍ना 5:1 - Bundeli Holy Bible

¹ जो कोनऊं जौ बिसवास करत आय कि यीशु ही मसीह आय, बो परमेसुर से पैदा भओ आय और जो कोनऊं पैदा करबेवारे से प्रेम करत आय, बे सोई उन से प्रेम करत आय और उनकी मानत आय।

- 1 यूहन्‍ना 5:1 ပူးပေါင်းရင်းမြစ်များ

- मत्ती 16:16

शमौन पतरस ने उत्तर दओ, कि तें जीयत परमेसुर कौ पूत मसीह आय।

- लूका 7:5

कायसे ऊ हमाई जात वारन से प्रेम करत आय, और ओई ने हमाए मन्दर हां बनवाओ आय।

- यूहन्‍ना 1:3

सब कछु ऊके द्वारा पैदा भओ और जो कछु पैदा भओ आय, ऊ में से कछु भी ऊके बिना पैदा नईं भओ।

- यूहन्‍ना 15:23

जौन मोय से बैर रखत आय, ऊ मोरे बाप से भी बैर रखत आय।

- यूहन्‍ना 3:3

यीशु ने जवाब में ऊसे कई; मैं तोसे सांची सांची कहत आंव, कि जब लौ कोऊ नए सिरे से जन्म नईं लै है, बो परमेसुर के राज्य में नईं जा सकत आय।

- यूहन्‍ना 6:69

हम ने भरोसा करो आय, और जान लओ है, कि परमेसुर कौ पवित्र जन तेंई आय।

- यूहन्‍ना 8:42

यीशु ने उन से कई; जदि परमेसुर तुमाओ बाप होतो, तो तुम मोसे प्रेम रखते; कायसे मैं परमेसुर से कड़ के आओ हों; मैं अपनी मनसा से नईं आओ, परन्त ओई ने मोय पठैव आय।

- प्रेरितन के काम 8:36

गैल पे चलत चलत बे कौनऊ सूनसान जांगा पोंचे, तब खोजे ने कओ, तको इते पानी आय, अब मोहां बपतिस्मा लेबे हां का रोक आय।

- प्रेरितन के काम 8:37

फिलिप्पुस ने कओ, जदि तें पूरे मन से बिसवास करत आय तो जौ हो सकत आय: ऊ ने उत्तर दओ मैं बिसवास करत आंव कि यीशु मसीह परमेसुर को पूत आय।

- याकूब 1:18

ऊ ने अपनी मनसा से हम हां सत्त के बचन से बनाओ आय, जीसे हम ऊके संसार की बनाई भई बस्तन में से मानो पैलो फल होबें।

- 1 पतरस 1:3

हमाए पिरभु यीशु मसीह के परमेसुर और बाप कौ धन्नबाद होबै, जीने यीशु मसीह के मरे भयन में से जी उठबे के द्वारा, अपनी बड़ी किरपा से हम हां जीयत आसा के लाने नओ जनम दओ।

- 1 यूहन्‍ना 2:10

जो कोनऊ अपने भईया से प्रेम धरत आय, ज्योत में बनो रैत आय, और ऊ को कछु बुरओ न हुईये।

- 1 यूहन्‍ना 2:29

कायसे जो तुम मानत आव, कि बे सांचे आंय, तो तुम जौ सोई जानत आव, कि जौन धरम की गैल धरै आय, बो मानो उनईं को आय।

- 1 यूहन्‍ना 3:14

हम जौ मानत आंय, कि हमाओ नरक कुण्ड से कड़के मानो तरन तारन भओ आय; कायसे कि हम भईयन से प्रेम करत आंय: जौन प्रेम नईं करत, बो मानो नरक कुण्ड में डलो आय।

- 1 यूहन्‍ना 3:17

जी लौ संसार में बिलात जायजाद होबै, और बो अपने भईया हां कंगाल देख के तरस न खाबै, तो ऐसे मान्स में परमेसुर को प्रेम नईं रैत।

- 1 यूहन्‍ना 3:9

जौन परमेसुर हां मानत आंय बो पाप नईं करत; कायसे परमेसुर की आत्मा ऊ में बनी रैत आय: और बो जनो पाप नईं कर सकत, कायसे बो सांचे मन से उन हां मानत आय।

- 1 यूहन्‍ना 4:2

परमेसुर की आत्मा से चलबेवारे हां चीनबे की सबसे बड़ी बात जा आय, कि बौ जनो मानत आय, कि पिरभु यीशु मसीह ने जा देह धरी बा परमेसुर के कय से आय।

- 1 यूहन्‍ना 4:20

कायसे कोऊ कैबे, कि मैं परमेसुर से प्रेम धरें आंव; और अपने भईया से अदावट धरे; तो ऊ लबरा आय: कायसे जौन अपनी आंखन देखे भईया से प्रेम नईं करे, तो परमेसुर जिन हां ऊ ने कभऊं नईं तको, उनसे कैसे प्रेम धर है।

- 1 यूहन्‍ना 4:7

प्यारे जनौ, एक दूजे से प्रेम करो; कायसे प्रेम परमेसुर को दओ आय, जो कोनऊं प्रेम करत आय, बो मानो परमेसुर से जन्मो आय; और उन हां मानत आय।

- 1 यूहन्‍ना 5:18

हम हां पता आय, कि जौन परमेसुर मैं बिसवास धरें आय, बो जनो पाप करतई नईंयां; कायसे परमेसुर ऊहां बचाए रैत आंय, और ऊ शैतान छलिया उन हां छी लौ नईं पात।

- 1 यूहन्‍ना 5:4

कायसे जौन परमेसुर की कई करत आय, बो संसार की बातन में नईं पड़त, कायसे ऊ ने संसार जैसी नईं करी कायसे बौ अपने बिसवास में पक्को कड़ो।

- 1 यूहन्‍ना 5:5

संसार की बातन पै जै पाबेवारो को आय? ओई जौन बिसवास धरें आय, कि यीशु मसीह परमेसुर को बेटा आय।