- 1 यूहन्‍ना 4:9 - Bundeli Holy Bible

⁹ परमेसुर ने हम से प्रेम करो, कि उन ने अपने इकलौते बेटा हां संसार में पठै दओ, कि उन में होकें हमाओ तरन तारन होबै।

- 1 यूहन्‍ना 4:9 ပူးပေါင်းရင်းမြစ်များ

- उत्पत्ति 22:2

यहोवा परमेसुर ने कई, “अपने मोंड़ा हों मतलब अपने एकलौते मोंड़ा इसहाक हों जीसें तें प्रेम रखत आय, संगै लैकें मोरिय्‍याह देस में चलो जा; और उतै ऊहों एक पहड़वा के ऊपर मैं जो तोहों बताहों होमबलि करके चढ़ा।”

- मरकुस 12:6

अब एकई बचो हतो, जौन ऊ को प्यारो बेटा हतो; अन्त में ऊ ने ऊहां भी उनके ऐंगर जौ सोच के भेजो कि बे मोरे बेटा की इज्जत कर हैं।

- लूका 4:18

कि पिरभु कौ आत्मा मोपे आय, ई लाने कि ऊ ने गरीब-गुरवन हां भलो सन्देसो सुनाबे के लाने मोरो अभिषेक करो आय, और मोय ई लाने पठैओ आय, कि जौन बन्धुए आंय उन हां छुटकारे कौ और अन्धरन हां तकबे कौ भलो सन्देसो सुनाऔ और कुचले भए हां छुड़ाओं।

- यूहन्‍ना 10:10

भड़या भड़याई करबे, मार डालबे और नास करबे हां आत आय। मैं ई लाने आओ हों, कि बे जीवन पाबें और बिलात भरपूरी से पाबें।

- यूहन्‍ना 14:6

यीशु ने ऊसे कई, गैल, सत्य और जीवन मैं ही आंव; बिना मोरे कोऊ बाप के ऐंगर नईं जा पा है।

- यूहन्‍ना 3:16

कायसे परमेसुर ने जगत से ऐसो प्रेम करो, कि ऊ ने अपनो एकलौतो पूत हां दे दओ, कि जो कोऊ ऊ पै भरोसा करे, बो नास न होय, बरन अनन्त जीवन पाबै।

- यूहन्‍ना 3:18

जौन ऊ पे भरोसा करत आय, बो दोषी नईं ठहराओ जात, जौन भरोसा नईं करत, बो दोषी ठहराओ जा चुको आय; कायसे ऊ ने परमेसुर के एकलौते पूत के नाओं पै भरोसा नईं करो।

- यूहन्‍ना 5:23

कि सब लोग पूत कौ वैसई मान करें, जैसो की बाप कौ मान करत आंय, जौन पूत को मान नईं करत, बो बाप को भी मान नईं करत, जीने ऊहां पठैव।

- यूहन्‍ना 6:29

यीशु ने उन से कई; परमेसुर को काम जौ आय, कि जीहां ऊ ने पठैव आय, तुम ऊ पै भरोसा करो।

- यूहन्‍ना 6:51

जीवन की रोटी जौन सरग से उतरी बो मैं आंव। जो कोऊ ई रोटी में से खा है, तो बो सदा लौ जीयत रै है, और जौन रोटी मैं जगत के जीवन के लाने दै हों, बो मोरो मांस आय।

- यूहन्‍ना 6:57

जैसे जीयत बाप ने मोय पठैव और मैं बाप के काजें जीयत आंव, ऐंसई बो भी जौन मोय खात आय मोरे लाने जीयत रै है।

- यूहन्‍ना 8:29

जीने मोय पठैव बो मोरे संग्गै आय; ऊ ने मोय अकेलो नईं छोड़ो; कायसे मैं सदा बे ही काज करत आंव, जीसे बो खुस होत आय।

- यूहन्‍ना 8:42

यीशु ने उन से कई; जदि परमेसुर तुमाओ बाप होतो, तो तुम मोसे प्रेम रखते; कायसे मैं परमेसुर से कड़ के आओ हों; मैं अपनी मनसा से नईं आओ, परन्त ओई ने मोय पठैव आय।

- यूहन्‍ना 9:3

यीशु ने उन से कई, न ई मान्स ने पाप करो; न ईके मताई बाप ने: पर जौ ई लाने भओ, कि परमेसुर कौ काज ऊ में दरसाओ जाबै।

- रोमियों 8:32

जीने अपने निज पुत्तर हां सोई न रख छोड़ो, पर उए हम सब के लाने दे दओ: बो ऊके संग्गै हम हां और सबई कछु काय न दै है।

- इब्रानियों 1:5

कायसे परमेसुर ने सभई सरगदूतन से कबै कई, कि तें मोरो पुत्र आय? कायसे आज मैं तुमाओ पिता कहाओ, और जौ सोई कैत आय, कि मैं ऊ को पिता हुईयों, और बो मोरो पुत्तर कहा है?

- 1 यूहन्‍ना 3:16

हम ने प्रेम ईमें तको, कि पिरभु यीशु मसीह ने हमाए काजें अपनो जीवन बलदान कर दओ; हम हां सोई भईयन के काजें अपनो बलदान करो चईये।

- 1 यूहन्‍ना 4:10

प्रेम ईसे नईं होत, कि हम उन से प्रेम करत आंय; परन्त ई में आय, कि उन ने हम से प्रेम करो; और हमाए पापन की सजा भुगतबे हां अपने बेटा हां पठैओ।

- 1 यूहन्‍ना 4:16

जौन प्रेम परमेसुर हम से करत आय, ऊ प्रेम हम ने जानो आय, और हमाए हिये में बस गओ आय; कि परमेसुर प्रेम आय: और जौन प्रेम करत आय बो परमेसुर में रैत आय, और परमेसुर उन में बने रैत आंय।

- 1 यूहन्‍ना 5:11

बो ऐसी आय, कि परमेसुर ने हम हां तरन तारन की कई: जौन उनके बेटा यीशु मसीह में हम हां मिलो।

- 1 यूहन्‍ना 5:13

मैंने ईसे तुम हां, जा चिठिया लिखी कायसे तुम परमेसुर के बेटा पै बिसवास धरै आव; कायसे ऐसो लिखो आय कि मानो तुमाओ परलोक वास पक्को आय।