- 1 यूहन्‍ना 4:5 - Bundeli Holy Bible

⁵ बे जनें संसार के आंय, ऐईसे संसार जैसो उनको बतकाओ आय; और संसार हां उनको बतकाओ साजो लगत आय।

- 1 यूहन्‍ना 4:5 ပူးပေါင်းရင်းမြစ်များ

- लूका 16:8

मालक ने ऊ अधरमी भण्डारी हां सराहो कि ऊ ने चतुराई से काम करो आय; कायसे ई संसार के मान्स अपनी बेरा के मान्सन के संग्गै रीत व्यवहारों में ज्योत के मान्सन से ज्यादा चतुर आंय।

- यूहन्‍ना 17:14

मैंने उन हां तोरो बचन कै दओ आय, और संसार ने ऊहां नईं मानो, कायसे जैसो मैं संसार कौ नईंयां, वैसई बे सोई संसार के नईंयां।

- यूहन्‍ना 17:16

बे संसार के नईं आंय, जैसो कि मैं भी संसार कौ नईं आंव।

- यूहन्‍ना 3:31

जौन ऊ परै से आत आय, बो सबई से बढ़के आय, जौन धरती से आत आय बो धरती कौ आय; और धरती की बातें करत आय: बो जौन सरग से आत आय, बो सब से बढ़के आय।

- यूहन्‍ना 8:23

ऊ ने उन से कई, तुम खालें के आव, मैं ऊ परै कौ आंव; तुम ई जगत के आव, मैं ई जगत कौ नईंयां।

- 2 तीमुथियुस 4:3

कायसे ऐसे दिना आहें, कि मान्स सच्ची बात न मान हैं, परन्त जौन बातें सुनबे में मजा आबै और अपनी अभलाखा जैसो कैबेवारो जोड़ लै है।

- यूहन्‍ना के दरसन कौ खुलासा 12:9

और बो बड़ो अजगर जो इबलीस और शैतान छलिया कहात आय, और सबरे संसार हां बहकाबे वालो आय, धरती पै ऊ को और ऊके दूतन हां गिरा दओ गओ।