- 1 यूहन्‍ना 4:2 - Bundeli Holy Bible

² परमेसुर की आत्मा से चलबेवारे हां चीनबे की सबसे बड़ी बात जा आय, कि बौ जनो मानत आय, कि पिरभु यीशु मसीह ने जा देह धरी बा परमेसुर के कय से आय।

- 1 यूहन्‍ना 4:2 ပူးပေါင်းရင်းမြစ်များ

- यूहन्‍ना 1:14

और बचन जौन कृपा और सच्चाई से भरपूर हतो रूपवान भओ; और हमाए बीच में डेरा करो, और हम ने ऊ की ऐसी कृपा हेरी, जैसे बाप के एकई मोंड़ा की कृपा।

- पैली कुरिन्थियों 12:3

ई लाने मैं तुम हां चिताए देत आंव कि जौन कोई आत्मा के उसकेरे से बोले, ऊ नईं कैत कि यीशु बुरओ आय; और न कोऊ पवित्तर आत्मा के बिना कै सकत आय कि यीशु पिरभु आय।

- 1 तीमुथियुस 3:16

धरम को भेद बड़ो आय ईको ध्यान धरियो; बो सरीर में होकें संसार में आओ जा बात आत्मा ने बताई, और सरगदूतन ने संसार मैं ईको परचार करो, मान्सन ने ऊ पै बिसवास करो और बो सरग पै उठा लओ गओ।

- 1 यूहन्‍ना 1:2

(बो जीवनदाता परगट भओ, और हम ने ऊहां तको, और ऐसो कैत आंय, कि उन से ध्यान धरे से तरन तारन होत आय; बे पिता परमेसुर के संग्गै रैत हते):

- 1 यूहन्‍ना 2:23

जो बेटा हां नईं मानत उन लौ परमेसुर पिता सोई नईंयां, परन्त जौन बेटा हां मानत आय, पिता परमेसुर ऊके संग्गै रैत आय।

- 1 यूहन्‍ना 4:15

जो मान्स जा बात मान लेत आय, कि यीशु मसीह परमेसुर के बेटा आंय; बे परमेसुर हां और परमेसुर उन हां जानत आय।

- 1 यूहन्‍ना 4:3

जौन आत्मा यीशु मसीह हां नईं मानत, बौ उनके बिरोधी की आत्मा आय; और ओई यीशु मसीह को सोई बिरोध करत आय; ऊ आत्मा के लाने तुमने सुनो हतो, कि बो आबेवारो आय: और अब संसार में आय।

- 1 यूहन्‍ना 5:1

जो कोनऊं जौ बिसवास करत आय कि यीशु ही मसीह आय, बो परमेसुर से पैदा भओ आय और जो कोनऊं पैदा करबेवारे से प्रेम करत आय, बे सोई उन से प्रेम करत आय और उनकी मानत आय।

- 2 यूहन्‍ना 1:7

कायसे बिलात जनें बिलोरबेवारे ऐसो कैत फिर रए, कि यीशु मसीह मान्स होकें नईं आए, ई धरती पे ऐसे जनें मसीह के बिरोधी आंय।