- 1 यूहन्‍ना 4:16 - Bundeli Holy Bible

¹⁶ जौन प्रेम परमेसुर हम से करत आय, ऊ प्रेम हम ने जानो आय, और हमाए हिये में बस गओ आय; कि परमेसुर प्रेम आय: और जौन प्रेम करत आय बो परमेसुर में रैत आय, और परमेसुर उन में बने रैत आंय।

- 1 यूहन्‍ना 4:16 ပူးပေါင်းရင်းမြစ်များ

- यूहन्‍ना 6:69

हम ने भरोसा करो आय, और जान लओ है, कि परमेसुर कौ पवित्र जन तेंई आय।

- यूहन्‍ना 9:3

यीशु ने उन से कई, न ई मान्स ने पाप करो; न ईके मताई बाप ने: पर जौ ई लाने भओ, कि परमेसुर कौ काज ऊ में दरसाओ जाबै।

- पैली कुरिन्थियों 2:9

परन्त जैसो लिखो आय, जिन बातन हां आंखन ने नईं तको, और न कान ने सुनो, और जौन मान्स के हिये में नईं समाई, उनईं हां परमेसुर ने अपने प्रेम करबेवारन के लाने तईयार करी आंय।

- 1 यूहन्‍ना 3:1

हेरो, परमेसुर पिता ने हम से कैसो प्रेम करो, कि हम परमेसुर के लड़का बिटिया कहाय, और हम आंय सोऊ: ऐईसे संसार हम हां नईं चीनत, कायसे संसार के मान्सन ने उन हां सोई नईं मानो।

- 1 यूहन्‍ना 3:16

हम ने प्रेम ईमें तको, कि पिरभु यीशु मसीह ने हमाए काजें अपनो जीवन बलदान कर दओ; हम हां सोई भईयन के काजें अपनो बलदान करो चईये।

- 1 यूहन्‍ना 3:24

जो कोनऊं उनकी कई करत आंय, बे एक दूसरे से मिले रैत आंय; और ऊ आत्मा जौन उन ने हम हां दई आय, बो हम हां बतात आय, कि हम उनके संगै संगै बने आंय।

- 1 यूहन्‍ना 4:7

प्यारे जनौ, एक दूजे से प्रेम करो; कायसे प्रेम परमेसुर को दओ आय, जो कोनऊं प्रेम करत आय, बो मानो परमेसुर से जन्मो आय; और उन हां मानत आय।