- 1 यूहन्‍ना 4:14 - Bundeli Holy Bible

¹⁴ हम ने जौ चीनो आय और हमाई जा गवाह आय, कि परमेसुर ने अपने बेटा यीशु मसीह हां ई संसार को तरन तारन करबे हां पठैओ।

- 1 यूहन्‍ना 4:14 ပူးပေါင်းရင်းမြစ်များ

- यूहन्‍ना 1:14

और बचन जौन कृपा और सच्चाई से भरपूर हतो रूपवान भओ; और हमाए बीच में डेरा करो, और हम ने ऊ की ऐसी कृपा हेरी, जैसे बाप के एकई मोंड़ा की कृपा।

- यूहन्‍ना 1:29

दूसरे दिना ऊ ने यीशु हां अपनी कोद आत तक के कई, हेरो, परमेसुर को मेमना आय, जौन जगत कौ पाप उठा लै जात आय।

- यूहन्‍ना 10:36

तो जीहां बाप ने पवित्र ठहराके जगत में पठैव, तुम ऊसे कहत आव कि तें ठट्ठा करत आय, ई लाने की मैंने कई, मैं परमेसुर कौ पूत आंव?

- यूहन्‍ना 12:47

जदि कोऊ मोरी बातें सुनके उन को मानत नईंयां, तो मैं ऊहां दोषी नईं ठहरात, कायसे मैं जगत कौ दोषी ठहराबे नईं, बल्कि जगत कौ उद्धार करबे हां आओ आंव।

- यूहन्‍ना 3:11

मैं तोसें सांची सांची कहत आंव कि हम जौन जानत आंय, ओई कहत आंय, और जीहां हमने हेरो आय, ओई की गवाही देत आंय, और तुम हमाई कई नईं मानत।

- यूहन्‍ना 3:32

जो कछु ऊ ने हेरो, और सुनो आय, ओई की गवाही देत आय; फिन भी कोऊ मान्स ऊ की गवाही नईं मानत।

- यूहन्‍ना 3:34

कायसे जीहां परमेसुर ने पठैव आय, बो परमेसुर की बातें करत आय, कायसे बो बिना भेदभाव के ऊहां आत्मा देत आय।

- यूहन्‍ना 4:42

और ऊ बईयर से कहन लगे, अब हम तोरे कहबे से भरोसा नईं करत; कायसे हम ने खुद सुन लओ आय, और हम जान गए आंय कि जौई सांची में जग कौ मुक्ति देबेवालो आय।

- यूहन्‍ना 5:39

तुम पवित्र शास्त्र में खोजत आव, कायसे तुम सोचत आव कि ऊ में अनन्त जीवन मिलत आय, और जे ओई आंय, जौन मोरे बारे में गवाही देत आय।

- प्रेरितन के काम 18:5

पर जब सीलास और तीमुथियुस मकिदुनिया से आए, तो पौलुस बचन सुनाबे की धुन में लग के यहूदियन के आंगू गवाही देन लगो, कि यीशु ही मसीह आय।

- 1 पतरस 5:12

मैं ने सिलवानुस के हाथ, जिये मैं बिसवास जोग भाई मानत आंव, तनक में लिख के तुम हां समजाओ आय और जा गवाय दई आय, कि परमेसुर की सांची दया जाई आय, ऐई में पक्के बने रओ।

- 1 यूहन्‍ना 4:10

प्रेम ईसे नईं होत, कि हम उन से प्रेम करत आंय; परन्त ई में आय, कि उन ने हम से प्रेम करो; और हमाए पापन की सजा भुगतबे हां अपने बेटा हां पठैओ।

- 1 यूहन्‍ना 5:9

जब हम मान्सन की कई मानत आंय, तो परमेसुर की कई तो ईसे बढ़के होत आय; जौन बात उन ने अपने बेटा यीशु मसीह के लाने कई आंय।