- 1 यूहन्‍ना 4:12 - Bundeli Holy Bible

¹² परमेसुर हां कोई मान्स ने कभऊं नईं तको; जब हम एक दूजे से प्रेम करत आंय, तो मानो परमेसुर हमाए भीतर बने रैत आंय; और उनको प्रेम हमाए भीतर भरो रैत आय।

- 1 यूहन्‍ना 4:12 ပူးပေါင်းရင်းမြစ်များ

- उत्पत्ति 32:30

तब याकूब ने जौ कहकें ऊ जागां कौ नाओं पनीएल रखो; “यहोवा परमेसुर हों आमूं-सामूं हेरबे पै भी मोरो प्रान बच गओ आय।”

- यूहन्‍ना 1:18

परमेसुर हां कोऊ ने कभऊं नईं तको, एकलौतो पूत जौन बाप की कंईयां में आय, ओई ने ऊहां दरसाओ।

- पैली कुरिन्थियों 13:13

पर अब बिसवास, आसा, प्रेम जे तीनईं पक्के से बने रैत आंय, परन्त इन में प्रेम सब से बढ़ के आय।

- 1 तीमुथियुस 1:17

अब महान राजा सदा बने रैबेवारे अनदेखे, ऐसे परमेसुर जिनको कोऊ मेल को नईयां उन हां मान, जस जुगजुग होत रैबै। आमीन।

- 1 तीमुथियुस 6:16

और अमरता केवल ओई की आय, और बो अगम्य ज्योत में रहत आय, और न ऊहां कोई मान्स ने तको, और न कभऊं तक सकत आय: ऊ की प्रतिष्ठा और राज जुग जुग लौ रै है। आमीन।

- इब्रानियों 11:27

बिसवास से मूसा ने मिसर हां छोड़ दओ, और राजा से नईं डरानो, कायसे जौन बातें अबै न दिखात हतीं ऊ ने होत तकीं।

- 1 यूहन्‍ना 2:5

परन्त जो कोनऊं उनकी कई करबे, बौ सांचई परमेसुर से प्रेम करत आय; ऐसो करबे से पता चलत आय, कि हम उनके आंय।

- 1 यूहन्‍ना 3:24

जो कोनऊं उनकी कई करत आंय, बे एक दूसरे से मिले रैत आंय; और ऊ आत्मा जौन उन ने हम हां दई आय, बो हम हां बतात आय, कि हम उनके संगै संगै बने आंय।

- 1 यूहन्‍ना 4:16

जौन प्रेम परमेसुर हम से करत आय, ऊ प्रेम हम ने जानो आय, और हमाए हिये में बस गओ आय; कि परमेसुर प्रेम आय: और जौन प्रेम करत आय बो परमेसुर में रैत आय, और परमेसुर उन में बने रैत आंय।

- 1 यूहन्‍ना 4:20

कायसे कोऊ कैबे, कि मैं परमेसुर से प्रेम धरें आंव; और अपने भईया से अदावट धरे; तो ऊ लबरा आय: कायसे जौन अपनी आंखन देखे भईया से प्रेम नईं करे, तो परमेसुर जिन हां ऊ ने कभऊं नईं तको, उनसे कैसे प्रेम धर है।

- 1 यूहन्‍ना 4:6

हम तो परमेसुर के जनें आंय, जौन परमेसुर हां नईं चीनत आंय बो हमाई बातन हां नईं सुनत; ऐईसे हम सत्त के जनें और भरम में पड़े जनें हां चीन लेत आंय।