- 1 यूहन्‍ना 3:22 - Bundeli Holy Bible

²² जा बात सोई आय कि जो कछु हम उनसे बिन्तवारी करत आंय, तो बे हम हां देत आंय; कायसे कि हम उनकी कई करत आंय; और जौन बातें उन हां भाती आंय, उनई हां करत आंय।

- 1 यूहन्‍ना 3:22 ပူးပေါင်းရင်းမြစ်များ

- मत्ती 17:5

बो बोलई रओ हतो, कि हेरो, एक उजले बादल ने उन हां छा लओ, और हेरो; बादल में से जौ बोल सुनाई दओ, कि जौ मोरो लाड़लो पूत आय, जीसे मैं बिलात खुस आंव: ई की सुनियो।

- मत्ती 21:22

और जो कछु तुम प्रार्थना में भरोसा धर के मांग हौ बो तुम हां मिल जै है।

- मरकुस 11:24

ईसे मैं तुम से कैत आंव, कि जो कछु तुम प्रार्थना करके मांगौ, तो आभास कर लेओ कि तुमें मिल गओ, और तुमाए लाने हो जै है।

- यूहन्‍ना 14:13

और जो कछु तुम मोरे नाओं से मांग हौ, ओई बो कर है कि पूत से बाप की महिमा होबै।

- यूहन्‍ना 15:10

जदि तुम मोरे हुकुम कौ पालन कर हौ, तो तुम मोरे प्रेम में बने रै हौ, वैसई जैसो मैंने अपने बाप के हुकम को मानो है, और ऊके प्रेम में बनो रहत आंव।

- यूहन्‍ना 15:7

जदि तुम मोय में बने रै हौ, और मोरी बातें तुम में बनी रै हैं, तो जौन मांग हौ बो तुमाए लाने हो जै है।

- यूहन्‍ना 6:29

यीशु ने उन से कई; परमेसुर को काम जौ आय, कि जीहां ऊ ने पठैव आय, तुम ऊ पै भरोसा करो।

- यूहन्‍ना 8:29

जीने मोय पठैव बो मोरे संग्गै आय; ऊ ने मोय अकेलो नईं छोड़ो; कायसे मैं सदा बे ही काज करत आंव, जीसे बो खुस होत आय।

- यूहन्‍ना 9:31

हम जानत आंय कि परमेसुर पापियन की नईं सुनत पर कोऊ परमेसुर कौ भक्त होबै, और ऊ की मनसा पर चलत आय, तो बो ऊ की सुनत आय।

- प्रेरितन के काम 17:30

ई लाने मूरखता की बातन हां छोड़, परमेसुर अब हर जांगा सबरे मान्सन हां हुकम देत आय, की मन फिराबें।

- प्रेरितन के काम 20:21

मैं यहूदी और यूनानी दोई हां कड़ाई से गवाही देत रओ, की परमेसुर की कोद मन फिराव, और प्रभु यीशु मसीह पे भरोसा करो।

- फिलिप्पियों 4:18

मोरे लौ सब कछु आय, और बिलात सोई आय: जौन बस्तें तुम ने इपफ्रुदीतुस के हाथन पठैई हतीं बे मोहां बहुतई साजी लगीं, बे मानो ऊ बली जैसे आय, जी की गन्ध और बलदान से परमेसुर खुस होत आय।

- कुलुस्सियों 1:10

कि तुमाई चाल पिरभू हां अच्छी लगे, और बे सबरी बातन से खुस होबें, और तुमाए काज भले होबें, और परमेसुर के काज में बढ़त चलो।

- इब्रानियों 13:21

बे तुम हां उनकी अज्ञा मानबे और जौन अच्छो होबे, ऊहां करबे को मन हमाए भीतरे बनाबे, कि उनको मान सम्मान होत रैबे। आमीन।

- याकूब 1:5

जदि तुम में से कोई हां समज की घटी होबै, तो बो परमेसुर से मांगे, परमेसुर बिना कए सबई हां उदारता से देत आय; और बुद्धि समज ऊ ए दई जै है।

- याकूब 4:3

तुम मांगत आव और पात नईंयां, ई लाने कि बुरई नियत से मांगत आव, कि अपने भोग विलास में उड़ा दो।

- याकूब 5:16

ई लाने तुम अपने अपने पापन हां एक दूजे के सामूं मान लेओ; और एक दूजे के लाने बिन्तवाई करो, जीसे चंगे हो जाओ; धर्मी जन की बिन्तवाई के असर से भौत कछु हो सकत आय।

- 1 यूहन्‍ना 2:3

जब हम उनकी अग्यां मान हैं, तो पता पड़ है कि हम उनकी कई करत आंय।

- 1 यूहन्‍ना 5:14

अब हमाई उन से बिन्तवारी करबे की मन्सा होत आय; कि उनकी कई जैसो हम मांगें तो बे करत आंय।