- 1 यूहन्‍ना 3:2 - Bundeli Holy Bible

² प्यारे भईया हरौ, अबै तो हम परमेसुर के लड़का बिटिया कहात आंय, और अबै जौ पता नईंयां, कि हम और का हुईयें! इतनो पता आय, कि जब बे फिन के आहें तो हम सोई उन घांई हो जै हैं, और उन हां उनके सांचे रूप में तक हैं।

- 1 यूहन्‍ना 3:2 ပူးပေါင်းရင်းမြစ်များ

- मत्ती 5:8

धन्न आंय बे, जिन के हिये साजे हैं, कायसे बे परमेसुर हां तक हैं।

- लूका 17:30

मान्स के पूत के आबे के दिना सोई ऐसई हुईये।

- लूका 20:36

बे फिन मरबेवारे सोई नईंयां; कायसे बे सरगदूतन घांई हुईयें, और जी उठबे के लरका वाले होकें बे औरें परमेसुर के बाल बच्चा सोई हुईयें।

- यूहन्‍ना 1:12

पर जीने ऊहां अपनाओ, ऊ ने इन हां परमेसुर की लड़ेर होबे कौ हक्क दओ, यानि उन हां जौन ऊके नाओं पे भरोसा करत आय।

- यूहन्‍ना 11:52

और न केवल जात के लाने, बल्कि ई लाने भी, कि परमेसुर की तितर-बितर सन्तान हां एक जुट कर दे।

- यूहन्‍ना 17:24

हे बाप, मोरी चाहना आय कि जिन हां तेंने मोय दओ आय, जिते मैं आंव, उते सोई मोरे संग्गै रएं कि बे मोरी ऊ महिमा हों तक सकें, जीहां तेंने मोय दई आय, कायसे तेंने संसार के जन्म से पेंला मोय से प्रेम करो।

- रोमियों 8:16

आत्मा खुद हमाई आत्मा के संग्गै गवाय देत आय, कि हम परमेसुर के लरका बिटिया आंय।

- रोमियों 8:18

कायसे मैं समजत आंव, अबै के दुख परेसानी ऊ मईमा के आंगू, जौन हम पे उजागर होबेवारी आय, कछु लौ नईंयां।

- रोमियों 8:19

कायसे सबरो संसार बड़ी आसा से परमेसुर के लरका बिटिया के उजागर होबे की बाट जोह रओ आय।

- रोमियों 8:29

कायसे जिन हां ऊ ने पेंला से जान लओ आय, उन हां ऊ ने पेंला से ठैराओ आय, कि ऊके पुत्तर के समान होबें, जीसे ऊ बिलात भईयन में पैलोठो ठैरे।

- पैली कुरिन्थियों 13:12

अब हम हां ऐना में धुंधलो सौ दिखाई देत आय; परन्त ऊ बेरा आमूं सामूं हेर हैं, अबै तो मोरो ज्ञान अधूरो आय, परन्त ऊ बेरा भली भांत चीन्ह हों, जैसो मैं चीनो गओ आंव।

- पैली कुरिन्थियों 15:49

और जैसे हम ने ऊकौ रूप, जौन माटी कौ हतो ले लओ, ऊंसई ऊ सरगवारे कौ रूप सोई ले लें हैं।

- पैली कुरिन्थियों 2:9

परन्त जैसो लिखो आय, जिन बातन हां आंखन ने नईं तको, और न कान ने सुनो, और जौन मान्स के हिये में नईं समाई, उनईं हां परमेसुर ने अपने प्रेम करबेवारन के लाने तईयार करी आंय।

- दूसरी कुरिन्थियों 3:18

अकेले हम सबरन के मों पे पिरभू को तेज ऐसो दिखात आय, जैसो आईना में, तो पिरभू जौन आत्मा आय, हम उनके तेज के रूप में हरय हरय बदलत जै हैं।

- दूसरी कुरिन्थियों 4:17

कायसे हमाओ छिन भरे की परेसानी हमाए काजें खास मान देत आय।

- गलतियों 3:26

कायसे तुम सबरे जनें यीशु मसीह पै बिसवास धरके, परमेसुर के बाल बच्चा बन गए।

- गलतियों 4:6

और तुम जौन लड़का हो, एईसे परमेसुर ने अपने पुत्र की आत्मा हां, जौन हे अब्बा, हे पिता कहके टेरत आय, तुमाए हिये में धरो।

- फिलिप्पियों 3:21

जौन अपने बल से सबरी बस्तन हां अपने बस में कर सकत आय, हमाई ई देह को रूप बदल के, उनकी देह जैसो बना दें हैं।

- कुलुस्सियों 3:4

अब यीशु मसीह में तुमाओ जी लग गओ आय, सो जब बे परगट हुईयें, तो तुम सोई उनके संग्गै जस पाहौ।

- इब्रानियों 9:28

ऊंसई पिरभू यीशु मसीह बिलात जनों के पापन हां हरबे हां एकई बेर बलदान भए, और जब बे फिन के संसार में आहें तो पाप हां हरबे हां नईं, परन्त जौन उनकी आस लगाए आंय उनको तरन तारन कर हैं।

- 2 पतरस 1:4

उन के द्वारा ऊ ने हम हां अनमोल और बिलात बड़ी कौलें दई आंय; कि तुम इन के द्वारा ऊ आचरण से छूट जाओ, जौन संसार में बुरई मनसाओं से होत आय और तब परमेसुर के स्वाभाव के संगी साथी हो जाओ।

- 1 यूहन्‍ना 2:28

सो लड़को, उनकजनों के मानो, कायसे जब बे फिन आहें, तो हम बिना खटके उनके सामूं ठांड़े हुईयें।

- 1 यूहन्‍ना 2:7

प्यारे भईया हरौ, मैं तुम हां कोई नई अग्यां नईं लिख रओ, परन्त बोई पुरानी अग्यां जौन पेंला से तुम हां मिली हती; जौन तुमने पेंला सुनो हतो।

- 1 यूहन्‍ना 3:1

हेरो, परमेसुर पिता ने हम से कैसो प्रेम करो, कि हम परमेसुर के लड़का बिटिया कहाय, और हम आंय सोऊ: ऐईसे संसार हम हां नईं चीनत, कायसे संसार के मान्सन ने उन हां सोई नईं मानो।

- 1 यूहन्‍ना 3:10

ऐसई तो पता पड़त आय कि कौन शैतान छलिया, और कौन परमेसुर के मानबेवारे आंय; जौन धरम की गैल नईं चलत, बो परमेसुर को मानबेवारे नईंयां, और न ऊ जनो, जौन अपने भईया से प्रेम नईं करत।

- 1 यूहन्‍ना 3:21

प्यारे भईया हरौ, मानो तुमाओ मन तुम हां दोषी न बताबै, तो हम हां परमेसुर के सामूं ठांड़े होबे की हिम्मत होत आय।

- 1 यूहन्‍ना 5:1

जो कोनऊं जौ बिसवास करत आय कि यीशु ही मसीह आय, बो परमेसुर से पैदा भओ आय और जो कोनऊं पैदा करबेवारे से प्रेम करत आय, बे सोई उन से प्रेम करत आय और उनकी मानत आय।

- यूहन्‍ना के दरसन कौ खुलासा 2:28

और मैं ऊहां भुनसारे कौ तारा दै हों।

- यूहन्‍ना के दरसन कौ खुलासा 22:4

और उनको मों हेरत रै हैं, और उनको नाओं उनके माथों पै लिखो हुईये।