- 1 यूहन्‍ना 3:16 - Bundeli Holy Bible

¹⁶ हम ने प्रेम ईमें तको, कि पिरभु यीशु मसीह ने हमाए काजें अपनो जीवन बलदान कर दओ; हम हां सोई भईयन के काजें अपनो बलदान करो चईये।

- 1 यूहन्‍ना 3:16 ပူးပေါင်းရင်းမြစ်များ

- मत्ती 20:28

जी तरहां मान्स कौ पूत अपनी चाकरी कराबे नईं, बल्कि चाकर बनके और बिलातन के तरन तारन के लाने अपनो प्राण देबे आओ।

- यूहन्‍ना 10:11

उमदा गड़रिया मैं आंव; उमदा गड़रिया अपनी गाड़रन के लाने अपनो प्राण देत आय।

- यूहन्‍ना 10:15

वैसई जैसो बाप मोय चीनत आय, और मैं बाप हां चीनत आंव, और मैं गाड़रन के लाने अपनो प्राण देत आंव।

- यूहन्‍ना 13:34

मैं तुम हां एक नओ हुकम देत आंव, कि तुम एक दूसरे से प्रेम करो: जैसो मैंने तुम से प्रेम करो आय, वैसई तुम भी एक दूसरे से प्रेम करो।

- यूहन्‍ना 3:16

कायसे परमेसुर ने जगत से ऐसो प्रेम करो, कि ऊ ने अपनो एकलौतो पूत हां दे दओ, कि जो कोऊ ऊ पै भरोसा करे, बो नास न होय, बरन अनन्त जीवन पाबै।

- प्रेरितन के काम 20:28

ई लाने अपनी और अपने सबरे गुट की रखनवारी करो; जीके बीच पवित्र आत्मा ने तुमहां मुखिया ठहराओ आय; की तुम परमेसुर की मण्डली की रखनवारी करो, जीहां ऊ ने अपने खून से मोल लओ आय।

- रोमियों 16:4

उन ने मोरे प्रानन के लाने अपने प्रान जोखम में डाल दए हते और अकेले मैंई नईं, परन्त दूसरी जातवारन की मण्डलियन सोई उन कौ धन्नबाद करत आंय।

- रोमियों 5:8

परन्त परमेसुर हम पे अपने प्रेम की भलाई ई भांत से उजागर करत आय, कि जब हम पापी हते तबई मसीह हमाए लाने मरो।

- दूसरी कुरिन्थियों 4:12

सो मृत्यु हम पै असर करत आय और तुम पै जीवन।

- इफिसियों 5:2

प्रेम से चलो; जैसो मसीह ने तुम से प्रेम करो; और हमाए काजें जैसो अगरबत्ती की सुगन्ध परमेसुर के आगे भेंट चढ़ाई।

- इफिसियों 5:25

मुन्स अपनी बईयर से प्रेम राखो, जैसो मसीह ने मण्डली से करो और अपनो प्राण ऊके काजें दे दओ।

- फिलिप्पियों 2:17

तुमाए बिसवास जीमें तुम ने दुख उठाओ और मारे गए ऊके संग्गै मोहां मरने पड़ो तो मोहां आनन्द हुईये।

- फिलिप्पियों 2:30

कायसे बो पिरभू की सेवा में मरबेवारो हतो, कि जौन मदद तुम मोरी न कर सके बो ऊ करतो।

- 1 थिस्सलुनीकियों 2:8

हम तुम से प्रेम करत हते सो परमेसुर की बातें तुम हां सुनाईं, इतनो लौ कि हम अपनी जान दैबे हां तईयार हते, कायसे तुम हमाए हिये में बस गए हते।

- तीतुस 2:13

और जौन आस हम लगाए आंय कि महाबली परमेसुर और पिरभु यीशु मसीह जिन ने हमाओ तरन तारन करो आय, उनकी फिन के आबे की गैल तकें रैबें।

- 1 पतरस 1:18

कायसे तुम जानत आव, कि तुमाओ निकम्मा चाल चलन जौन पुरखन से चलो आत आय, ऊसे तुमाओ तारण चान्दी सोने जाने के नास होबेवारी बस्तन से नईं भओ।

- 1 पतरस 2:24

बो खुद हमाए पापन हां अपनी देयां पे लएं भए क्रूस पे चढ़ गओ, जीसे हम पापन के लाने मर के धार्मिकता के लाने जीवन बिताएं; ओई के मार खाबे से तुम साजे भए।

- 1 पतरस 3:18

ई लाने कि मसीह ने सोई, जाने कि अधरमी जन के लाने धरमी ने पापन के काजें एक बेर पीड़ा भोगी, जीसे हम हां परमेसुर के ऐंगर पोंचाबें: बो देयां के लेखे से मार डालो गओ, पर आत्मा के लेखे से जिलाओ गओ।

- 1 यूहन्‍ना 2:6

जो कोनऊं जौ कैत आय, कि मैं उनकी कई करत आंव, तो ऊहां उनकी सी गैल पै चलो चईये।

- 1 यूहन्‍ना 2:9

जो कोनऊ ऐंसो कैत आय, कि मैं ज्योत में आंव; और अपने भईया से अदावट धरें आय, बो अबै लौ अंधियारे में आय।

- यूहन्‍ना के दरसन कौ खुलासा 1:5

और यीशु मसीह की कोद से, जौन सच्चे गवाह और मरे भयन में से जी जाबेवाले में पहलौठा, और संसार के राजन के स्वामी आंय, तुम हां सान्ति और दया मिलत रए: जो हम से प्रेम रखत आय, और जीने अपने खून के द्वारा हम हां पापन से छुड़ाओ आय।

- यूहन्‍ना के दरसन कौ खुलासा 5:9

और बे सबरे जौ नओ गाना गान लगे, कि तें ई किताब हां लैबे और ऊ की मुहरें खोलबे जोग आय; कायसे तेंने अपने बलदान के रकत से सबरे कुल, और बोली, और लोगन, और जातियन में से परमेसुर के लाने मान्सन हां मोल ले लओ आय।