- 1 यूहन्‍ना 3:15 - Bundeli Holy Bible

¹⁵ जो कोनऊ अपने भईया से अदावट धरत आय, बो हत्यारा आय; तुम हां तो पता आय, कि कोई हत्यारे को तरन तारन नईं होत।

- 1 यूहन्‍ना 3:15 ပူးပေါင်းရင်းမြစ်များ

- उत्पत्ति 27:41

एसाव ने तौ याकूब सें अपने बाप के दए भए आसीरवाद के कारन बैर रखो; और ऊने सोचो, “मोरे बाप के अन्‍तकाल की बेरा लिगां आय, फिन मैं अपने भईया याकूब हों मार दैहों।”

- मत्ती 5:28

परन्त मैं तुम से कैत हों, कि जो मान्स कोनऊ बईयर हां बुरी नजर से हेरे समझो बो अपने मन में ऊसे ब्याभिचार कर चुको।

- मरकुस 6:19

ऐई से हेरोदियास ऊसे बैर राखत हती और जा चाहत हती, कि ऊहां मरवा डालै, लेकिन एैसो न हो पाओ।

- यूहन्‍ना 4:14

पर जो कोनऊं ऊ पानू में से पी है, जौन मैं ऊहां दै हों, बौ कभऊं प्यासो नईं हुईये, कायसे बो पानू ऐसो दैहों, ऊ में सदा लौ जीबे के लाने उमड़बे वालो पानू कौ सोता बन जै है।

- यूहन्‍ना 8:44

तुम अपने बाप शैतान से आव, और अपने बाप की मनकी बात हां पूरो करबो चाहत आव। बो तो शुरु से हत्यारो आय, और सत्य पे टिको नईं रओ, कायसे सत्य ऊ में हैई नईंयां: जब बो झूट बोलत आय, तो अपने गुन से बोलत आय; कायसे बो झूटो आय, और झूट कौ बाप आय।

- प्रेरितन के काम 23:12

जब दिन भओ, तो यहूदियन ने बदला लैबे की सोची, और जौ कहके सौगंध खाई की जब लौ पौलुस हां मार न डालें, तब लौ न खा हैं और न पी हैं।

- प्रेरितन के काम 23:14

तब बे मुखिया पुरोहितन और सियानन के ऐंगर जाके कहन लगे, हम ने पक्के से मन बना लओ आय; की जब लौ पौलुस हां न मार डालें, तब लौ कछु न चीख हैं।

- याकूब 1:15

फिन अभलाखा गरभवती होकें पाप हां जनम देत आय, पाप जब बढ़ जात आय तब मौत हां जनम देत आय।

- 1 पतरस 1:23

कायसे तुम ने नास होबेवारो नईं पर न मिटबेवारे बीज से परमेसुर के जीयत और सदा ठैरबेवारे बचन सें नओ जनम पाओ आय।

- 1 यूहन्‍ना 2:11

परन्त जौन अपने भईया से अदावट धरत आय, बो मानो अंधियारे में आय, और ऊहां जौ पता नईंया कि कौन सी गैल धरें आय, कायसे अंधियारे में ऊहां कछु नईं सूझत।

- 1 यूहन्‍ना 2:9

जो कोनऊ ऐंसो कैत आय, कि मैं ज्योत में आंव; और अपने भईया से अदावट धरें आय, बो अबै लौ अंधियारे में आय।

- यूहन्‍ना के दरसन कौ खुलासा 21:8

परन्त जो डरपोकों, और बिसवास नईं करबेवारे, और मलिच्छ, और हत्यारे, और परतिरिया संगत करबेवारो, और टोना टोटका करबेवारो, और मूरत हां पूजबेवारो, और सब झूठ कौ भाग ऊ झील में मिल है, जो आग और गंधक से जलत रैत आय: जा दूसरी मौत आय।