- 1 यूहन्‍ना 3:14 - Bundeli Holy Bible

¹⁴ हम जौ मानत आंय, कि हमाओ नरक कुण्ड से कड़के मानो तरन तारन भओ आय; कायसे कि हम भईयन से प्रेम करत आंय: जौन प्रेम नईं करत, बो मानो नरक कुण्ड में डलो आय।

- 1 यूहन्‍ना 3:14 ပူးပေါင်းရင်းမြစ်များ

- मत्ती 25:40

तब राजा उन हां उत्तर दै है, मैं तुम से सांची कहत आंव, कि जौन कछु तुम ने मोरे इन हल्के भईयन में से कोऊ एक के संग्गै करो, बो मोरे संग्गै करो।

- लूका 15:24

कायसे मोरो जौ पूत मर गओ हतो, फिन जी गओ आय: हिरा गओ हतो, अब मिल गओ आय: और बे खुसी मनाऊन लगे।

- लूका 15:32

अब खुसी मनाबो और मगन होबो चईये, कायसे जौ तोरो भाई मर गओ हतो फिन जी गओ आय; हिरा गओ हतो, अब मिल गओ आय।

- लूका 7:5

कायसे ऊ हमाई जात वारन से प्रेम करत आय, और ओई ने हमाए मन्दर हां बनवाओ आय।

- यूहन्‍ना 13:35

जदि तुम आपस में प्रेम कर हौ तो ऐई से सब जान हैं, कि तुम मोरे चेले आव।

- यूहन्‍ना 15:12

मोरो हुक म जौ आय, कि जैसे मैंने तुम से प्रेम करो, वैसई तुम सोई एक दूसरे से प्रेम करो।

- यूहन्‍ना 15:17

मैं तुम हां जे हुकम ई लाने देत आंव, कि तुम एक दूसरे से प्रेम करो।

- यूहन्‍ना 5:24

मैं तुम से सांची सांची कहत आंव, जौन मोरो बचन सुनके मोरे पठैबेवाले पे भरोसा करत आय, अनन्त जीवन ऊ को आय, और ऊ पे दण्ड कौ हुकुम नईं हुईये, परन्त बो मृत्यु से पार होकें जीवन में पिड़ चुको आय।

- दूसरी कुरिन्थियों 5:1

हम हां पता आय, कि जब हमाओ संसार पे को डेरा गिराओ जै है, तो हम हां परमेसुर से सरग में एक बड़ो घर मिल है, जौन हाथन को बनो नईं, अकेले हमेसा बनो रै है।

- गलतियों 5:22

अकेले आत्मा के फल प्रेम, आनन्द, मेल मिलाप, धीरज धरबो।

- इफिसियों 1:15

ऐई से मैं सोई बिसवास करबे लाक बचन सुनके जौन तुम में पिरभू यीशु में आय, और तुमाए प्रेम से सभन हां पता आय।

- इफिसियों 2:1

और उन ने तुम हां सोई जिलाओ, जौन अपने बुरय काम और पापन में मरे भए हते।

- इफिसियों 2:5

जब हम अपने बुरए कामन में मरे जैसे हते, तब हम हां मरे भयन में से जिलाओ; (दया से तुमाओ तरन तारन भओ आय)।

- कुलुस्सियों 1:4

कायसे हमाए सुनबे में आओ आय, कि यीशु मसीह पै तुम ने बिसवास धरो आय, और सबरे जात भाईयन से प्रेम करत आव।

- 1 थिस्सलुनीकियों 4:9

और भईयन में प्रेम के काजें मैं का लिखों; कायसे एक दूजे से प्रेम के लाने तुम ने परमेसुर से सीखो आय।

- इब्रानियों 13:1

एक दूजे की खबर राखो।

- 1 पतरस 1:22

सो जब तुम ने भाईचारे की निश्चल प्रीति के लाने सत्य के मानबे से अपने हियन हां पवित्तर करो आय, तो तन मन लगा के एक दूजे से अधक प्रेम करो।

- 1 पतरस 3:8

ई लाने सबरे के सबरे एक हिये और दया करबेवारे, और भाईचारे की प्रीति रखबेवारे, और तरस खाबेवारे, और नरम बनो।

- 2 पतरस 1:7

भक्ति पे भाईचारे कौ स्नेह, और स्नेह पे प्रेम बढ़ात जाओ।

- 1 यूहन्‍ना 2:3

जब हम उनकी अग्यां मान हैं, तो पता पड़ है कि हम उनकी कई करत आंय।

- 1 यूहन्‍ना 3:23

उनकी अग्या जा आय कि हम उनके बेटा यीशु मसीह हां मानें और जैसो उन ने कई आय सो एक दूजे से प्रेम करें।

- 1 यूहन्‍ना 4:12

परमेसुर हां कोई मान्स ने कभऊं नईं तको; जब हम एक दूजे से प्रेम करत आंय, तो मानो परमेसुर हमाए भीतर बने रैत आंय; और उनको प्रेम हमाए भीतर भरो रैत आय।

- 1 यूहन्‍ना 5:13

मैंने ईसे तुम हां, जा चिठिया लिखी कायसे तुम परमेसुर के बेटा पै बिसवास धरै आव; कायसे ऐसो लिखो आय कि मानो तुमाओ परलोक वास पक्को आय।

- 1 यूहन्‍ना 5:2

जब हम परमेसुर से प्रेम धरत आंय, और उनकी कई करत आंय, ऐई से हम हां पता आय, कि हम परमेसुर के जन से सोई प्रेम धरें आंय।