- 1 यूहन्‍ना 3:10 - Bundeli Holy Bible

¹⁰ ऐसई तो पता पड़त आय कि कौन शैतान छलिया, और कौन परमेसुर के मानबेवारे आंय; जौन धरम की गैल नईं चलत, बो परमेसुर को मानबेवारे नईंयां, और न ऊ जनो, जौन अपने भईया से प्रेम नईं करत।

- 1 यूहन्‍ना 3:10 ပူးပေါင်းရင်းမြစ်များ

- मत्ती 13:38

खेत संसार आय, उमदा बीज राज्य की सन्तान आंय, और जंगली बीज शैतान की सन्तान आंय।

- लूका 6:35

पर अपने बैरियन से प्रेम राखौ, और भलाई करौ: और फिन वापस पाबे की आस न राख के उधार देओ; तो तुमाए लाने बड़ो इनाम हुईये: और तुम परम परधान के बालबच्चा ठैर हौ, कायसे बो उन पे जो धन्नवाद नईं करत और बुरए जन पे सोई दया करत आय।

- यूहन्‍ना 1:12

पर जीने ऊहां अपनाओ, ऊ ने इन हां परमेसुर की लड़ेर होबे कौ हक्क दओ, यानि उन हां जौन ऊके नाओं पे भरोसा करत आय।

- यूहन्‍ना 11:52

और न केवल जात के लाने, बल्कि ई लाने भी, कि परमेसुर की तितर-बितर सन्तान हां एक जुट कर दे।

- यूहन्‍ना 8:44

तुम अपने बाप शैतान से आव, और अपने बाप की मनकी बात हां पूरो करबो चाहत आव। बो तो शुरु से हत्यारो आय, और सत्य पे टिको नईं रओ, कायसे सत्य ऊ में हैई नईंयां: जब बो झूट बोलत आय, तो अपने गुन से बोलत आय; कायसे बो झूटो आय, और झूट कौ बाप आय।

- यूहन्‍ना 8:47

जौन परमेसुर कौ आय, बो परमेसुर की बातें सुनत आय, तुम ई लाने उन हां नईं सुनत कायसे तुम परमेसुर के नईं आव।

- प्रेरितन के काम 13:10

सबई छल और मूरखता से भरे हे शैतान की लड़ेर, तें जौन सब धर्मन कौ बैरी आय, का तें प्रभु की सूदी गैल हां टेड़ो करबो न छोड़ है?

- रोमियों 13:8

आपस के प्रेम हां छोड़ और कोई बात में कोऊ के करजदार न बनो; कायसे जौन कोई दूसरे से प्रेम राखत आय, ओई ने नेम व्यवस्था पूरी करी आय।

- इफिसियों 5:1

सो अच्छे बच्चन होकें परमेसुर जैसे हो जाओ।

- कुलुस्सियों 3:14

प्रेम सब में बढ़के आय और प्रेम में सबरी बातें जुड़ी रैत आंय।

- 1 तीमुथियुस 1:5

मोरे कैबे को मतलब जौ आय, कि सांचे मन और साजे हिये से, और बैर न रखबेवाले के बिसवास से प्रेम बढ़त आय।

- 1 यूहन्‍ना 2:29

कायसे जो तुम मानत आव, कि बे सांचे आंय, तो तुम जौ सोई जानत आव, कि जौन धरम की गैल धरै आय, बो मानो उनईं को आय।

- 1 यूहन्‍ना 3:1

हेरो, परमेसुर पिता ने हम से कैसो प्रेम करो, कि हम परमेसुर के लड़का बिटिया कहाय, और हम आंय सोऊ: ऐईसे संसार हम हां नईं चीनत, कायसे संसार के मान्सन ने उन हां सोई नईं मानो।

- 1 यूहन्‍ना 3:2

प्यारे भईया हरौ, अबै तो हम परमेसुर के लड़का बिटिया कहात आंय, और अबै जौ पता नईंयां, कि हम और का हुईयें! इतनो पता आय, कि जब बे फिन के आहें तो हम सोई उन घांई हो जै हैं, और उन हां उनके सांचे रूप में तक हैं।

- 1 यूहन्‍ना 4:21

उनसे हम हां जा अग्यां मिली आय, कि जो कोनऊं परमेसुर से प्रेम धरें आय, ऊ अपने भईया से सोई प्रेम कर है।

- 1 यूहन्‍ना 4:6

हम तो परमेसुर के जनें आंय, जौन परमेसुर हां नईं चीनत आंय बो हमाई बातन हां नईं सुनत; ऐईसे हम सत्त के जनें और भरम में पड़े जनें हां चीन लेत आंय।

- 1 यूहन्‍ना 4:8

जौन प्रेम नईं करत, बो परमेसुर हां नईं चीनत, कायसे कि परमेसुर तो प्रेम आय।

- 1 यूहन्‍ना 5:19

हम हां पता आय, कि हम परमेसुर पै बिसवास धरें आंय, और पूरे संसार के जनें शैतान छलिया की कई करत आंय।

- 1 यूहन्‍ना 5:2

जब हम परमेसुर से प्रेम धरत आंय, और उनकी कई करत आंय, ऐई से हम हां पता आय, कि हम परमेसुर के जन से सोई प्रेम धरें आंय।

- 3 यूहन्‍ना 1:11

प्यारे जनों, बुराई के नईं, परन्त भलाई के संग्गी बनो, कायसे भलाई करबेवारो मानो परमेसुर हां मानत आय; और बुरो करबेवारे मानो उन हां नईंर् मानत।