- 1 यूहन्‍ना 2:4 - Bundeli Holy Bible

⁴ जो कौनऊं ऐसो कैत आय, कि मैं उनकी कई करत आंव, और उनकी अग्यां नईं मानत, तो बो लबरा आय; और ऊ की बातन में कछु सत्त नईंयां।

- 1 यूहन्‍ना 2:4 ပူးပေါင်းရင်းမြစ်များ

- यूहन्‍ना 8:44

तुम अपने बाप शैतान से आव, और अपने बाप की मनकी बात हां पूरो करबो चाहत आव। बो तो शुरु से हत्यारो आय, और सत्य पे टिको नईं रओ, कायसे सत्य ऊ में हैई नईंयां: जब बो झूट बोलत आय, तो अपने गुन से बोलत आय; कायसे बो झूटो आय, और झूट कौ बाप आय।

- तीतुस 1:10

कायसे बिलात जनें बिरोध करत आंय, लबरा और धोका देत आंय; जे बे आंय जिनको खतना हो गओ आय।

- तीतुस 1:16

बे कैत तो आंय, कि परमेसुर हां चीनत आंय, परन्त ऐसे काम करत आंय मानो उन हां नईं चीनत, कायसे बे घिना आंय और कई नईं करत; और उन पै कछु साजो करत नईं बनत।

- 1 यूहन्‍ना 1:10

हम कैबें कि हम ने कछु पाप नईं करे, तो उन हां झूठो ठहरात आंय, और उनके बचन को सत्त हम में नईंयां।

- 1 यूहन्‍ना 1:6

हम कैबें, कि उनके संग्गै हमाओ अच्छो सम्बन्ध आय, और फिन अंधियारे में चलबें, तो हम लबरा कहा हैं; और हमाई बातन में कछु सत्त नईंयां।

- 1 यूहन्‍ना 1:8

हम कैबें, कि हम ने कभऊं कोई पाप नईं करो, तो अपने हां धोका देत आंय: और हम में कछु सत्त नईंयां।

- 1 यूहन्‍ना 2:3

जब हम उनकी अग्यां मान हैं, तो पता पड़ है कि हम उनकी कई करत आंय।

- 1 यूहन्‍ना 2:9

जो कोनऊ ऐंसो कैत आय, कि मैं ज्योत में आंव; और अपने भईया से अदावट धरें आय, बो अबै लौ अंधियारे में आय।

- 1 यूहन्‍ना 3:6

जौन अपने मन से उन हां मानत आय, बो जनो पाप नईं करत: जौन पाप करत आय, मानो ऊ ने न तो उन हां तको आय, और न उन हां मानत आय।

- 1 यूहन्‍ना 4:20

कायसे कोऊ कैबे, कि मैं परमेसुर से प्रेम धरें आंव; और अपने भईया से अदावट धरे; तो ऊ लबरा आय: कायसे जौन अपनी आंखन देखे भईया से प्रेम नईं करे, तो परमेसुर जिन हां ऊ ने कभऊं नईं तको, उनसे कैसे प्रेम धर है।

- 1 यूहन्‍ना 4:7

प्यारे जनौ, एक दूजे से प्रेम करो; कायसे प्रेम परमेसुर को दओ आय, जो कोनऊं प्रेम करत आय, बो मानो परमेसुर से जन्मो आय; और उन हां मानत आय।