- 1 यूहन्‍ना 2:24 - Bundeli Holy Bible

²⁴ जो कछु तुम ने पैली बेरा से सुनो आय ओई हां मानो, कायसे जौन बातें तुम ने पेंला सुनके अपने हिये में जमा लईं, तो तुम यीशु मसीह जौन बेटा आय और परमेसुर जौन पिता आय उन में बने रै हौ।

- 1 यूहन्‍ना 2:24 ပူးပေါင်းရင်းမြစ်များ

- लूका 1:2

जैसो कि उन ने जौन पेंलई से इन बातन के तकबेवारे और बचन के सेवक हते हम तक पोंचाओ।

- लूका 9:44

सो जब सबरे मान्स उन सबरे कामन से जौन यीशु करत हतो, चकित हते, तो ऊ ने अपने चेलन से कओ; जे बातें तुमाए कानन में पड़ी रएं, कायसे मान्स कौ पूत मान्सन के हाथ में पकड़वाए जाबे हां आय।

- यूहन्‍ना 14:23

यीशु ने ऊसे कई, जदि कोऊ मोय से प्रेम करत आय, तो बो मोरे बचन हां मान है, और मोरो बाप ऊसे प्रेम कर है, और हम ऊके ऐंगर आ हैं, और ऊके संग्गै बस हैं।

- यूहन्‍ना 15:7

जदि तुम मोय में बने रै हौ, और मोरी बातें तुम में बनी रै हैं, तो जौन मांग हौ बो तुमाए लाने हो जै है।

- यूहन्‍ना 6:56

जौन मोरो मांस खात और मोरो खून पीयत आय, बो मोय में बनो रहत आय, और मैं ऊ में।

- यूहन्‍ना 8:25

बे ऊसे कैणन लगे, तें को आय? यीशु ने उन से कई, ओई आंव जौन मैं तुम से पेंला से कहत आ रओ आंव।

- फिलिप्पियों 4:15

फिलिप्पियों के रैबेवारे जौ अच्छे से जानत आंय, कि परचार करत जब मकिदुनिया से चलो तो पईसा के लैबे दैबे में कोई मण्डली ने मोरी मदद नईं करी, परन्त तुम ने मोरी कमी पूरी करी।

- कुलुस्सियों 3:16

यीशु मसीह के बचन हां अपने हिये में बसा लेओ; और दूसरन हां पूरे ज्ञान से सिखाओ, और चिताओ, और परमेसुर हां धन्न मानो, और अपने से परमेसुर के भजन गाओ और उन हां धन्न कहो।

- इब्रानियों 2:1

हम हां चईये कि जौन बातें हम ने सुनी आंय, और मन लगाओ, उनहां पकड़े रओ कि हम भटक के दूर न चले जाबें।

- इब्रानियों 3:14

जब से हम ने पिरभू यीशु मसीह से मन लगाओ, उनईं बातन पै बने रओ चईये।

- 1 यूहन्‍ना 1:3

जो कछु हम ने तको और सुनो बेई बातें तुम हां बतात आंय, कि तुम सोई इन बातन में बिसवास धरौ; कि हमाओ जोड़ परमेसुर, और उनके बेटा यीशु मसीह से आय।

- 1 यूहन्‍ना 1:7

जैसे बे ज्योत में रैत आंय, ऊंसई हम सोई ज्योत में चलबें, तो हम एक दूजे से मिलके रैबें; और पिरभु यीशु मसीह के रक्त के जस से हमाए पाप कट जै हैं।

- 1 यूहन्‍ना 2:7

प्यारे भईया हरौ, मैं तुम हां कोई नई अग्यां नईं लिख रओ, परन्त बोई पुरानी अग्यां जौन पेंला से तुम हां मिली हती; जौन तुमने पेंला सुनो हतो।

- 1 यूहन्‍ना 3:24

जो कोनऊं उनकी कई करत आंय, बे एक दूसरे से मिले रैत आंय; और ऊ आत्मा जौन उन ने हम हां दई आय, बो हम हां बतात आय, कि हम उनके संगै संगै बने आंय।

- 1 यूहन्‍ना 4:13

ऐई से पता चलत आय, कि हमाओ मन से उनके संग्गै अपनी आत्मा को अंस हमाए भीतर धरो आय।

- 1 यूहन्‍ना 4:15

जो मान्स जा बात मान लेत आय, कि यीशु मसीह परमेसुर के बेटा आंय; बे परमेसुर हां और परमेसुर उन हां जानत आय।

- 1 यूहन्‍ना 4:16

जौन प्रेम परमेसुर हम से करत आय, ऊ प्रेम हम ने जानो आय, और हमाए हिये में बस गओ आय; कि परमेसुर प्रेम आय: और जौन प्रेम करत आय बो परमेसुर में रैत आय, और परमेसुर उन में बने रैत आंय।

- 2 यूहन्‍ना 1:2

मैं अकेले नईं, पर सबरे जनें जौन इन सांची बातन हां मानत आंय बे सोई प्रेम धर हैं।

- 2 यूहन्‍ना 1:9

जौन आगे हां यीशु मसीह की सीख पै नईं चलत, मानो ऊ लौ परमेसुर नईंयां, परन्त जौन उनकी सीख पै चलत आंय, बौ मानो परमेसुर पिता और उनके बेटा यीशु मसीह में पक्को बनो रैत आय।

- 3 यूहन्‍ना 1:3

जब भईयन ने इते आके बताओ, कि तें सत्त पे चलत आय, तो मोहां भलो लगो।

- यूहन्‍ना के दरसन कौ खुलासा 3:11

मैं जल्दी आबेवारो आंव; जो कछु तोरे ऐंगर आय, ऊहां पकड़े रै, कि कोऊ तोरो मुकट छीन न लैबे।

- यूहन्‍ना के दरसन कौ खुलासा 3:3

चेतो और ध्यान धरो कि तुम ने कौन सी बातें सीखी हतीं, और उन में पक्के बने रओ, और अपने पापन हां छोड़ो: अगर तें न चेतो, तो जैसो भड़या बिना कहे आत आय ऊंसई मैं आ जै हों।