- 1 यूहन्‍ना 2:22 - Bundeli Holy Bible

²² लबरा को आय? बो जौन यीशु मसीह हां संसार के मान्सन के पाप से छुड़ाबेवारो नईं मानत; बो यीशु मसीह को बिरोधी आय, परमेसुर जौन पिता आय और यीशु मसीह जौन उनके बेटा आंय उन हां नईं मानत।

- 1 यूहन्‍ना 2:22 ပူးပေါင်းရင်းမြစ်များ

- मत्ती 24:24

कायसे लबरे मसीह और लबरे आगमवकता उठ ठांड़े हुईयें, और बड़े चिन्ह, और अचम्भे के काम दिखा हैं, इते लौ कि अगर उन कौ बस चलो तो चुने भयन हां भरमा दें हैं।

- मत्ती 24:5

कायसे बिलात जनें मोरे नाओं से जौ कहत आ हैं, कि मैं मसीह आंव: और बिलातन हां भरमा हैं।

- यूहन्‍ना 8:44

तुम अपने बाप शैतान से आव, और अपने बाप की मनकी बात हां पूरो करबो चाहत आव। बो तो शुरु से हत्यारो आय, और सत्य पे टिको नईं रओ, कायसे सत्य ऊ में हैई नईंयां: जब बो झूट बोलत आय, तो अपने गुन से बोलत आय; कायसे बो झूटो आय, और झूट कौ बाप आय।

- 1 यूहन्‍ना 1:6

हम कैबें, कि उनके संग्गै हमाओ अच्छो सम्बन्ध आय, और फिन अंधियारे में चलबें, तो हम लबरा कहा हैं; और हमाई बातन में कछु सत्त नईंयां।

- 1 यूहन्‍ना 2:18

हे लड़कावारे, सुनो जा आखरी बेरा आय, जैसो तुम ने सुनो आय, यीशु मसीह को बिरोधी आबेवारो आय, ऐसो लगत आय कि उनके बिरोधी अबै भी ठांड़े हो रय आंय; ऐई से पता लगत आय, कि जे आखरी दिना आंय।

- 1 यूहन्‍ना 2:23

जो बेटा हां नईं मानत उन लौ परमेसुर पिता सोई नईंयां, परन्त जौन बेटा हां मानत आय, पिता परमेसुर ऊके संग्गै रैत आय।

- 1 यूहन्‍ना 2:4

जो कौनऊं ऐसो कैत आय, कि मैं उनकी कई करत आंव, और उनकी अग्यां नईं मानत, तो बो लबरा आय; और ऊ की बातन में कछु सत्त नईंयां।

- 1 यूहन्‍ना 4:20

कायसे कोऊ कैबे, कि मैं परमेसुर से प्रेम धरें आंव; और अपने भईया से अदावट धरे; तो ऊ लबरा आय: कायसे जौन अपनी आंखन देखे भईया से प्रेम नईं करे, तो परमेसुर जिन हां ऊ ने कभऊं नईं तको, उनसे कैसे प्रेम धर है।

- 1 यूहन्‍ना 4:3

जौन आत्मा यीशु मसीह हां नईं मानत, बौ उनके बिरोधी की आत्मा आय; और ओई यीशु मसीह को सोई बिरोध करत आय; ऊ आत्मा के लाने तुमने सुनो हतो, कि बो आबेवारो आय: और अब संसार में आय।

- 1 यूहन्‍ना 5:1

जो कोनऊं जौ बिसवास करत आय कि यीशु ही मसीह आय, बो परमेसुर से पैदा भओ आय और जो कोनऊं पैदा करबेवारे से प्रेम करत आय, बे सोई उन से प्रेम करत आय और उनकी मानत आय।

- 2 यूहन्‍ना 1:7

कायसे बिलात जनें बिलोरबेवारे ऐसो कैत फिर रए, कि यीशु मसीह मान्स होकें नईं आए, ई धरती पे ऐसे जनें मसीह के बिरोधी आंय।

- यहूदा 1:4

कायसे कछु जनें चुपके से हमाए संग्गै जुड़ गए आंय, जिन हां पैले से लिखो आय कि उन हां दण्ड दओ जाबै, कायसे बे सच्चे नईयां, और परमेसुर की दया हां छोड़ बुरय कामन में लगे रैत आंय, और हमाए महाबली मालक और पिरभु यीशु मसीह हां नईं मानत।

- यूहन्‍ना के दरसन कौ खुलासा 3:9

हेर, मैं शैतान छलिया की कई करबेवारन हां तोरे बस में कर दै हों, और जौन यहूदी कहलान लगे आंय, पर हैं नईंयां, बे झूठ बोलत आंय -- हेर, मैं ऐसो कर हों, कि बे आके तोरे गोड़े पै दण्डवत कर हैं, और उन हां पता लग जै है, कि मैंने तोसे प्रेम रखो आय।