- 1 यूहन्‍ना 2:11 - Bundeli Holy Bible

¹¹ परन्त जौन अपने भईया से अदावट धरत आय, बो मानो अंधियारे में आय, और ऊहां जौ पता नईंया कि कौन सी गैल धरें आय, कायसे अंधियारे में ऊहां कछु नईं सूझत।

- 1 यूहन्‍ना 2:11 ပူးပေါင်းရင်းမြစ်များ

- यूहन्‍ना 12:35

जौ मान्स कौ पूत को आय? यीशु ने उन से कई, तुमाए बीच ज्योत अब तनक बेरा के लाने आय, जब लौ ज्योत तुमाए संग्गै आय, तौ लौ निंगत रहियो; ऐसो न होबै कि अंधयारो तुम हां आ घेरे; जौन अंधयारे में निंगत आय बौ नईं जानत कि किते जात आय।

- यूहन्‍ना 12:40

कि ऊ ने उन की आंखन हां अन्धरो, और उन कौ मन कड़ो कर दओ आय; कहूं ऐसो न होबै, कि बे आंखन से हेरें, और मन से जानें, और मन फिराएं, और मैं उन हां साजो करों।

- दूसरी कुरिन्थियों 3:14

अकेले इन की बुद्धि मारी गई, कायसे आज लौ पुराने नेम की बातन हां बांचत बेरा उन के हिये पे परदा जैसो लगो आय; अकेले मसीह में बो परदा उठ जात आय।

- दूसरी कुरिन्थियों 4:4

और जौन मान्सन ने बिसवास नईं करो, कायसे उन की बुद्धि हां ई संसार के ईसुर-शैतान छलिया ने अंधरया दओ आय, कि मसीह जौन परमेसुर आय, उनकी बातन को तेज उन पे अबै न पड़े।

- तीतुस 3:3

कायसे हम पेंला, मूरख और परमेसुर की अग्या न मानबेवाले, और दुबधा में हते, और भांत भांत की चाहना करत हते, और मजा मौज चाहत हते और अदावट धरें हते, और दूसरन को बुरओ सोचत हते, और बहुत घिना हते और दूसरन से बैर मानें हते।

- 2 पतरस 1:9

जीमें जे बातें नईयां, ऊ धुंधलो तकत आय, और अन्धरो आय, बो बिसर बैठो आय कि बो अब अपने पेंला के अधरम से धुल के सुद्ध हो चुको आय।

- 1 यूहन्‍ना 1:6

हम कैबें, कि उनके संग्गै हमाओ अच्छो सम्बन्ध आय, और फिन अंधियारे में चलबें, तो हम लबरा कहा हैं; और हमाई बातन में कछु सत्त नईंयां।

- 1 यूहन्‍ना 2:10

जो कोनऊ अपने भईया से प्रेम धरत आय, ज्योत में बनो रैत आय, और ऊ को कछु बुरओ न हुईये।

- 1 यूहन्‍ना 2:9

जो कोनऊ ऐंसो कैत आय, कि मैं ज्योत में आंव; और अपने भईया से अदावट धरें आय, बो अबै लौ अंधियारे में आय।

- 1 यूहन्‍ना 3:15

जो कोनऊ अपने भईया से अदावट धरत आय, बो हत्यारा आय; तुम हां तो पता आय, कि कोई हत्यारे को तरन तारन नईं होत।

- 1 यूहन्‍ना 4:20

कायसे कोऊ कैबे, कि मैं परमेसुर से प्रेम धरें आंव; और अपने भईया से अदावट धरे; तो ऊ लबरा आय: कायसे जौन अपनी आंखन देखे भईया से प्रेम नईं करे, तो परमेसुर जिन हां ऊ ने कभऊं नईं तको, उनसे कैसे प्रेम धर है।

- यूहन्‍ना के दरसन कौ खुलासा 3:17

तें जो कैत आय, कि मैं बड़ो धनी आंव, और धनवालो हो गओ आंव, और मोहां कोनऊ बस्त की कमी नईंयां, और जौ नईं जानत, कि तें अभागा और तुच्छ और कंगाल और अन्धरा और नंगो आय।