- 1 यूहन्‍ना 2:10 - Bundeli Holy Bible

¹⁰ जो कोनऊ अपने भईया से प्रेम धरत आय, ज्योत में बनो रैत आय, और ऊ को कछु बुरओ न हुईये।

- 1 यूहन्‍ना 2:10 ပူးပေါင်းရင်းမြစ်များ

- मत्ती 13:21

फिन भी अपने मन में गहरी जड़ नईं धरत और तनक बेरा कौ आय, और जब बचन के लाने दुख सताव होत आय, तो तुरतईं ठोकर खात आय।

- मत्ती 18:7

ठोकरों के काजें संसार पे हाय! ठोकरों कौ लगबो जरूरी आय; पर हाय ऊ मान्स पे जीके द्वारा ठोकर लगत आय।

- यूहन्‍ना 11:9

यीशु ने उन से कई, का दिन के बारह धण्टे नईं होत? जदि कोऊ दिन में निंगे, तो बो ठोकर नईं खात कायसे बो ई जगत की ज्योत हां तकत आय।

- यूहन्‍ना 12:35

जौ मान्स कौ पूत को आय? यीशु ने उन से कई, तुमाए बीच ज्योत अब तनक बेरा के लाने आय, जब लौ ज्योत तुमाए संग्गै आय, तौ लौ निंगत रहियो; ऐसो न होबै कि अंधयारो तुम हां आ घेरे; जौन अंधयारे में निंगत आय बौ नईं जानत कि किते जात आय।

- यूहन्‍ना 8:31

तब यीशु ने उन यहूदियन से जिन ने ऊ पे भरोसा करो हतो, कहन लगे, जदि तुम मोरे कहबे जैसो कर हौ, तो सांची में मोरे चेले कहा हौ।

- रोमियों 14:13

सो आंगू से हम एक दूसरे पे लांछन न लगाबें पर तुम जौ ठान लेओ कि कोनऊ अपने भाई के सामूं ठेस या उपटा लगबे कौ कारण न बने।

- फिलिप्पियों 1:10

कि तुम चीनो कि कौन सी बात तुमाए काजें भली आय, और जब लौ पिरभू फिन के आहें; तुम पवित्तर और बिन खोट के बने रओ।

- 2 पतरस 1:10

ई काजें हे भईया हरौ, अपने बुलाए जाबे, और नबेरे जाबे हां पक्को करबे हां और अधक जतन करत जाओ, जदि तुम ऐसो करत हौ, तो कभऊं ठोकर न खा हौ।

- 1 यूहन्‍ना 2:11

परन्त जौन अपने भईया से अदावट धरत आय, बो मानो अंधियारे में आय, और ऊहां जौ पता नईंया कि कौन सी गैल धरें आय, कायसे अंधियारे में ऊहां कछु नईं सूझत।

- 1 यूहन्‍ना 3:14

हम जौ मानत आंय, कि हमाओ नरक कुण्ड से कड़के मानो तरन तारन भओ आय; कायसे कि हम भईयन से प्रेम करत आंय: जौन प्रेम नईं करत, बो मानो नरक कुण्ड में डलो आय।