- 1 यूहन्‍ना 1:6 - Bundeli Holy Bible

⁶ हम कैबें, कि उनके संग्गै हमाओ अच्छो सम्बन्ध आय, और फिन अंधियारे में चलबें, तो हम लबरा कहा हैं; और हमाई बातन में कछु सत्त नईंयां।

- 1 यूहन्‍ना 1:6 ပူးပေါင်းရင်းမြစ်များ

- मत्ती 7:22

ऊ दिना बिलात लोग मोसें कै हैं; हे पिरभू, हे पिरभू, का हम ने तोरे नाओं से आगे की बातें नईं बताईं, और तोरे नाओं से भूत प्रेत हां नईं काड़ो, और तोरे नाओं से बिलात अचरज के काम नईं करे?

- यूहन्‍ना 11:10

परन्त कोऊ रात हां निंगे, तो ठोकर खात आय, कायसे ऊ में ज्योत नईंयां।

- यूहन्‍ना 12:35

जौ मान्स कौ पूत को आय? यीशु ने उन से कई, तुमाए बीच ज्योत अब तनक बेरा के लाने आय, जब लौ ज्योत तुमाए संग्गै आय, तौ लौ निंगत रहियो; ऐसो न होबै कि अंधयारो तुम हां आ घेरे; जौन अंधयारे में निंगत आय बौ नईं जानत कि किते जात आय।

- यूहन्‍ना 12:46

मैं ज्योत आंव, और जगत में आओ हों कि जो कोऊ मोय में भरोसाधरै, बो अन्धयारे में न रए।

- यूहन्‍ना 8:12

यीशु ने फिन लोगन से कई, जगत की ज्योत मैं आंव; जौन मोरे पाछें चल है, बो अन्धयारे में नईं निंग है, परन्त जीवन की ज्योत पा है।

- यूहन्‍ना 8:55

तुम ने तो ऊहां नईं चीनो, परन्त मैं ऊहां चीनत आंव; अगर मैं कहों कि मैं ऊहां नईं चीनत, तो मैं तुमाए घांई झूठो ठहर हों: परन्त मैं ऊहां चीनत और ऊके बचन को मानत आंव।

- 1 तीमुथियुस 4:2

ऐसी सीख उन झूठे मान्सन से आहें, मानो जिन को जी तांते लोहे से दागो गओ होबै।

- याकूब 2:14

हे मोरे भईया हरौ, जदि कोई कय कि मोय बिसवास आय पर बो बिसवास के जैसे काम न करत होबै, तो ऊसे का फायदा? का ऐसो बिसवास ऊकौ तारन कर सकत आय?

- याकूब 2:16

और तुम उन से कओ, तुमाओ भलो होबै, तुम गरम रओ, और अफरे रओ; पर जौन बस्तें उन की देह के लाने जरूरी चाने आंय, बे उन हां न देओ तो का लाभ?

- याकूब 2:18

परन्त कोई जनो जौ कै सकत आय कि तुमाए ऐंगर बिसवास आय, मोरे ऐंगर करम आय, तें अपनो बिसवास मोय करम बिना दिखा; मैं अपनो बिसवास अपने करमों के द्वारा तोहां दिखा हों।

- 1 यूहन्‍ना 1:10

हम कैबें कि हम ने कछु पाप नईं करे, तो उन हां झूठो ठहरात आंय, और उनके बचन को सत्त हम में नईंयां।

- 1 यूहन्‍ना 1:3

जो कछु हम ने तको और सुनो बेई बातें तुम हां बतात आंय, कि तुम सोई इन बातन में बिसवास धरौ; कि हमाओ जोड़ परमेसुर, और उनके बेटा यीशु मसीह से आय।

- 1 यूहन्‍ना 1:8

हम कैबें, कि हम ने कभऊं कोई पाप नईं करो, तो अपने हां धोका देत आंय: और हम में कछु सत्त नईंयां।

- 1 यूहन्‍ना 2:4

जो कौनऊं ऐसो कैत आय, कि मैं उनकी कई करत आंव, और उनकी अग्यां नईं मानत, तो बो लबरा आय; और ऊ की बातन में कछु सत्त नईंयां।

- 1 यूहन्‍ना 4:20

कायसे कोऊ कैबे, कि मैं परमेसुर से प्रेम धरें आंव; और अपने भईया से अदावट धरे; तो ऊ लबरा आय: कायसे जौन अपनी आंखन देखे भईया से प्रेम नईं करे, तो परमेसुर जिन हां ऊ ने कभऊं नईं तको, उनसे कैसे प्रेम धर है।