- पैली कुरिन्थियों 9:27 - Bundeli Holy Bible

²⁷ परन्त मैं अपनी देयां को मारत कूटत, और बस में करें रैत आंव; ऐसो न होबे कि दूसरन को परचार करके, मैं खुद कोई भांत से निकम्मो ठैरों।

- पैली कुरिन्थियों 9:27 ပူးပေါင်းရင်းမြစ်များ

- लूका 18:5

पर जा बिधवा मोय सतात रैत आय, ई लाने मैं ऊकौ न्याव चुका हों कऊं ऐसो न होबे कि बा बेर बेर आके अन्त में मोरी नाक में दम करे।

- लूका 9:25

जदि मान्स सबरे संसार हां पा लेबे, और अपनो प्रान हिरा देबे, या ऊकौ नुकसान उठाबे, तो ऊए का लाभ हुईये?

- प्रेरितन के काम 1:25

कि बौ सेवकाई और प्रेरिताई कौ पद ले, जीहां यहूदा छोड़ के अपने स्थान हां गओ आय।

- रोमियों 8:13

कायसे जदि तुम अधर्म के अनसार समय बिता हौ, तो मर हौ, जदि आत्मा से देयां के बुरए कामन हां मार हौ, तो जीयत रै हो।

- पैली कुरिन्थियों 8:13

ई काजें जदि खैबो मोरे भईया हां ठेस खबाए, तो मैं कभऊं कोऊ भांत से मांस न खै हों, न होबे कि मैं अपने भईया को उपटा कौ कारण बनों।

- पैली कुरिन्थियों 9:25

और सबरे पैलवान सबई परकार कौ संयम करत आंय, बे तो नास होबेवारे मुकट को पाबे के लाने जौ सब करत आंय, परन्त हम तो ऊ मुकट के लाने करत आंय, जौन नास न हुईय।

- दूसरी कुरिन्थियों 11:27

मैनत करत दुख में; बेर बेर जागत रैबे में; भूखे पियासे में; बेर बेर उपासे रैबे में; जड़कारे में; खुले में रैबे में।

- कुलुस्सियों 3:5

सो अब अपनी देह की अभलाखा हां पूरो न करो, परतिरिया संगत करबे की अभलाखा और गन्दे काम, बुरय विचार, और दूसरन की बस्तन को लालच न करो, कायसे जे सब मूरत की पूजा जैसे आंय।

- 2 तीमुथियुस 2:22

जवानी की अभलाखा से दूर बनो रै; और जौन साजे मन से पिरभु हां मानत आंय, उनके संग्गै धरम और प्रेम से चलो, और दूसरे जनन से मिले रओ।

- 1 पतरस 2:11

हे प्यारो मैं तुम से बिन्तवाई करत आंव, कि तुम अपने आप हां परदेसी और यात्री जान के उन संसारी अभलाखाओं से जौन आत्मा से लड़त आंय, बरके रओ।

- 2 पतरस 2:15

बे सूदी गैल हां छोड़ के भटक गए आंय, और बओर के पूत बिलाम की गैल पे चलत आंय; जीने अधरम की मजूरी हां प्यारो जानो हतो।