- पैली कुरिन्थियों 9:26 - Bundeli Holy Bible

²⁶ ई लाने मैं तो ई परकार से दौड़त आंव, परन्त ऐसो नईं कि ठिकानो न होबे, मैं सोई ऐई परकार से घूंसों से लड़त आंव, परन्त उन घांई नईं जौन हवा को पीटत भए लड़त आंय।

- पैली कुरिन्थियों 9:26 ပူးပေါင်းရင်းမြစ်များ

- मत्ती 11:12

यूहन्ना बपतिस्मा देबेवारे के दिना से अबै लौ सरग के राज्य पे जोर अजमाइस होत रई आय, और बलवान मान्स ऊपे कब्जा कर लेत आंय।

- लूका 13:24

यीशु ने उन से कओ; सकरे दोरे से भीतर पिड़बे कौ जतन करो, कायसे मैं तुम से कैत आंव, कि बिलात जनें भीतर पिड़बे की कोसिस कर हैं, और भीतर पिड़ न पा हैं।

- पैली कुरिन्थियों 14:9

ऐसई तुम सोई जदि जीभ से साफ साफ बातें न कओ, तो जो कछु कओ जात आय, बो कैसे समजो जै है? तुम तो बैहर से बातें करबेवारे कहा हौ।

- दूसरी कुरिन्थियों 5:1

हम हां पता आय, कि जब हमाओ संसार पे को डेरा गिराओ जै है, तो हम हां परमेसुर से सरग में एक बड़ो घर मिल है, जौन हाथन को बनो नईं, अकेले हमेसा बनो रै है।

- दूसरी कुरिन्थियों 5:8

ईसे हम हिम्मत बांधे रैत आंय, और देह हां छोड़ के पिरभू के संग्गै रैबे को मन बना लओ आय।

- गलतियों 2:2

मोरो जाबो ईसुर के बताए भओ: और जो बचन में अन्य जातियन में परचार करत हों, बो मैंने उन हां बता दओ; पै अकेले में उन हां जौन बड़े कहात हते, कि ऐसो नईं होबे, कि मोरी अबै की, और आंगे की दौड़ बेकार जाबै।

- इफिसियों 6:12

कायसे हमाई लड़ाई मान्सन से नईंयां, परन्त हमाई लड़ाई शैतान और अंधियारे के जोर से आय, जौन आकास में आय।

- फिलिप्पियों 1:21

कायसे मोरे लाने जब लौ जीयत रओं तो पिरभू के लाने आय, और मर गओ तो और भी बढ़िया आय।

- कुलुस्सियों 1:29

ऐई से मैं बहुतई मैनत करत आंव जौन मोहां उनसे मिलत आय।

- 2 तीमुथियुस 1:12

ऐई से मैं जे दुख उठा रओ आंव, और लजात नईंयां, कायसे मैंने जिन पै बिसवास धरो आय उन हां जानत आंव; और मोहां पक्को आय, कि जौन जीवन मैंने उन हां दे दओ आय ऊहां साजो धरे रै हैं।

- 2 तीमुथियुस 2:5

अखाड़े में लड़बेवारो पहलवान अच्छे से नईं लड़त तो इनाम नईं मिलत।

- 2 तीमुथियुस 4:7

मैंने अच्छी कुस्ती लड़ी आय मानो मैंने अपनी दौड़ पूरी कर लई आय, और अपने बिसवास में पक्को बनो रओ आंव।

- इब्रानियों 12:1

ई लाने जब इतने सबरे जनों की गवाह हम जानत आंय, तो अब सबरी रोकबेवारी बस्तन और उलझाबेवारे पाप और बुरई बातन हां छोड़ के, जैसी दौड़ हम हां दौड़ने आय ऊहां संभल के दौड़ें।

- इब्रानियों 4:1

सो उनके विश्राम में जाबे की बात अबै सोई आय, हम हां डर के चलो चईये, ऐसो न होबै, कि कोई रै जाबै।

- 1 पतरस 5:1

तुम में जौन धार्मिक बूढ़े आंय, मैं उनईं घांई धार्मिक बूढ़ों और मसीह की पीड़ाओं को गवाय और उजागर होबेवारी मईमां में संगसाथी होकें जा विनय करत आंव।

- 2 पतरस 1:10

ई काजें हे भईया हरौ, अपने बुलाए जाबे, और नबेरे जाबे हां पक्को करबे हां और अधक जतन करत जाओ, जदि तुम ऐसो करत हौ, तो कभऊं ठोकर न खा हौ।