- पैली कुरिन्थियों 9:17 - Bundeli Holy Bible

¹⁷ कायसे जदि अपनी मन्सा से जौ करत आंव, तो मजूरी मोहां मिलत आय, और जदि अपनी मन्सा से नईं करत, फिन भी जिम्मेदारी मोहां दई गई आय।

- पैली कुरिन्थियों 9:17 ပူးပေါင်းရင်းမြစ်များ

- पैलो इतिहास 28:9

“हे मोरे मोंड़ा सुलैमान! तें अपने बाप के यहोवा परमेसुर कौ ध्‍यान रख, और खरे हिया और खुसी सें ऊकी सेवा करत रै; कायसे यहोवा परमेसुर हिया हों जांचत और बिचार में जो कछु पैदा होत आय ऊहों समझत आय। जदि तें ऊकी खोज में रए, तौ ऊ तोहों मिलहै; परन्‍त तें ऊहों छोड़ दैहै तौ ऊ हमेसा के लाने तोहों छोड़ दैहै।

- पैलो इतिहास 29:14

मैं का आंव और मोरी परजा का आय कि हम हों ई रीत सें अपनी मरजी सें तोहों भेंट दैबे की सक्‍ति मिले? तोरेई सें तौ सब कछु मिलत आय, और हमने तोरे हाथ सें पाकें तोहों दओ आय।

- पैलो इतिहास 29:5

और सोने की बस्‍तों के लाने सोना, और चांदी की बस्‍तों के लाने चांदी, और कारीगरों सें बनाबेवारे सब तरहां के काम के लाने मैं ऊहों देत आंव। अब कौन अपनी मरजी सें यहोवा परमेसुर के लाने अपने हों अरपित करत आय?”

- पैलो इतिहास 29:9

तब परजा के मान्‍स खुस भए, कायसे हाकमों ने खुस होके साफ हिया और अपनी अपनी मरजी सें यहोवा परमेसुर के लाने भेंट दई हती; और दाऊद राजा बिलात खुस भओ।

- नहेम्याह 11:2

जिनोंरन ने अपनी इच्‍छा सें यरूशलेम में रैबो चाहो उनोंरन हों लोगोें ने आर्सीबाद दओ।

- योना 1:3

परन्‍त योना यहोवा परमेसुर के सामूं सें तर्शीश हों भग जाबे के लाने उठो, और याफा नगर हों जाकें ऊहों तर्शीश जाबे हों एक जहाज मिलो; और ऊ भाड़ा दैकें ऊपै चढ़ गओ कि उनके संगै होकें यहोवा परमेसुर के सामूं सें तर्शीश हों चलो जाए।

- मत्ती 10:41

जौन आगमवकता हां, आगमवकता जानके अपनात है, बो आगमवकता कौ फल पा है; और जौन धर्मी हां धर्मी जानके अपना है, बो धर्मी कौ फल पा है।

- मत्ती 24:25

तको, मैं ने पेंलई तुम हां बता दओ आय।

- लूका 12:42

यीशु ने कओ; बो बिसवास जोग और समजवारो भण्डारी को आय, जी कौ मालक ऊहां नौकर, चाकरों पे अधकारी ठैराए कि उन हां खैबे पीबे हां भोजन और सामान ठीक बेरा पे देबे।

- यूहन्‍ना 4:36

काटबे वारन हां मजूरी मिलत आय, और बो अनन्त जीवन के लाने फल बटोरत आय; कि बोबेवारो और काटबेवाले दोई मिलके खुसी मना सकें।

- पैली कुरिन्थियों 3:14

जी की चुनाई कौ काम ऊ पै बनो रै है, बो मजूरी पा है।

- पैली कुरिन्थियों 3:8

लगाबेवारो और ढारबेवारो दोनऊं एक आंय; परन्त हर एक जैसी मैनत कर हैं ऊंसई मजूरी पा हैं।

- पैली कुरिन्थियों 4:1

मान्स हम हां मसीह के चाकर और परमेसुर की लुकी भई बातन के जानबेवारे मानें।

- पैली कुरिन्थियों 9:16

और जदि मैं भलो सन्देसो सुनाओं, तो मोरो कछु घमण्ड नईं, कायसे जौ तो मोरे लाने जरूरी आय; और जदि मैं भलो सन्देसो न सुनाओं, तो मो पे हाय।

- पैली कुरिन्थियों 9:18

सो मोरी मजूरी कौन सी आय? जौ कि भलो सन्देसो सुनाबे में मैं मसीह कौ भलो सन्देसो सेंत मेंत कर दों; इते लौ कि भले सन्देसे में मोरो जौन अधकार आय, ऊ को मैं सबई भांत से काम में लाओं।

- दूसरी कुरिन्थियों 8:12

कायसे मन से दान दओ जाबे तो बो ग्रहण होत आय, जौन उन लौ आय अकेले ऊसे जौन उन लौ नईंयां।

- गलतियों 2:7

अकेले जब उन ने तको, कि जैसो खतना भए लोगन हां बचन सुनाबे की जिम्मेवारी पतरस हां दई गईं, ऊं सई बिना खतनावारन के काजें मोहां।

- कुलुस्सियों 1:25

परमेसुर की मन्सा से मोहां उनकी कलीसिया को काम करबेवारो धरो, और मोहां तुम लौ पठैओ, कि मैं तुम हां उनको पूरो ज्ञान बताओं।

- 1 थिस्सलुनीकियों 2:4

परन्त जैसो परमेसुर ने हम हां बचन दओ, हम मान्सन हां खुसी नईं परन्त परमेसुर हां खुस करत आंय; परमेसुर जौ जानत आय।

- फिलेमोन 1:14

परन्त मैंने तोरी मरजी के बिना कछु नईं करो चाहो, कि तोरी मो पे दया मन से होबै, कोई दबाओ से नईं।