- पैली कुरिन्थियों 9:12 - Bundeli Holy Bible

¹² और दूसरन कौ तुम पे जौ अधकार आय, तो का हमाओ ईसें अधक अधकार न हुईये? परन्त हम जौ अधकार काम में न लाएं; परन्त गम्म खात आंय, कि हम से मसीह के परचार में कोऊ रोक न होबे।

- पैली कुरिन्थियों 9:12 ပူးပေါင်းရင်းမြစ်များ

- उत्पत्ति 24:56

ऊने उनसें कई, “यहोवा परमेसुर ने मोरी यात्रा सफल करी आय, ई लाने तुम मोहों नें रोको, अब मोहों बिदा कर देओ कि मैं अपने मालक के लिगां जाओं।”

- नहेम्याह 4:8

और सबई ने मिलकें ऐसी पंचयात करी कि जाकें यरूशलेम सें लड़ें, और उनके काम में गड़बड़ी करें।

- लूका 11:52

हाय तुम व्यवस्था पण्डतों पे! कि तुम ने समज ज्ञान की कुंजी तो ले लई, पर तुम खुद ऊ में अन्दर न गए, और जाबेवारन हां सोई रोक दओ।

- प्रेरितन के काम 18:3

और ई लाने कि ऊ को भी ओई धन्धा हतो; बो उनके इते गओ और उनके संग्गै रहो, और बे काज करन लगे, कायसे धन्धे से बे झुग्गी बनाबेवाले हते।

- रोमियों 15:22

ऐई लाने मैं तुम लौ आबे हां थमो रओ।

- पैली कुरिन्थियों 13:7

बो सबरी बातें सह लेत आय, सबरी बातन कौ बिसवास करत आय, सबरी बातन में आसा राखत आय, सबरी बातन में धीरज धरत आय।

- पैली कुरिन्थियों 6:7

तुम में सांचऊ बड़ो दोस जौ आय, कि आपस में कोर्ट कचारी में लड़त आव; तुम अन्याय काए नईं सहत? अपनो नुकसान काए नईं सहत?

- पैली कुरिन्थियों 9:14

ऐई भांत से पिरभु ने सोई ठैराओ आय, कि जौन मान्स भलो सन्देसो सुनात आय, उन कौ पेट भरबो ओई से होबे।

- पैली कुरिन्थियों 9:15

परन्त मैं इन में से कोऊ बात काम में न लाओ, और मैंने जे बातें ई लाने नईं लिखीं, कि मोरे लाने ऐसो करो जाए, कायसे ई से साजो तो मोरो मरबो भलो आय; कि कोऊ मोरो घमण्ड अकारथ ठैराबे।

- पैली कुरिन्थियों 9:16

और जदि मैं भलो सन्देसो सुनाओं, तो मोरो कछु घमण्ड नईं, कायसे जौ तो मोरे लाने जरूरी आय; और जदि मैं भलो सन्देसो न सुनाओं, तो मो पे हाय।

- पैली कुरिन्थियों 9:18

सो मोरी मजूरी कौन सी आय? जौ कि भलो सन्देसो सुनाबे में मैं मसीह कौ भलो सन्देसो सेंत मेंत कर दों; इते लौ कि भले सन्देसे में मोरो जौन अधकार आय, ऊ को मैं सबई भांत से काम में लाओं।

- पैली कुरिन्थियों 9:2

जदि मैं औरन के लाने चेला नईंयां, पर तुमाए लाने तो आंव, कायसे तुम पिरभु में मोरे चेलापन पे मानो छाप आव।

- दूसरी कुरिन्थियों 11:12

अकेले जौन मैं करत आंव, ओई करत रै हों; कि जौन ई ताक में लगे रैत आंय, उनको दांव न चल पाबै, कि जिन बातन में बे बड़ो समझत आंय, उन में बे हमाए जैसे कड़ें।

- दूसरी कुरिन्थियों 11:20

कायसे जब तुम हां कोऊ दास बना लेत आय, या खा जात आय, या फंसा लेत आय, या अपने हां बड़ो कैत आय, या तुमाए मों पे थप्पड़ मारत आय, तो तुम सह जात आव।

- दूसरी कुरिन्थियों 2:12

जब मैं मसीह की बातें सुनात त्रोआस आओ, और पिरभु ने मोरे काजें एक द्वार खोलो।

- दूसरी कुरिन्थियों 6:3

हम जो नईं चाहत कि कोई बात से तुमहां ठेस लगे, कि हम जानें सेवा करी ऊहां कोऊ बुरओ न कैबें।