- पैली कुरिन्थियों 8:6 - Bundeli Holy Bible

⁶ परन्त हमाए ऐंगर तो एकई परमेसुर आय: जाने कि बाप जौन कुदाऊं से सबरी बस्तें आंय, और हम उनईं के लाने आंय, और एकई पिरभु आय, जाने कि यीशु मसीह जिनके द्वारा सबरी बस्तें भईं, और हम सोई उनईं के द्वारा आंय।

- पैली कुरिन्थियों 8:6 ပူးပေါင်းရင်းမြစ်များ

- योना 1:9

ऊने उनसें कई, “मैं इब्री मान्स आंव; और सरग कौ यहोवा परमेसुर जीने समंदर और धरती दोई हों बनाओ आय, ओई हों मैं मानत आंव।”

- मत्ती 11:27

मोरे बाप ने मोय सब कछु सौंपो आय, और अकेले पूत हां कोऊ नईं चीनत, अकेले बाप; और कोऊ बाप हां नईं चीनत, अकेले पूत; यानि ओई जीए पूत ऊहां दरसाओ चाहत आय।

- मत्ती 28:18

तब यीशु ने उन के ऐंगर आके कई, कि सरग और धरती कौ पूरो अधकार मोय दओ गओ आय।

- यूहन्‍ना 1:10

बो जगत में हतो, और जगत ऊके द्वारा पैदा भओ, और जगत ने ऊहां नईं चीनो।

- यूहन्‍ना 1:3

सब कछु ऊके द्वारा पैदा भओ और जो कछु पैदा भओ आय, ऊ में से कछु भी ऊके बिना पैदा नईं भओ।

- यूहन्‍ना 10:30

मैं और बाप एकई आंय।

- यूहन्‍ना 13:13

तुम मोय गुरू और प्रभु कहत आव, तुम सही कहत आव, कायसे मैं ओई आंव।

- यूहन्‍ना 14:20

ऊ दिना तुम जान जै हो, कि मैं अपने बाप में आंव, और तुम मोय में और मैं तुम में आंव।

- यूहन्‍ना 17:3

और अनन्त जीवन जौ आय, कि बे तोय जौन एकई सांचो परमेसुर और यीशु मसीह हां जानें, जीहां तेंने पठैव आय।

- यूहन्‍ना 20:17

यीशु ने ऊसे कई, मोय नईं छी कायसे मैं अबै लौ बाप के ऐंगर ऊ परै नईं गओ आंव, पर मोरे भईयन के ऐंगर जा और उन से कहिये, मैं अपने बाप और तुमाए बाप, और अपने परमेसुर और तुमाए परमेसुर के ऐंगर ऊ परै जात आंव।

- प्रेरितन के काम 17:28

कायसे ओई में हम जीयत रहत, और निंगत फिरत, और बने रहत आंय; जैसो कि तुमाए कछु कवियन ने भी कई आय, हम भी तो ओई की लड़ेर आंय।

- प्रेरितन के काम 2:36

सो अब इस्राएलियन कौ सबरो घरानो पक्को जान लैबे कि परमेसुर ने ओई यीशु हां जीहां तुम ने क्रूस पे चढ़ाओ, प्रभु भी ठहराओ और मसीह सोई।

- प्रेरितन के काम 5:31

ओई हां परमेसुर ने पिरभु और उद्धारकर्त्ता ठैरा के अपने दायने हाथ पे ऊंची जांगा दई, कि बो इस्राएलियन हां हिया फेरबे कौ बल सक्ति और पापन की क्षमा देबे।

- रोमियों 11:36

कायसे ओई कुदाऊं से, और ओई से, और ओई के लाने सब कछु आय: ऊकी मईमा जुगानजुग होत रैबे। आमीन।

- पैली कुरिन्थियों 1:2

परमेसुर की ऊ समाज के नाओं जौन कुरिन्थुस में आय, जाने कि उन के नाओं जौन मसीह यीशु में पवित्तर करे गए आंय, और जौन पवित्तर होबे हां बुलाए गए आंय, और उन सबरन के नाओं जौन अपनी अपनी जांगा पिरभु यीशु के नाओं से बिन्तवाई करत आंय।

- पैली कुरिन्थियों 12:3

ई लाने मैं तुम हां चिताए देत आंव कि जौन कोई आत्मा के उसकेरे से बोले, ऊ नईं कैत कि यीशु बुरओ आय; और न कोऊ पवित्तर आत्मा के बिना कै सकत आय कि यीशु पिरभु आय।

- पैली कुरिन्थियों 6:13

भोजन पेट के लाने और पेट भोजन के लाने आय, परन्त परमेसुर ईहां और ऊहां दोईयन हां नास कर है, परन्त देयां बुरए काम हां नईं, परन्त पिरभु के लाने आय; और पिरभु देयां के लाने आय।

- पैली कुरिन्थियों 8:4

सो मूरतों के सामूं बलि करी भई बस्तों के खाबे के बारे में -- हम जानत आंय, कि संसार में मूरत कछु बस्त नईंयां, और एक हां छोड़ कोऊ और परमेसुर नईंयां।

- इफिसियों 1:3

हमाए पिरभू यीशु मसीह के परमेसुर और पिता हां धन्न होबे, जिन ने हम हां मसीह में सरग में सबरी आसीस दई आंय।

- इफिसियों 3:14

एईसे उन पिता के सामूं घूंटे टेकत आंव।

- कुलुस्सियों 1:6

जौन सुसमाचार तुम ने सुनो और जीहां संसार के मान्सन ने मानो, और ऊ पै चित्त लगाओ मानो कि जी दिना से तुम ने ऊ सुसमाचार हां सुनो, और पूरे मन से बिसवास करो, और परमेसुर की दया जौन उन ने करी ऊहां चीनो आय, और ऊहां मन में बसाओ आय।

- 1 पतरस 1:21

जौन ऊके द्वारा ऊ परमेसुर पे बिसवास करत आव, जीने ऊहां मरे भयन में से जिलाओ, और मईमां दई; कि तुमाओ बिसवास और आस परमेसुर पे होबै।

- यूहन्‍ना के दरसन कौ खुलासा 1:18

मैं मर गओ हतो, और अब हेर; मैं जुगजुग लौ जीयत आंव; और मृत्यु और अधोलोक जिते मरे भय रैत आंय ऊ की कुंजी मोरे ऐंगर आंय।