- पैली कुरिन्थियों 8:3 - Bundeli Holy Bible

³ परन्त जदि कोऊ परमेसुर से प्रेम धरत आय, तो ऊए परमेसुर चीनत आय।

- पैली कुरिन्थियों 8:3 ပူးပေါင်းရင်းမြစ်များ

- मत्ती 7:23

तब मैं उन से साफ्र कह दै हों कि मैं ने तुम हां कभऊं नईं चीनो, हे बुरय काम करबेवारो, मोरे ऐंगर से दूर रहियो।

- यूहन्‍ना 10:14

उमदा गड़रिया मैं आंव; मैं अपनी गाड़रन हां चीनत आंव, और मोरी गाड़रें मोय चीनत आंय।

- यूहन्‍ना 21:17

यीशु ने पतरस से तीसरी बेर कई, हे शमौन यूहन्ना के पूत, का तें मोय से प्यार करत आय? पतरस उदास भओ, कायसे यीशु ने तीसरी बेर ऐसी कई; कि का तें मोसे प्यार करत आय? और पतरस ने कई, हे प्रभु, तें सब कछु जानत आय, कि मैं तोसे प्यार करत आंव: यीशु ने ऊसे कई, तें मोरी गाड़रन चरा।

- रोमियों 11:2

परमेसुर ने अपनी ऊ प्रजा हां नईं छोड़ो, जिन हां ऊ ने पेंला से नबेरो हतो: का तुम नईं जानत, कि पवित्तर पोथी में एलियाह अगमवकता के लाने का कओ गओ आय; कि बो इस्राएल के विरोद में परमेसुर से बिन्तवाई करत आय।

- पैली कुरिन्थियों 13:12

अब हम हां ऐना में धुंधलो सौ दिखाई देत आय; परन्त ऊ बेरा आमूं सामूं हेर हैं, अबै तो मोरो ज्ञान अधूरो आय, परन्त ऊ बेरा भली भांत चीन्ह हों, जैसो मैं चीनो गओ आंव।

- पैली कुरिन्थियों 2:9

परन्त जैसो लिखो आय, जिन बातन हां आंखन ने नईं तको, और न कान ने सुनो, और जौन मान्स के हिये में नईं समाई, उनईं हां परमेसुर ने अपने प्रेम करबेवारन के लाने तईयार करी आंय।

- गलतियों 4:9

अकेले अब तो तुम ने परमेसुर हां चीन लओ आय, तो बे छोटी और नेंची पेंला की बातन में काय फिरत आव, का तुम उनई के पाछें फिन के चलो चाहत आव।

- 2 तीमुथियुस 2:19

परन्त परमेसुर की बातें जीमें नीं जैसी बैठ गई आंय, उन पै ऐसी छाप लगी आय कि परमेसुर उन हां चीनत आंय; जो कोनऊं परमेसुर को नाओं जपत आय, बो अधरम से बचो रै है।

- याकूब 1:12

धन्न आय बो मान्स, जौन परीक्षा में पक्को कड़े; कायसे बो परीक्षा में खरो कड़ के जीवन कौ बौ मुकुट पा है, जी कौ कौल पिरभु ने अपने प्रेम धरबेवारन हां दओ आय।

- याकूब 2:5

हे मोरे प्यारे भईया हरौ, सुनो; का परमेसुर ने ई संसार के गरीबन हां नईं नबेरो, कि बे बिसवास में धनी और ऊ राज के हाकम होबें, जी कौ कौल उन ने अपने प्रेम करबे वारन से करो आय?

- 1 पतरस 1:8

ऊसे तुम बिना तकें प्रेम राखत आव, और अब तो ऊ पे बिना तकें सोई बिसवास करके ऐसे खुस और परसन्न होत आव, जौ कओ नईं जा सकत और मईमा से भरो भओ आय।

- 1 यूहन्‍ना 4:19

हम ईसे प्रेम करत आंय, कि उन ने पेंला होकें हम से प्रेम करो।

- 1 यूहन्‍ना 4:7

प्यारे जनौ, एक दूजे से प्रेम करो; कायसे प्रेम परमेसुर को दओ आय, जो कोनऊं प्रेम करत आय, बो मानो परमेसुर से जन्मो आय; और उन हां मानत आय।

- यूहन्‍ना के दरसन कौ खुलासा 2:13

कि तें उते रैत आय जिते शैतान छलिया कौ सिंहासन आय, पर मोरे नाओं पै बिसवास धरे रैत आय; और मोपे बिसवास करबे से उन दिना में पक्को रओ, जब मोरो सच्चो और पक्को गवाह अन्तिपास, तुमाए बीच मारो गओ।

- यूहन्‍ना के दरसन कौ खुलासा 2:19

कि मैं तोरे सबरे काज, तोरे प्रेम, और बिसवास, तोरी सेवा, और तोरे धीरज हां जानत आंव, और जौ सोई जानत आंव कि तोरे अबै के काम पेंला के कामन से बढ़िया आंय।

- यूहन्‍ना के दरसन कौ खुलासा 2:9

कि मैं तोरो दुख और तोरी गरीबी हां जानत आंव; (परन्त तें धनी आय); और जौन अपने हां यहूदी कैत आंय पर हैं नईंयां, और शैतान छलिया की बातन में लगे आंय, मोहां जौ सब पता आय।