- पैली कुरिन्थियों 8:1 - Bundeli Holy Bible

¹ अब मूरतों के सामूं बलि करी भई बस्तों के बारे में - हम जानत आंय, कि हम सबई हां ज्ञान आय: ज्ञान घमण्ड पैदा करत आय, परन्त प्रेम से बढ़ती होत आय।

- पैली कुरिन्थियों 8:1 ပူးပေါင်းရင်းမြစ်များ

- प्रेरितन के काम 15:10

ई लाने चेलन के कंधा पे ऐसो जुआ धरके, जीहां न तो हमाए पुरखन और न हम उठा सकत आंय, अब काहे परमेसुर हां परखत आव?

- प्रेरितन के काम 15:29

की तुम मूरतन पे बलि चढ़ाई भई बस्तन से, खून से, गलो घोंटे गए मास से, और दुराचार से बचे रै हौ; इन से बचे रओ तो तुमाओ भलो हुईये, बाकी शुभ।

- प्रेरितन के काम 21:25

जिते लौ भरोसेमन्द गैर यहूदियन कौ नाता आय, हम ने उनहां जौ सार लिख के पठैव आय, की बे मूरतन के आंगू बलि करे भए मांस से, और खून से, और गले घोंटे भए के मांस से, और दुराचार से बचे रएं।

- रोमियों 11:25

हे भईया हरौ, कऊं ऐसो न होबै, कि तुम अपने आप हां समजदार मान लेओ; ई लाने मैं नईं चाहत कि तुम ई भेद से अनजान रओ, कि जब लौ दूसरी जातवारन कौ अंधबिसवास न मिट जाबै, तब लौ इस्राएल कौ एक भाग ऐंसई कठोर रै है।

- रोमियों 12:16

आपस में एक सो मन धरो; अभिमानी न बनो; परन्त दीनों के संग्गै मेल जोल धरो; अपने लेखे बड़वाई न करो।

- रोमियों 14:10

तें अपने भईया पे काय लांछन लगात आय? या तें फिन अपने भईया हां काय तुच्छ जानत आय? हम सब के सब परमेसुर के न्याय आसन के सामूं ठांड़े हुईयें।

- रोमियों 14:14

मैं जानत आंव, और पिरभु यीशु में मोय पक्को पता पड़ो आय, कि कोऊ बस्त अपने आप में अशुद्ध नईंयां, परन्त जौन ऊ ए अशुद्ध समजत आए, ऊके लाने असुद्ध आय।

- रोमियों 14:19

ई लाने हम उन बातन में लगे रैबें, जिन से मेल मिलाप और एक दूसरे कौ सुधार होबे।

- रोमियों 14:22

तोरो जौ बिसवास होय, ऊ ए परमेसुर के सामूं अपने हिये में धर, धन्न तो बो आय, जौन ऊ बात में, जिए ऊ सई समजत होय, अपने आप हां दोसी नईं ठैराऊ त।

- रोमियों 14:3

और खाबेवारो न खाबेवारे हां नीचो न जाने, और जौन नईं खात आय बो खाबेवारे पे दोस न लगाबै, कायसे परमेसुर ने ऊ ए अपना लओ आय।

- रोमियों 15:14

हे मोरे भईया हरौ, मैं खुद तुमाए बारे में पक्के से जानत आंव, कि तुम सोई आप ही भलाई से भरे और पिरभु परमेसुर की समज से भरेपूरे आव और एक दूजे हां चिता सकत आव।

- पैली कुरिन्थियों 1:5

कि तुम मसीह में होकें सबरी बातन में जाने कि सबरे बचनन के ज्ञान से भर गए आव।

- पैली कुरिन्थियों 10:15

मैं तुम हां समजदार जानके कैत आंव: जौन मैं कैत आंव, ऊ ए जांचो परखो।

- पैली कुरिन्थियों 10:28

परन्त तुम से कोई जदि कैबे, जा तो मूरत हां चड़ाई गई बस्त आय, तो ओई बताबेवारे के काजें, और हिये के सोच के काजें न खाओ।

- पैली कुरिन्थियों 14:20

हे भईया हरौ, तुम समज में हलके बच्चा न बनो: जानें कि बुराई में तो हलके बच्चा रओ, परन्त समज में सियाने बनो।

- पैली कुरिन्थियों 15:34

धरम के लाने जाग उठो और पाप न करो; कायसे कि कितेक ऐसे आंय जौन परमेसुर को नईं जानत, मैं तुम हां लजाबे हां जौ कैत आंव।

- पैली कुरिन्थियों 4:10

हम मसीह के लाने मूरख आंय; परन्त तुम ज्ञानवान आव: हम कमजोर आंय और तुम बली आव: तुमहां मान दओ जात आय, और हम हां ओछो लेखो जात आय।

- पैली कुरिन्थियों 4:18

कछु मान्स घमण्ड से ऐसे भर गए आंय, जौ सोच के, कि जानो मैं तुमाए ऐंगर न आ हों।

- पैली कुरिन्थियों 4:6

हे भईया हरौ, मैंने इन बातन में अपनी और अपुल्लोस की कनौत सी कई, कि तुम हम से जौ सीखो, कि जैसो लिखो आय ऊसे आंगू न बढ़ियो, एक हां बड़ो और दूसरे हां ओछो न जानियो।

- पैली कुरिन्थियों 5:2

तुम हां ई पाप से सरम लौ नईं आत, कि ऐसे काज के करबेवारे हां अपने बीच से काड़ बायरें करो, पर तुम तो मूड़ ऊंचो कर के निगत आव।

- पैली कुरिन्थियों 5:6

तुमाओ बड़ो बोल बोलवो साजो नईंयां: का तुम हां जौ पता नईयां, कि तनक से खमीर से पूरो मड़ो भओ चून खमीर हो जात आय।

- पैली कुरिन्थियों 8:2

जदि कोऊ समझे, कि मोहां कछु पता आय, तो जैसो जानो चईये ऊंसो अबै लौ नईं जानत।

- पैली कुरिन्थियों 8:4

सो मूरतों के सामूं बलि करी भई बस्तों के खाबे के बारे में -- हम जानत आंय, कि संसार में मूरत कछु बस्त नईंयां, और एक हां छोड़ कोऊ और परमेसुर नईंयां।

- पैली कुरिन्थियों 8:7

परन्त सबरन हां ऐसो ज्ञान नईंयां; परन्त कितेक जनें अब लौ मूरत हां कछु समजबे के कारण मूरतन के सामूं बलि करी गई कछु बस्त जानके खात आंय, और उन कौ हिया कमजोर होकें असुद्ध होत आय।

- इफिसियों 4:16

जीसे पूरो सरीर एक एक जोड़ से मिलके, और गसके ऊ तौर पै जाने सबरे जनों हां अलग अलग होत आय, अपने में बढ़त जात आय, कि बो प्रेम में बढ़त चली जाबै।

- कुलुस्सियों 2:18

उन से धोका न खाईयो जौन ऐसे दिखात आंय कि बड़े कोंरे मन के आंय, जौन सरगदूतन की पूजा करत आंय परन्त तुम हां ऊ इनाम से जौन तुम हां मिलो चईये ऊ में बिलोरा डालत आंय। ऐसो मान्स बेसमझी की बातें करत आय और स्वारथी आय।

- यूहन्‍ना के दरसन कौ खुलासा 2:14

पर मोय तोसे कछु बातें कहने आय, कायसे तोरे इते कछु तो ऐसे आंय, जो बिलाम की शिक्षा को मानत आंय, जीने बालाक हां इस्राएली लोगन के सामूं ठोकर कौ कारन रखबो सिखाओ, कि मूरतन हां चढ़ाओ भओ भोजन खाबें, और व्यभिचार करें।

- यूहन्‍ना के दरसन कौ खुलासा 2:20

पर मोय तोसे जौ कहने आय, कि तें ऊ बईयर इजेबेल हां अपने बीच रैन देत आय जौन अपने हां आगमवक्तनी कैत आय, और तोरे मान्सन हां सिखात आय कि सब बुरय काम करो, और मूरतन के सामूं चढ़ाओ भओ भोजन खाओ ऐसो कै के उनहां बिलोरत आय।