- पैली कुरिन्थियों 7:35 - Bundeli Holy Bible

³⁵ जा बात तुमाए लाभ के लाने कैत आंव, जौ नईं कि तुम हां फांस लेंओं, परन्त ई लाने कि जैसो नोंनो आय, ऊंसई करो जाबे; कि तुम एक हिये के होकें पिरभु की सेवा में लगे रओ।

- पैली कुरिन्थियों 7:35 ပူးပေါင်းရင်းမြစ်များ

- मत्ती 19:12

कायसे कछु नामर्द ऐसे आंय, जौन अपनी मताई के पेट से ऐसई पैदा भए; और कछु नामर्द ऐसे आंय, जिन हां मान्सन ने नामर्द बनाओ: और कछु नामर्द ऐसे भी आंय, जिन ने सरग के राज्य के लाने अपने आप हां नामर्द बनाओ आय, जौन ईहां अपना सकत आय, बो अपनात रए।

- मत्ती 22:15

तब फरीसियन ने जाके आपस में विचार करो, कि ऊहां की तरहां बातन में फंसाएं।

- लूका 21:34

यीशु ने आंगू कओ, ई लाने होसयार रओ, ऐसो न होबे कि तुमाए हिये उनीदे और मस्ती, और ई जीवन के सोस चिन्ताओं से सुस्त हो जाबें, और बो दिना तुम पे फन्दे के घांई एकाएक आन पड़े।

- लूका 8:14

जौन झाड़ियन में गिरे बे जे आंय, जौन सुनत तो आंय, पर आंगू निंग के सोस और मालपानू और जीवन के सुख बिलास में फंस जात आंय, और उन कौ फल नईं पकत।

- पैली कुरिन्थियों 7:2

परन्त कुकर्म के डर से सबरे मन्सेलुअन की घरवारी, और सबरी बईयरन कौ मन्सेलू होबे।

- पैली कुरिन्थियों 7:28

परन्त जदि तें ब्याओ सोई करे, तो पाप नईंयां; और जदि कुंआरी ब्याही जाबै तो कछु पाप नईंयां; परन्त ऐसन हां देयां की पीड़ा हुईये, और मैं बरकाओ चाहत आंव।

- पैली कुरिन्थियों 7:36

और जदि कोऊ जौ समजे, कि मैं अपनी ऊ कुंआरी कौ हक्क मार रओ आंव, जी की जवानी ढल रई आय, और ऊ सोचे कि ऊकौ ब्याओ होबो चईये, तो जैसो चाए, ऊंसो कर, ईमें पाप नईंयां, बो ऊकौ ब्याओ होन देबे।

- इफिसियों 5:3

जैसा पवित्तर मान्सन के लेखे अच्छो आय, तुम में परतिरिया संगत न होबे, और कोऊ गन्दो काम, और लोभ की बातें लौ न करो।

- फिलिप्पियों 4:8

सो भईया हरौ, जौन बातें सांची आंय, और जौन साजी आंय, जौन पवित्तर और अच्छी आंय, और मन हां भाती आंय, सो जौन बातें कहबे लाक होबें, उनईं पै ध्यान धरो।

- 1 तीमुथियुस 1:10

परतिरिया संगत करबेवारे, पुरुष के संग्गै भोग करबेवारे, मान्सन हां बेंचबेवारे, लबरा, लाबरी गवा दैबेवारे, और जौन सांचे परचार को बिरोध करत आंय उनके लाने नैम बने आंय।

- तीतुस 2:3

ऐसई सियानी बईयरन की चाल साजी होबै, बे नसा न करें और दूसरन पै दोस न लगाबें; परन्त साजी बातें सिखाबें।