- पैली कुरिन्थियों 6:9 - Bundeli Holy Bible

⁹ का तुम हां पता नईंयां, कि जौन न्याव बिलोरत आंय बे परमेसुर के राज में न जा पा हैं? ई धोखे में न रईयो, न बेश्या से संगतवारे, न मूर्ती पूजा करबेवारे, न दूसरे की तिरिया से संगत करबेवारे, न लुच्चे, न लुगुवा लुगुवा से संगत करबेवारे।

- पैली कुरिन्थियों 6:9 ပူးပေါင်းရင်းမြစ်များ

- उत्पत्ति 19:5

और लूत हों टेरकें कैन लगे, “जो मान्‍स आज रात हों तोरे लिगां आएहें बे कितै आंय? उनहों हमाए लिगां बायरें ल्‍या कि हम उनसें भोग करें।”

- मत्ती 19:29

और हर एक जीने मोरे नाओं के लाने घरद्वार या भईयन या बहन या बाप मताई या बच्चन या खेतन हां छोड़ दओ आय, ऊहां सौ गुना मिल है: और बो अनन्त जीवन कौ अधकारी हुईये।

- मत्ती 25:34

तब राजा अपनी दाहिनी कोद वारन से कै है, हे मोरे बाप के धन्य मान्सन, आओ, ऊ राज्य के अधकारी हो जाओ, जो संसार के पेंला से तुमाए लाने तईयार करो भओ आय।

- लूका 21:8

यीशु ने कओ; होसयार रओ, कऊं धोखा न खा जाओ, कायसे कुल्ल जनें मोरे नाओं से आके कै हैं, कि मैं ओई आंव; और जौ सोई कि टैम ऐंगर आ पोंचो आय: पर तुम उन के पांछू न चले जईयो।

- प्रेरितन के काम 20:32

और अब मैं तुमहां परमेसुर, और ऊके आसीस के बचन हां सोंपत आंव, जौन तुमाई तरक्की कर सकत आय, और सब पवित्र करे गए लोगन के संग्गै बिरासत दे सकत आय।

- प्रेरितन के काम 24:25

अब बो धर्म की और आबेवाले न्याव की बतकाव कर रओ हतो, तो फेलिक्स ने डरा के कई, ई बेरा तो तें जा, बेरा मिलबे पे मैं तोय फिन टेर हों।

- रोमियों 1:18

परमेसुर कौ खुन्स तो उन लोगन की अभक्ति और अधर्म पे सरग से उजागर होत आय, जौन सत्त हां पाप से दबाए रैत आंय।

- पैली कुरिन्थियों 15:33

धोखा न खाओ, बुरओ संग साथ साजे चरित्र को बिगाड़ देत आय।

- पैली कुरिन्थियों 15:50

हे भईया हरौ, मैं जौ कैत आंव कि मांस और रकत परमेसुर के राज के अधकारी नईं हो सकत, और न नास होबेवारो अमरता कौ अधकारी हो सकत आय।

- पैली कुरिन्थियों 3:16

का तुम हां जौ पता नईंयां, कि तुम परमेसुर कौ मन्दर आव, और परमेसुर कौ आत्मा तुमाए भीतरै बसत आय।

- पैली कुरिन्थियों 5:1

इतै लौ सुनबे में आत आय, कि तुम में कुकर्म होत आय, ऐसो पाप जौन दूसरी जातवारन में लौ नईं होत, कि एक जनो अपने बाप की घरवारी हां राख लेत आय।

- पैली कुरिन्थियों 5:10

जौ नईं, कि तुम सबरेहार ई संसार के परतिरिया संगत करबेवारन की, लालची, या अन्धेर करबेवारे, मूर्ती पूजबेवारों की संगत न करो; कायसे ऐसे में तो तुम हां संसार में से कड़ जाने पड़तो।

- पैली कुरिन्थियों 5:11

मोरो कैबो जौ आय; कि जदि कोऊ बिसवासी कहाबे, और परतिरिया संगतवारो, लालची, मूरतन की पूजा करबेवारो, गाली देबेवारो, दारू पीबेवारो, या अंधेर करबेवारो होबै, तो ऊ की संगत न करियो; इते लौ कि ऐसे मान्स के संग्गै रोटी सोई न जेईयो।

- पैली कुरिन्थियों 6:10

भड़या, लालचवारे, दारू पीबेवारे, गाली देबेवारे, जबरंई करबेवारे परमेसुर के राज के बारस न हुईयें।

- पैली कुरिन्थियों 6:18

व्यभिचार से बरके रओ: जितेक और पाप मान्स करत आय, बे देयां के बायरें आंय, परन्त व्यभिचार करबेवारो अपनी ई देयां के बिरोद में पाप करत आय।

- पैली कुरिन्थियों 6:19

का तुम हां पता नईंयां, कि तुमाई देयां पवित्तर आत्मा कौ मन्दर आय; जौन तुम में बसो आय और तुम हां परमेसुर कुदाऊं से मिलो आय, और तुम अपने नईं आव?

- पैली कुरिन्थियों 9:24

काय तुम हां पता नईंयां, कि दौड़ में बिलात जनें दौड़त आंय, अकेले इनाम एकई को मिलत आय, तुम ऊंसई दौड़ो कि इनाम पा जाओ।

- दूसरी कुरिन्थियों 12:21

और मोरो परमेसुर कहूं मोहां फिन के तुम लौ आबै हों जोर देबे और मोहां फिन के बिलात जनों से दुख होबे, जीनें पेंला पाप करो हतो, और उन बुरए काज, परतिरिया संगत, और लुचपन से, जौन उन ने करे, मन न बदलो होबै।

- गलतियों 6:7

धोके में न रओ, परमेसुर को मजाक नईं करो, कायसे मान्स जो कछु बो है ओई काट है।

- कुलुस्सियों 3:5

सो अब अपनी देह की अभलाखा हां पूरो न करो, परतिरिया संगत करबे की अभलाखा और गन्दे काम, बुरय विचार, और दूसरन की बस्तन को लालच न करो, कायसे जे सब मूरत की पूजा जैसे आंय।

- इब्रानियों 12:14

सबरे जनों से मेल राखो, और साजे रओ ईके बिना तुम परमेसुर हां न तक पा हौ।

- इब्रानियों 12:16

एसव घांई बुरओ और अधरमी मान्स न कड़े, जीने तनक से भोजन के लाने अपनी आबेवारी आसीस हिरा दई।

- इब्रानियों 13:4

ब्याव हां आदर की बात सोचो, और ब्याव में अपनी संग्गी हां धोखो न दईयो; कायसे एक दिना परमेसुर परतिरिया संगत करबेवारन को न्याय कर हैं।

- याकूब 1:16

हे मोरे प्यारे भईया हरौ, धोखा न खाओ।

- 1 यूहन्‍ना 3:7

लड़को, कोऊ के भरमाबे की बातन में न अईयो; जौन मान्स धरम के काम करत आय, ओई उन जैसो धरमी आय।

- यूहन्‍ना के दरसन कौ खुलासा 21:8

परन्त जो डरपोकों, और बिसवास नईं करबेवारे, और मलिच्छ, और हत्यारे, और परतिरिया संगत करबेवारो, और टोना टोटका करबेवारो, और मूरत हां पूजबेवारो, और सब झूठ कौ भाग ऊ झील में मिल है, जो आग और गंधक से जलत रैत आय: जा दूसरी मौत आय।

- यूहन्‍ना के दरसन कौ खुलासा 22:15

परन्त कुत्ता, और टोना टोटका करबेवारे, परतिरिया संगत करबेवारे, हत्या करबेवारे, मूर्ती पूजा करबेवारे, और झूठ बोलबे की चाहना करबेवारे और झूट बनाबेवारे बायरें रै हैं।