- पैली कुरिन्थियों 5:11 - Bundeli Holy Bible

¹¹ मोरो कैबो जौ आय; कि जदि कोऊ बिसवासी कहाबे, और परतिरिया संगतवारो, लालची, मूरतन की पूजा करबेवारो, गाली देबेवारो, दारू पीबेवारो, या अंधेर करबेवारो होबै, तो ऊ की संगत न करियो; इते लौ कि ऐसे मान्स के संग्गै रोटी सोई न जेईयो।

- पैली कुरिन्थियों 5:11 ပူးပေါင်းရင်းမြစ်များ

- मत्ती 18:17

अगर बो उन की भी न माने, तो मण्डली से कै दे, अगर बो मण्डली की भी न सुने, तो बो तोरे लाने गैर जातियन और चुंगी लेबेवारन के घांई कहाओ।

- मत्ती 23:25

हे कपटी शास्त्रियो, और फरीसियो, तुम पे श्राप, तुम कटोरे और टाठियन हां बायरें से तो मांजत आव, पर भीतर से बे हर तरहां की बुराईयन और छल से भरे भए आंय।

- लूका 18:11

फरीसी ठांड़ो होकें अपने हिये में जौ बिन्तवाई करन लगो, कि हे परमेसुर मैं तोरो धन्नवाद करत आंव, कि मैं और मान्सन घांई अन्धेर करबेवारो, अन्यायी और परत्रिया भोगी नईंयां, और न ई चुंगी लेबेवारे के घांई आंव।

- लूका 21:34

यीशु ने आंगू कओ, ई लाने होसयार रओ, ऐसो न होबे कि तुमाए हिये उनीदे और मस्ती, और ई जीवन के सोस चिन्ताओं से सुस्त हो जाबें, और बो दिना तुम पे फन्दे के घांई एकाएक आन पड़े।

- प्रेरितन के काम 1:15

और उनई दिना में पतरस भईयन के संग्गै जौन एक सौ बीस के लगभग इकट्ठे जुड़े हते, ठांड़ो होकें कैन लगो।

- प्रेरितन के काम 9:17

तब हनन्याह उठ के ऊ घर में गओ, और ऊ पे अपनो हाथ धर के कओ, हे भाई शाऊ ल, पिरभु याने कि यीशु, जौन ऊ गैल में, जीसे तें आओ आय तोहां दिखाई दओ हतो, ओई ने मोय पठैओ आय, कि तें फिन के तकन लगै और पवित्तर आत्मा से भरपूर हो जाबै।

- रोमियों 13:13

जैसो दिन में सई लगत आय, ऊं सई हम सूदरी चाल चलें; न अपनी मनमौजीपन में, न परतिरिया भोग में, न दारूबाजी, न लुच्चपन में, न लड़ाई झगड़ा न डाह में।

- रोमियों 16:17

सो हे भईया हरौ, मैं तुम से बिन्तवाई करत आंव, कि जौन मान्स ऊ सीख के बिरुद्ध जौन तुम ने सीखी आय, फूट डालबे और ठोकर खिलाबे के काजें कछु करें, उन हां ताड़ लए करे; और उन से दूर रओ।

- पैली कुरिन्थियों 10:14

ई लाजें, हे मोरे प्यारो मूरत पूजा से बचे रओ।

- पैली कुरिन्थियों 11:21

कायसे खाबे की बेरा, एक दूजे से पैले अपनी बियारी कर लेत आय, और कोऊ तो भूखो रैत आय, और कोऊ मतवारो हो जात आय।

- पैली कुरिन्थियों 5:13

बायरेंवारन कौ न्याय परमेसुर करत आय: ई लाने ऊ कुकर्मी हां अपने बीच से काड़ दो।

- पैली कुरिन्थियों 6:10

भड़या, लालचवारे, दारू पीबेवारे, गाली देबेवारे, जबरंई करबेवारे परमेसुर के राज के बारस न हुईयें।

- पैली कुरिन्थियों 6:6

इते लौ कि भईयन भईयन के बीच न्याव होत आय, बो सोई दूसरी जातवारन के सामूं।

- पैली कुरिन्थियों 6:9

का तुम हां पता नईंयां, कि जौन न्याव बिलोरत आंय बे परमेसुर के राज में न जा पा हैं? ई धोखे में न रईयो, न बेश्या से संगतवारे, न मूर्ती पूजा करबेवारे, न दूसरे की तिरिया से संगत करबेवारे, न लुच्चे, न लुगुवा लुगुवा से संगत करबेवारे।

- पैली कुरिन्थियों 7:12

और जन से पिरभु नईं, अकेले मैं कैत आंव, कि कोऊ भईया की घरवारी बिसवास न धरत होबे, परन्त ऊके संग्गै रैबे हां राजी होबे, तो बो ऊहां न छोड़े।

- पैली कुरिन्थियों 7:15

कोऊ जनो जौन बिसवास न धरत होबे, तो छोड़ छुट्टी हो जान देओ, ऐसे में कोऊ भईया या बिन्नू हां कोऊ बन्धन नईंयां; परन्त परमेसुर ने हम हां मेल जोल हां टेरो आय।

- पैली कुरिन्थियों 8:11

ई परकार से तोरी समज के काजें बो कमजोर भईया जीके लाने मसीह मरो, नास हो जै है।

- गलतियों 2:12

कायसे याकूब लौ से कित्तई मान्सन के आबे के पेंला बो अन्य जातियन के संग्गै खात हतो, अकेले जब बे आए, तो खतनावारन के डर से उन से न्यारो हो गओ और बिचकन लगो।

- इफिसियों 5:18

और दाखन के रस पीके बेसुर्त न हो, कायसे ऐसे में बुरय काम होत आंय, पै आत्मा से भरत जाओ।

- इफिसियों 5:5

कायसे तुम हां पता आय, कि कोऊ परतिरिया संगत करबेवारो, कि गन्दो मान्स, और लोभी मान्स, जौन मूरतें पूजा करबेवारे जैसो आय, मसीह और परमेसुर के राज्य में हींसा न हुईये।

- कुलुस्सियों 3:5

सो अब अपनी देह की अभलाखा हां पूरो न करो, परतिरिया संगत करबे की अभलाखा और गन्दे काम, बुरय विचार, और दूसरन की बस्तन को लालच न करो, कायसे जे सब मूरत की पूजा जैसे आंय।

- 2 थिस्सलुनीकियों 3:14

कोऊ जनें हमाई चिठिया में लिखी बात न माने, तो उन पै खास नजर रखियो; और उनकी संगत न करियो, कि उन हां लाज आबे।

- 2 थिस्सलुनीकियों 3:6

भईया हरौ, हम पिरभू यीशु मसीह के नाओं से तुम हां अग्यां देत आंय; कि जो भईया बुरई चाल चले, और जौन सीख ऊ ने हम से पाई ऊहां नईं मानत, ऊसे बच के रओ।

- 1 तीमुथियुस 3:3

पीबेवारो और मारपीट करबेवारो न होबै; बात करबे में अच्छो, झगड़ा करबेवारो, और लोभ करबेवारो न होबै।

- 1 तीमुथियुस 6:5

और उन मान्सन में बेकार के झगड़ा पैदा होत आंय, जिन की मती बिगड़ गई आय और बे सत्य से अलग हो गए आंय, जो समझत आंय कि भक्ति कमाई कौ दोरो आय।

- 2 यूहन्‍ना 1:10

कोई तुम लौ आबै, और जा सीख न देबे, तो ऊहां अपने घर में न आन दईयो, और न नमस्कार करियो।

- यूहन्‍ना के दरसन कौ खुलासा 2:14

पर मोय तोसे कछु बातें कहने आय, कायसे तोरे इते कछु तो ऐसे आंय, जो बिलाम की शिक्षा को मानत आंय, जीने बालाक हां इस्राएली लोगन के सामूं ठोकर कौ कारन रखबो सिखाओ, कि मूरतन हां चढ़ाओ भओ भोजन खाबें, और व्यभिचार करें।

- यूहन्‍ना के दरसन कौ खुलासा 2:20

पर मोय तोसे जौ कहने आय, कि तें ऊ बईयर इजेबेल हां अपने बीच रैन देत आय जौन अपने हां आगमवक्तनी कैत आय, और तोरे मान्सन हां सिखात आय कि सब बुरय काम करो, और मूरतन के सामूं चढ़ाओ भओ भोजन खाओ ऐसो कै के उनहां बिलोरत आय।

- यूहन्‍ना के दरसन कौ खुलासा 21:8

परन्त जो डरपोकों, और बिसवास नईं करबेवारे, और मलिच्छ, और हत्यारे, और परतिरिया संगत करबेवारो, और टोना टोटका करबेवारो, और मूरत हां पूजबेवारो, और सब झूठ कौ भाग ऊ झील में मिल है, जो आग और गंधक से जलत रैत आय: जा दूसरी मौत आय।

- यूहन्‍ना के दरसन कौ खुलासा 22:15

परन्त कुत्ता, और टोना टोटका करबेवारे, परतिरिया संगत करबेवारे, हत्या करबेवारे, मूर्ती पूजा करबेवारे, और झूठ बोलबे की चाहना करबेवारे और झूट बनाबेवारे बायरें रै हैं।