- पैली कुरिन्थियों 5:1 - Bundeli Holy Bible

¹ इतै लौ सुनबे में आत आय, कि तुम में कुकर्म होत आय, ऐसो पाप जौन दूसरी जातवारन में लौ नईं होत, कि एक जनो अपने बाप की घरवारी हां राख लेत आय।

- पैली कुरिन्थियों 5:1 ပူးပေါင်းရင်းမြစ်များ

- उत्पत्ति 35:22

जब इस्राएल ऊ देस में बसो हतो, तब एक दिना एैसो भओ कि रूबेन ने जाकें अपने बाप की रखैल बिल्‍हा के संगै सो गओ; और जा बात इस्राएल हों पता पड़ गई। याकूब के बारह मोंड़ा भए।

- उत्पत्ति 37:2

याकूब के बंस कौ जौई आय: यूसुफ सत्रह साल कौ होकें अपने भईयों के संगै गाड़र-छिरियों हों चरात हतो; और ऊ मोंड़ा अपने बाप की बईयर बिल्‍हा और जिल्‍पा के मोंड़ों संगै रैत हतो; और उनके बुरए कामों कौ संदेसो अपने बाप लौ पोंचात रैत हतो।

- उत्पत्ति 49:4

तें जो पानूं के जैसो बे-लगाम आय, ई लाने दूसरों सें अच्‍छो नें ठैरहै; कायसे तें अपने बाप की खटिया पै चढ़ो, तब तेंने ऊहों असुद्ध करो; ऊ मोरे बिछौने पै चढ़ गओ।

- पैलो इतिहास 5:1

इस्राएल कौ जैठा तौ रूबेन हतो, परन्‍त ऊने अपने बाप के बिछौने हों असुद्ध करो, ईसें जेठे कौ अधकार इस्राएल के मोंड़ा यूसुफ के मोंड़ों हों दओ गओ। बंसावली जेठे के अधकार के अनसार नें ठैरी।

- प्रेरितन के काम 15:20

पर उनहां लिख के पठैय, कि बे मूरतन की असुद्धता और दुराचार और गला घोंटे भए पसुअन के मांस से और खून से बचे रएं।

- प्रेरितन के काम 15:29

की तुम मूरतन पे बलि चढ़ाई भई बस्तन से, खून से, गलो घोंटे गए मास से, और दुराचार से बचे रै हौ; इन से बचे रओ तो तुमाओ भलो हुईये, बाकी शुभ।

- पैली कुरिन्थियों 1:11

कायसे भईया हरौ, मोहां खलोए के घरवारन ने तुमाए बारे में जौ बताओ आय, कि तुम में आपस में न्याव होत आय।

- पैली कुरिन्थियों 5:11

मोरो कैबो जौ आय; कि जदि कोऊ बिसवासी कहाबे, और परतिरिया संगतवारो, लालची, मूरतन की पूजा करबेवारो, गाली देबेवारो, दारू पीबेवारो, या अंधेर करबेवारो होबै, तो ऊ की संगत न करियो; इते लौ कि ऐसे मान्स के संग्गै रोटी सोई न जेईयो।

- पैली कुरिन्थियों 6:13

भोजन पेट के लाने और पेट भोजन के लाने आय, परन्त परमेसुर ईहां और ऊहां दोईयन हां नास कर है, परन्त देयां बुरए काम हां नईं, परन्त पिरभु के लाने आय; और पिरभु देयां के लाने आय।

- पैली कुरिन्थियों 6:18

व्यभिचार से बरके रओ: जितेक और पाप मान्स करत आय, बे देयां के बायरें आंय, परन्त व्यभिचार करबेवारो अपनी ई देयां के बिरोद में पाप करत आय।

- पैली कुरिन्थियों 6:9

का तुम हां पता नईंयां, कि जौन न्याव बिलोरत आंय बे परमेसुर के राज में न जा पा हैं? ई धोखे में न रईयो, न बेश्या से संगतवारे, न मूर्ती पूजा करबेवारे, न दूसरे की तिरिया से संगत करबेवारे, न लुच्चे, न लुगुवा लुगुवा से संगत करबेवारे।

- दूसरी कुरिन्थियों 12:21

और मोरो परमेसुर कहूं मोहां फिन के तुम लौ आबै हों जोर देबे और मोहां फिन के बिलात जनों से दुख होबे, जीनें पेंला पाप करो हतो, और उन बुरए काज, परतिरिया संगत, और लुचपन से, जौन उन ने करे, मन न बदलो होबै।

- दूसरी कुरिन्थियों 2:5

और कोऊ ने मोरो जी टोड़ो आय, तो मोहां अकेले नईं (कि उनके संग्गै कर्रो न पड़ों) तुम सबरन को कछु कछु जी टोड़ो आय।

- दूसरी कुरिन्थियों 7:12

फिन जौन मैंने तुम हां लिखो, ईसे नईं कि कोऊ से अन्याय करो, और न ऊके कारन जी पे अन्याय करो गओ, अकेले तुमाओ मन जौन हम पै आय, बो परमेसुर के सामूं तुम हां पता पड़ जाबे।

- गलतियों 5:19

मन के काज ऐसे आंय, जैसे परतिरिया संगत, गन्दे काम, लुच्चाई।

- इफिसियों 5:3

जैसा पवित्तर मान्सन के लेखे अच्छो आय, तुम में परतिरिया संगत न होबे, और कोऊ गन्दो काम, और लोभ की बातें लौ न करो।

- कुलुस्सियों 3:5

सो अब अपनी देह की अभलाखा हां पूरो न करो, परतिरिया संगत करबे की अभलाखा और गन्दे काम, बुरय विचार, और दूसरन की बस्तन को लालच न करो, कायसे जे सब मूरत की पूजा जैसे आंय।

- 1 थिस्सलुनीकियों 4:7

कायसे परमेसुर जौ चाहत आय, हम बुरय काम न करें परन्त साजे बने रैबें।

- यूहन्‍ना के दरसन कौ खुलासा 2:21

मैने ऊहां अपने पापन हां छोड़ के अच्छे काज करबे कौ मौका दओ, परन्त बा अपने बुरय कामन हां नईं छोड़त।

- यूहन्‍ना के दरसन कौ खुलासा 21:8

परन्त जो डरपोकों, और बिसवास नईं करबेवारे, और मलिच्छ, और हत्यारे, और परतिरिया संगत करबेवारो, और टोना टोटका करबेवारो, और मूरत हां पूजबेवारो, और सब झूठ कौ भाग ऊ झील में मिल है, जो आग और गंधक से जलत रैत आय: जा दूसरी मौत आय।