- पैली कुरिन्थियों 4:7 - Bundeli Holy Bible

⁷ कायसे एक दूसरे में को अन्तर कर सकत आय? और तोरे ऐंगर का आए जौन तेंने दूसरे से न पाओ होबै: और जब तेंने दूसरे से पाओ आय, तो ऐसो घमण्ड काय करत आय, कि मानो नईं पाओ?

- पैली कुरिन्थियों 4:7 ပူးပေါင်းရင်းမြစ်များ

- लूका 19:13

सो ऊने अपने दस चाकर बुला के उन हां दस मोहरें दईं, और उन से कओ, मोरे लौट आबे लौ लेन देन करियो।

- यूहन्‍ना 1:16

कायसे ऊ की भरपूरी में से हम सबई ने पाओ यानि भारी दया।

- यूहन्‍ना 3:27

यूहन्ना ने जबाव देत भय कई, जब लौ कोऊ मान्स हां सरग से न दओ जाबै, तब लौ बो कछु भी पा नईं सकत।

- रोमियों 1:5

ओई से हम हां दया और भले सन्देस प्रचार करबे मिलो; कि ऊके नाओं से सबरी जातन के मान्स बिसवास कर के ऊ की मानें।

- रोमियों 12:3

कायसे मैं ऊ दया किरपा के काजें जौन मोय पै भई आय, तुम सबरन से कैत आंव, कि जैसो समजो चईये, ऊसे बढ़ के कोई अपने हां न समजे परन्त जैसो परमेसुर ने सबई हां योग्यता अनसार बिसवास दओ आय, ऊंसई सई सोच बिचार के संग्गै अपने हां समजे।

- रोमियों 12:6

और जब ऊ दया किरपा के अनसार जौन हम हां दओ गओ आय, हम हां अलग अलग बरदान मिले आंय, तो जीहां अगमवानी कौ दान मिलो होबै, बो बिसवास से ऊके अनसार अगमवानी करे।

- पैली कुरिन्थियों 15:10

परन्त मैं जो कछु आंव, परमेसुर की दया से आंव: और उनकी जौन दया मो पे भई आय, बा अकारथ नईं गई; परन्त मैंने उन सबरन से बढ़के मैनत सोई करी: जानो कि जौ मोरी कुदाऊं से नईं भओ परन्त परमेसुर की दया से जौन मो पे हती।

- पैली कुरिन्थियों 3:5

अपुल्लोस का और पौलुस का आंय? बस चाकर, जिनके द्वारा तुम ने बिसवास करो, जैसो हर एक हां पिरभु ने दओ।

- पैली कुरिन्थियों 5:6

तुमाओ बड़ो बोल बोलवो साजो नईंयां: का तुम हां जौ पता नईयां, कि तनक से खमीर से पूरो मड़ो भओ चून खमीर हो जात आय।

- पैली कुरिन्थियों 7:7

मैं जौ चाहत आंव, कि जैसो मैं आंव, ऊंसई सबरे मान्स होबें; परन्त सबरन हां परमेसुर कुदाऊं से न्यारे न्यारे बरदान मिले आंय; कोऊहां कोऊ भांत कौ, और कोऊहां और कोऊ भांत कौ।

- याकूब 1:17

हर एक साजो बरदान और हर एक साजे से साजे बरदान ऊ परै से आंय, और उजयारे के बाप कुदाऊं से मिलत आय, जौन न तो कभऊं बदलत आय, और न छाया के जैसो बदलबे वारो आय।

- 1 पतरस 4:10

जीहां जौन वरदान मिलो आय, बो ऊ ए परमेसुर के कैऊ भांत के अनुग्रह के साजे भण्डारी घांई दूसरन की सेवा में लगाबें।