- पैली कुरिन्थियों 4:6 - Bundeli Holy Bible

⁶ हे भईया हरौ, मैंने इन बातन में अपनी और अपुल्लोस की कनौत सी कई, कि तुम हम से जौ सीखो, कि जैसो लिखो आय ऊसे आंगू न बढ़ियो, एक हां बड़ो और दूसरे हां ओछो न जानियो।

- पैली कुरिन्थियों 4:6 ပူးပေါင်းရင်းမြစ်များ

- प्रेरितन के काम 18:24

अपुल्लोस नाओं कौ एक यहूदी जीको जनम सिकन्दरिया में भओ हतो, जौन बोलबे में होसियार और पवित्रशास्त्र कौ जानकार हतो, इफिसुस में आओ।

- प्रेरितन के काम 19:1

ऐसो भओ की जब अपुल्लोस कुरिन्थुस में हतो, तो पौलुस ऊ परै के प्रदेशन से होत भओ इफिसुस में पोंचो, और उते पे ऊहां कछु चेले मिले।

- रोमियों 12:3

कायसे मैं ऊ दया किरपा के काजें जौन मोय पै भई आय, तुम सबरन से कैत आंव, कि जैसो समजो चईये, ऊसे बढ़ के कोई अपने हां न समजे परन्त जैसो परमेसुर ने सबई हां योग्यता अनसार बिसवास दओ आय, ऊंसई सई सोच बिचार के संग्गै अपने हां समजे।

- पैली कुरिन्थियों 1:12

मोरो कैबो जौ आय, कि तुम में से कोऊ तो अपने आप हां पौलुस कौ, कोऊ अपुल्लोस कौ, कोऊ कैफा कौ, कोऊ मसीह कौ कैत आय।

- पैली कुरिन्थियों 1:19

कयसे लिखो आय, कि मैं बड़ी समाजवारे जनन की समज हां नास कर दै हों, और ज्ञानी जनन के ज्ञान हां मिटा डाल हों।

- पैली कुरिन्थियों 1:31

जीसे जैसो लिखो आय, ऊंसई होबे, कि जौन घमण्ड करे बो पिरभु में घमण्ड करे।

- पैली कुरिन्थियों 13:4

प्रेम धीरज धरत आय, दया करबेवारो आय; प्रेम बैर की गांठ नईं बाधें रैत; प्रेम अपनी बड़वाई नईं करत, और घमण्ड में नईं बनो रैत।

- पैली कुरिन्थियों 3:19

कायसे ई संसार कौ ज्ञान परमेसुर के सामूं मूरखपन आय, जैसो लिखो आय; कि बो ज्ञानियन हां उनईं की चतुराई में फंसा देत आय।

- पैली कुरिन्थियों 3:21

ई लाने मान्सन पे कोऊ घमण्ड न करे, कायसे सबई कछु तुमाओ आय।

- पैली कुरिन्थियों 5:2

तुम हां ई पाप से सरम लौ नईं आत, कि ऐसे काज के करबेवारे हां अपने बीच से काड़ बायरें करो, पर तुम तो मूड़ ऊंचो कर के निगत आव।

- पैली कुरिन्थियों 5:6

तुमाओ बड़ो बोल बोलवो साजो नईंयां: का तुम हां जौ पता नईयां, कि तनक से खमीर से पूरो मड़ो भओ चून खमीर हो जात आय।

- पैली कुरिन्थियों 8:1

अब मूरतों के सामूं बलि करी भई बस्तों के बारे में - हम जानत आंय, कि हम सबई हां ज्ञान आय: ज्ञान घमण्ड पैदा करत आय, परन्त प्रेम से बढ़ती होत आय।

- पैली कुरिन्थियों 9:23

मैं सब कछु भले सन्देसे के लाने करत आंव, कि मैं दूसरन कौ संग्गी बन जाओं।

- दूसरी कुरिन्थियों 10:12

हमाई जा हिम्मत नईंयां कि हम अपने हां उनके संग्गै गिनें, कि अपनो मिलान उनसे करें, जौन अपनी बड़बाई करत, और एक दूसरे से अपनो मिलान करके मूरख बनत आंय।

- दूसरी कुरिन्थियों 10:15

और हम हद्द से बाहर दूसरन के कामन पै बड़वाई नईं करत; अकेले हम हां जौ पता आय, कि जैसे जैसे तुमाओ बिसवास बढ़ है तो हम सोई अपनी हद्द से तुमाए कारण और बढत जै हैं।

- दूसरी कुरिन्थियों 10:7

तुम इनई बातन हां हेरत आव, जौन आंखन के सामूं आंय, कोई हां भरोसा होबे कि बो मसीह को आय, तो ऊहां जौ सोई पता होबे, कि जैसो बो मसीह कौ आय, ऊंसई हम सोई आंय।

- दूसरी कुरिन्थियों 11:4

कोऊ तुम लौ आके, कोऊ दूसरे यीशु को परचार करे, जी को परचार हम ने नईं करो: कि और कोई आत्मा तुम हां मिले; जौन पेंला नईं मिली; और कोई बचन जीऐ पेंला तुम ने नईं मानो, तो तुमाओ सैबो नोंनो रैतो।

- दूसरी कुरिन्थियों 12:19

तुम अब लौ समझत हुईयो के हम तुमाए सामूं जबाव दे रए आंय, हम परमेसुर हां सामूं जान के मसीह में बोलत आंय, और भईया हरौ, जे सबरी बातें तुमाए बढ़बे के काजें कैत आंय।

- दूसरी कुरिन्थियों 12:20

कायसे मोहां डर आय, कहूं ऐसो न होबे, कि मैं आके जैसो चाहत आंव, और जैसो तुम हां नईंर् चाहत ऊंसई पाओं; और मोय सोई जैसो तुम नईं चाहत वैसो पाओ, कि तुमाए भीतरै लड़ाई, बैर, गुस्‍सा करबो, दूसरन को बिरोध, जलन, चुगली करबो, अभमान और बखेड़े होबें।

- दूसरी कुरिन्थियों 12:6

कायसे मैं बड़बाई करबो चाहों तो भी मूरख नईं कहा हों, कायसे सांची बोल हों; पै तनक थम जात हों, ऐसो न होबै, मानो कोऊ मोहां तकत होबे, और मोहां सुनत होबे, मोहां ऊसे बड़ो समझे।

- दूसरी कुरिन्थियों 4:15

कायसे सबरी बस्तें तुमाए लाने आंय, कि दया जौन बिलात जनों से होकें परमेसुर के मान के काजें धन्न सोई कहाबे।

- कुलुस्सियों 2:18

उन से धोका न खाईयो जौन ऐसे दिखात आंय कि बड़े कोंरे मन के आंय, जौन सरगदूतन की पूजा करत आंय परन्त तुम हां ऊ इनाम से जौन तुम हां मिलो चईये ऊ में बिलोरा डालत आंय। ऐसो मान्स बेसमझी की बातें करत आय और स्वारथी आय।

- 1 थिस्सलुनीकियों 1:5

कायसे जब हम ने तुम हां बचन सुनाओ तो बो पवित्तर आत्मा के जोर में और पक्के बिसवास से हतो, और तुम हां पता आय कि हम कैसे तुमाए बीच रए।

- 2 तीमुथियुस 2:10

मैं बिसवास धरबेवारन के लाने सब सह रओ कि बे यीशु मसीह में तरन तारन पाबें।