- पैली कुरिन्थियों 4:5 - Bundeli Holy Bible

⁵ सो जब लौ पिरभु न आबै, बेरा से पेंला कोऊ बात कौ न्याय न करो: ओई तो अंधयारे की लुकी बातें उजारे में दिखा है, और हियों के सोचों हां उजागर कर है, तब परमेसुर कुदाऊं से सबरन की बड़वाई हुईये।

- पैली कुरिन्थियों 4:5 ပူးပေါင်းရင်းမြစ်များ

- मत्ती 10:26

ई लाने उन से न डरियो, कायसे कछु ढको नईंयां, जौन उगारो न जै है; और न कछु लुको आय, जौन जानो न जै है।

- मत्ती 24:30

तब मान्स के पूत की चिन्हार आकास में दिखाई दै है, और धरती की सब जातन के लोग छाती पीट हैं; और लोगबाग मान्स के पूत हां बड़े ठाठ बाट और बल के संग्गै आकास के बादरन पे आत हेर हैं।

- मत्ती 24:46

धन्य आय, बो चाकर, जीकौ मालक आके ऊहां ऐसो ही करत पाबै।

- मत्ती 25:21

ऊके मालक ने ऊसे कई, हे भले और भरोसेमन्द चाकर, तें तनक में भरोसेमन्द रओ; मैं तोय बिलात बस्तन कौ हाकिम बना हों अपने मालक की खुसी में सामिल हो।

- मत्ती 25:23

ऊके मालक ने ऊसे कई, हे भले और भरोसेमन्द चाकर, तें तनक में भरोसेमन्द रओ; मैं तोय बिलात बस्तन कौ हाकिम बना हों अपने मालक की खुसी में सामिल हो।

- लूका 6:37

लांछन न लगाओ; तो तुम पे सोई लांछन न लगाओ जै है: अपराधी न ठैराओ, तो तुम सोई अपराधी न ठैराए जै हौ: छिमा करो, तो तुम हां सोई छिमा करो जै है।

- यूहन्‍ना 21:22

यीशु ने पतरस से कई, अगर मैं चाहों कि बो मोरे आबे लों ठहरो रए, तो तोय ईसे का? तें मोरे पांछे हो ले।

- यूहन्‍ना 21:23

ई लाने भाईयन में जा बात फैल गईं, कि बो चेला नईं मर है; पर यीशु ने ऊसे जा नईं कई, कि बो नईं मर है, पर ऐसो कि अगर मैं चाहों कि बो मोरे आबे लों जीयत रए, तो तोय ईसे का?

- यूहन्‍ना 5:44

तुम कैसे भरोसा कर सकत आव, जब कि तुम खुद एक दूसरे से मान चाहत आव, और जौन मान अद्वैत परमेसुर की कोद से आय, ऊहां पाबो नईं चाहत?

- रोमियों 14:4

तें को आय कि दूसरे के चाकर पे लांछन लगात आय? ऊकौ पक्को रैबो या गिर जाबो ऊके मालक से जुड़ो आय, और बो पक्को कर ही दओ जै है; कायसे पिरभु ऊ ए पक्को राख सकत आय।

- रोमियों 2:1

सो अब हे लांछन लगाबेवारे, तें कोनऊ काय न होबै; तो लौ कछु उत्तर नईयां! कायसे जौन बात में तें दूसरन पे लांछन लगात आय, ओई बात में अपने हां भी दोषी ठहरात आय, कायसे जैसो लांछन तें लगात आय, तें सोई ऊंसई काम करत आय।

- रोमियों 2:16

जौन दिना परमेसुर, मोरे भले सन्देसे के अनसार, पिरभु यीशु मसीह के द्वारा मान्सन की लुकी भई बातन कौ न्याय कर है।

- रोमियों 2:29

पर यहूदी ओई आय, जौन हिए से आय; और खतना ओई आय, जौन हिए और आत्मा कौ आय; लिखे से बात नईं बनत: ऐसन की बड़वाई मान्सन कुदाऊं से नईं, परन्त परमेसुर कुदाऊं से होत आय।

- रोमियों 2:7

जौन साजे काम कर के मईमा, और आदर, और अमरता की खोज में आंय, उन हां बो अनन्त जीवन दै है।

- पैली कुरिन्थियों 1:7

इते लौ कि आत्मा के सबरे बरदान तुम में आंय और कछु कमीं नईंयां, और तुम हमाए पिरभु यीशु मसीह के उजागर होबे की बाट बड़ी लालसा से तकत रैत आव।

- पैली कुरिन्थियों 11:16

परन्त जदि कोई बात बतकाओ करो चाए, तो बो जौ जान लैबे कि हमाई और न परमेसुर की मण्डली की ऐसी रीत आय।

- पैली कुरिन्थियों 11:26

कायसे जब कभऊं तुम जा रोटी खात, और ई कटोरा में से पियत आव, तो पिरभु की मौत हां जब लौ बो न आबै, परचार करत आव।

- पैली कुरिन्थियों 15:23

परन्त सबई कोई अपनी अपनी बेरा पे; पैलो फल मसीह; फिन मसीह के आबे पे उनके जनें।

- पैली कुरिन्थियों 3:13

तो सबरे जन कौ काम उजागर हो जै है, कायसे ऊ दिना पता पड़ है; और बो आगी से उजागर हुईये: और आगी ई सबरे मान्सन कौ काम परख है।

- पैली कुरिन्थियों 3:14

जी की चुनाई कौ काम ऊ पै बनो रै है, बो मजूरी पा है।

- पैली कुरिन्थियों 3:8

लगाबेवारो और ढारबेवारो दोनऊं एक आंय; परन्त हर एक जैसी मैनत कर हैं ऊंसई मजूरी पा हैं।

- दूसरी कुरिन्थियों 10:18

कायसे जौन अपनी बड़वाई करत आय, बो नईं, अकेले पिरभू जी की बड़वाई करे, ऊ ग्रहण करो जात आय।

- दूसरी कुरिन्थियों 10:9

जौ ईसे कैत आंव, कि कोऊ जा न कै लेबे की चिठियन से तुम हां डरात आंव।

- दूसरी कुरिन्थियों 4:2

और हम ने बुरय कामन हां छोड़ दओ आय, और बनके नईं चलत, और न परमेसुर के बचन में कछु मिलात आंय, अकेले सांची बातें उजागर करत आंय, और परमेसुर हां जानत भए सबरन के हिये पै अपनी बात बैठा देत आंय।

- दूसरी कुरिन्थियों 5:10

कायसे हम सबरन की सबरी बातें मसीह जब न्याय करबे बैठ हैं तो खुल जै हैं, एक एक जनें अपने भले और बुरय कामन को इनाम जौन संसार में रैत करे आंय पाबें।

- 1 थिस्सलुनीकियों 5:2

कायसे तुम हां खुद पता आय कि जैसे भड़या रात के अंधयारे में आत आय, ऊं सई पिरभू के आबे को दिना हुईये।

- इब्रानियों 4:13

कछु भी परमेसुर से लुको छिपो नईंयां बे सब जानत आंय, और उनकी आंखन से कछु नईं बरको आय।

- याकूब 4:11

हे भईया हरौ, एक दूजे पे दोस न मढ़ो, जौन अपने भाईया की बदनामी करत आय, ऊ भाई पे दोष मढ़त आय, बो कानून धरम पे दोस लगात आय; और जदि तें कानून धरम पे दोस लगात आय, तो तें कानून धरम पे चलबेवारो नईंयां, पर ऊ पे हाकम ठैरो।

- याकूब 5:7

ई लाने हे भईया हरौ, पिरभु के आबे के दिना लौ धीरज धरो, तको, किसान धरती से फसल की आस धरत है, पैली और अखीरी पानू बरसबे लौ धीरज धरत आय।

- याकूब 5:9

हे भईया हरौ, एक दूजे पे लांछन न लगाओ जीसे तुम पे कोऊ लांछन न लगाए, तको, हाकम दोरे पे ठांड़ो आय।

- 1 पतरस 1:7

जौ ई लाने आय कि तुमाओ परखो भओ बिसवास, जौन आग से तपाए भए नास होबेवारे सोने से सोई कछु बिलात मोल कौ आय, यीशु मसीह के उजागर होबे पे बड़वाई, मईमां और आदर कौ काज ठैरे।

- 1 पतरस 5:4

जब परधान रखवारो आ है, तब तुम हां मईमा कौ मुकट दओ जै है, जौन कभऊं नास न हुईये।

- 2 पतरस 3:12

परमेसुर के ऊ दिना की बाट तक के ऊके झट्टईं आबे के लाने कैसी कोसिस करो चईये? ऊ दिना आकास आगी से जल के नास हो जै है, और चीजें बस्तें बिलात तांती होकें पिघल जें हैं।

- 2 पतरस 3:4

बे कै हैं, कि ऊके आबे कौ कौल कां गओ? कायसे जब से हमाए पुरखा मर गए, सबई कछु ऊं सई आय, जैसो संसार के शुरू से हतो?

- यहूदा 1:14

और हनोक ने जो आदम से सांती पुस्त में हतो, इन जनन के लाने ऐसो कओ, कि तकौ, पिरभु यीशु मसीह अपने पवित्तर करे मान्सन के संग्गै आ है।

- यूहन्‍ना के दरसन कौ खुलासा 1:7

तको, ऊ बादरन के संग्गै आबेवारे आय; और सबरे जनें उन हां तक हैं, और जिन ने उन हां पसुरिया में चाक दओ हतो, बे भी उन हां तक हैं, और संसार के सबरे कुल उन के कारन छाती पीट हैं। हओ। आमीन।

- यूहन्‍ना के दरसन कौ खुलासा 20:12

फिन मैंने लौरे जेठे सब जनें हां मरे भए हां सिंहासन के सामूं ठांड़ो तको, और पोथी खोली गईं; और फिन एक और पोथी खोली गई, जानो जीवन की पोथी; और जैसो उन पोथियन में लिखो भओ हतो, उन के काजन अनसार मरे भयन कौ न्याव करो गओ।