- पैली कुरिन्थियों 3:5 - Bundeli Holy Bible

⁵ अपुल्लोस का और पौलुस का आंय? बस चाकर, जिनके द्वारा तुम ने बिसवास करो, जैसो हर एक हां पिरभु ने दओ।

- पैली कुरिन्थियों 3:5 ပူးပေါင်းရင်းမြစ်များ

- मत्ती 25:15

ऊने एक हां पांच रुपईया, दूसरे हां दो, और तीसरे हां एक; यानि हर एक हां ऊकी हैसियत के जैसो दओ, और तब परदेस हां चलो गओ।

- लूका 1:2

जैसो कि उन ने जौन पेंलई से इन बातन के तकबेवारे और बचन के सेवक हते हम तक पोंचाओ।

- यूहन्‍ना 3:27

यूहन्ना ने जबाव देत भय कई, जब लौ कोऊ मान्स हां सरग से न दओ जाबै, तब लौ बो कछु भी पा नईं सकत।

- प्रेरितन के काम 18:24

अपुल्लोस नाओं कौ एक यहूदी जीको जनम सिकन्दरिया में भओ हतो, जौन बोलबे में होसियार और पवित्रशास्त्र कौ जानकार हतो, इफिसुस में आओ।

- प्रेरितन के काम 19:1

ऐसो भओ की जब अपुल्लोस कुरिन्थुस में हतो, तो पौलुस ऊ परै के प्रदेशन से होत भओ इफिसुस में पोंचो, और उते पे ऊहां कछु चेले मिले।

- रोमियों 15:16

कि मैं दूसरी जातवारन के लाने मसीह यीशु कौ चाकर होकें परमेसुर के भले सन्देसे की सेवा याजक घांई करों; जीसे दूसरी जातवारन कौ मानो दओ जाबो, पवित्तर आत्मा से पवित्तर बनके अपनाओ जाबे।

- पैली कुरिन्थियों 12:28

और परमेसुर ने मण्डली में अलग अलग मान्स राखे आंय; पेंला प्रेरित, दूजे अगमवकता, फिन गुरूजन, फिन अचरज के काम करबेवारे, फिन साजो करबेवारे, और भलाई करबेवारे, और मुखिया, और बिलात भांत की भाषा बोलबेवारे।

- पैली कुरिन्थियों 16:12

और अप्पुल्लोस भईया से मैंने बिलात बिन्तवाई करी आय, कि बो तुमाए ऐंगर भाईयन के संग्गै जाबै; परन्त ऊ ने ई बेर जाबे हां कछु लौ अभलाखा न करी, परन्त जब मौका हुईये तब आ जै है।

- पैली कुरिन्थियों 3:10

परमेसुर की ऊ किरपा से, जौन मो पे भई, मैंने एक साजे कारीगर घांई नीं डाली आय, और दूसरो जनो चुनाई करत आय; परन्त हर एक मान्स हुंसयार रैबै, कि बो ऊ पे कैसी चुनाई करत आय।

- पैली कुरिन्थियों 3:22

का पौलुस, का अपुल्लोस, का कैफा, का संसार, का जीवन, का मरबो, का आज, का आबेवारो कल, सबई कछु तुमाओ आय।

- पैली कुरिन्थियों 3:7

ई लाने न तो रोपबेवारो कछु आय, और न ढारबेवारो, परन्त परमेसुर जौन बढ़ाबेवारो आय।

- पैली कुरिन्थियों 9:17

कायसे जदि अपनी मन्सा से जौ करत आंव, तो मजूरी मोहां मिलत आय, और जदि अपनी मन्सा से नईं करत, फिन भी जिम्मेदारी मोहां दई गई आय।

- दूसरी कुरिन्थियों 11:23

(मैं पगला घांई कैत आंव) मैं उनसे बढ़के आंव! बिलात मैनत करे में; बेर बेर जेहल जाबे में; कोड़ा घले में; बेर बेर मरत मरत बचो।

- दूसरी कुरिन्थियों 3:3

जौ सबरन हां पता आय, तुम मसीह की मानो चिठिया आओ, जीहां हम ने चाकर घांई लिखो आय; जा स्याही से नईं, अकेले जीयत परमेसुर की आत्मा से पथरन की पटिया में नईं, हिये की मांसवारी तखती में लिखो आय।

- दूसरी कुरिन्थियों 3:6

जिन ने हम हां नये नियम के चाकर लाक बनाओ, अक्षरन के चाकर नईं केबल आत्मा के चाकर; कायसे अक्षर तो मारत आय, पे आत्मा जिलात आय।

- दूसरी कुरिन्थियों 4:1

सो जब हम पै ऐसी दया भई, कि ऐसो काज हम हां मिलो, तो हम हिम्मत नईं हारत।

- दूसरी कुरिन्थियों 4:5

कायसे हम अपने नईं, अकेले हम पिरभू यीशु को परचार करत आंय, कि बो पिरभू आय; अपने लाने तो हम कैत आंय, कि यीशु के कारण मानो तुमाए चाकर आंय।

- दूसरी कुरिन्थियों 4:7

अकेले हमाए लौ जा पूंजी माटी के घैलों में धरी आय, जौ बल हमाओ नईंया, परन्त परमेसुर को दओ आय।

- दूसरी कुरिन्थियों 5:18

सबरी बातें परमेसुर कुदाऊं से आंय, जीनें मसीह में होकें हमसे मेल कर लओ, और परमेसुर के संग्गै मान्स जुड़ जाबें जौ काज हम हां दओ।

- दूसरी कुरिन्थियों 6:1

हम जौन उनके संग्गै काम करत आंय ऐसो समझात आंय, कि परमेसुर ने जौन दया तुमाए ऊ परै करी आय, ऊहां ऐसई न जानो।

- दूसरी कुरिन्थियों 6:4

अकेले एक एक बात में परमेसुर के चाकर जैसो अपनो अच्छो जीवन जीयत आंय, बड़े धीरज से, पिराते में, कंगाली में, परेसानी में।

- इफिसियों 3:7

और मैं, परमेसुर की दया से मिले दान के, और उनकी जान के बल से मोहां मिलो, और उन बचनन को सुनाबेवारो बनो।

- कुलुस्सियों 1:23

सो तुम अपने बिसवास जौन तुम ने करो आय ऊ में पक्के बने रओ, और सुसमाचार सुने पै जौन आस तुमाई बढ़ी हती, जी को परचार ई संसार में भओ; जीहां मैं पौलुस ने तुम हां सुनाओ।

- कुलुस्सियों 1:25

परमेसुर की मन्सा से मोहां उनकी कलीसिया को काम करबेवारो धरो, और मोहां तुम लौ पठैओ, कि मैं तुम हां उनको पूरो ज्ञान बताओं।

- 1 तीमुथियुस 1:12

मैं अपने प्रभु यीशु मसीह को, धन्न मानत आंव जीने मोहां ऐसो बल दओ; कि उन ने मोपै बिसवास करके अपनी सेवा के लाने धरो।

- 1 पतरस 4:10

जीहां जौन वरदान मिलो आय, बो ऊ ए परमेसुर के कैऊ भांत के अनुग्रह के साजे भण्डारी घांई दूसरन की सेवा में लगाबें।