- पैली कुरिन्थियों 3:16 - Bundeli Holy Bible

¹⁶ का तुम हां जौ पता नईंयां, कि तुम परमेसुर कौ मन्दर आव, और परमेसुर कौ आत्मा तुमाए भीतरै बसत आय।

- पैली कुरिन्थियों 3:16 ပူးပေါင်းရင်းမြစ်များ

- यूहन्‍ना 14:17

यानि सत्य कौ आत्मा, जीहां संसार ग्रहण नईं कर सकत, कायसे बो ऊहां नईं देखत आय और न चीनत आय: तुम ऊहां चीनत आव, कायसे बो तुमाए संग्गै रहत आय, और बो तुमाए भीतरे हुईये।

- रोमियों 6:16

का तुम नईं जानत, जीकौ हुकम मानबे हां तुम अपने आप हां चाकर घांई सौंप देत आव, ओई के चाकर आव: और जी की मानत आव, चाए पाप के, जीसे मौत मिलत आय, चाए हुकम मानबे से, जीकौ अन्त धार्मिकता आय।

- रोमियों 6:3

का तुम नईं जानत, कि हम सब जिन ने मसीह यीशु कौ बपतिस्मा लओ, तो ऊ की मौत कौ बपतिस्मा लओ?

- रोमियों 8:11

जदि ओई कौ आत्मा जीने यीशु हां मरे भयन में से जिलाओ तुम में बसो आय; तो जीने मसीह हां मरे भयन में से जिलाओ, बो तुमाई मिटबेवारी देयां हां सोई अपने आत्मा से जौन तुम में बसो आय जिला है।

- रोमियों 8:9

परन्त जब परमेसुर कौ आत्मा तुम में बसत आय, तो तुम अधर्म की दसा में नईंयां, पर आत्मिक दसा में आव। जदि कोऊ में मसीह कौ आत्मा नईं तो बो मसीही नईंयां।

- पैली कुरिन्थियों 3:17

यदि कोऊ परमेसुर के मन्दर हां नास कर है, तो परमेसुर ऊहां नास कर है; कायसे परमेसुर कौ मन्दर पवित्तर आय, और ऊ मन्दर तुम आव।

- पैली कुरिन्थियों 3:9

कायसे कि हम परमेसुर के संग्गै काम करबेवारे आंय; तुम परमेसुर की खेती और परमेसुर के बनाए भए आव।

- पैली कुरिन्थियों 5:6

तुमाओ बड़ो बोल बोलवो साजो नईंयां: का तुम हां जौ पता नईयां, कि तनक से खमीर से पूरो मड़ो भओ चून खमीर हो जात आय।

- पैली कुरिन्थियों 6:16

का तुम हां पता नईयां, कि जौन बेश्या से संगत करत आय, बो ऊके संग्गै एक देयां हो जात आय कायसे कओ गओ आय, कि बे दोई एक देयां हुईयें।

- पैली कुरिन्थियों 6:19

का तुम हां पता नईंयां, कि तुमाई देयां पवित्तर आत्मा कौ मन्दर आय; जौन तुम में बसो आय और तुम हां परमेसुर कुदाऊं से मिलो आय, और तुम अपने नईं आव?

- पैली कुरिन्थियों 6:9

का तुम हां पता नईंयां, कि जौन न्याव बिलोरत आंय बे परमेसुर के राज में न जा पा हैं? ई धोखे में न रईयो, न बेश्या से संगतवारे, न मूर्ती पूजा करबेवारे, न दूसरे की तिरिया से संगत करबेवारे, न लुच्चे, न लुगुवा लुगुवा से संगत करबेवारे।

- पैली कुरिन्थियों 9:13

का तुम हां पता नईंयां? कि जौन पवित्तर बस्तन की चाकरी खुसामद करत आंय, बे मन्दर में से खात आंय; और जौन वेदी की सेवा करत आंय; तो जो कछु वेदी पे चढ़ाओ जात आय ओई में से खात आंय?

- पैली कुरिन्थियों 9:24

काय तुम हां पता नईंयां, कि दौड़ में बिलात जनें दौड़त आंय, अकेले इनाम एकई को मिलत आय, तुम ऊंसई दौड़ो कि इनाम पा जाओ।

- दूसरी कुरिन्थियों 6:16

और मूरतन को परमेसुर के मन्दर में का काज? कायसे हम जियत परमेसुर के मन्दर आंय; जैसो परमेसुर ने कहो आय कि उन में बस हों और उन में घूम हों; और मैं उन को परमेसुर और बे मोरे जनें कहा हैं।

- 1 तीमुथियुस 3:15

मोरे आबे में तनक अबेर हो जाबै, तो ध्यान धरियो, कि परमेसुर को घर, जियत परमेसुर की मण्डली आय, जौन सांचे को खम्भा और उठी नी आय; ईमें कैसो चलो चईये ईपै ध्यान धरियो।

- 2 तीमुथियुस 1:14

पवित्रात्मा जौन हमाए हिये में बल देत आय, जौन काम उन ने दओ आय ऊहां सुतारो धरे रै।

- इब्रानियों 3:6

परन्त यीशु मसीह परमेसुर के घर के मान्सन के ऊ परे आंय, और उनके घर तो हम आंय, हम हां अब लौ पक्के बने रओ चईये।

- याकूब 4:4

हे पापीनिओ, का तुम नईं जानत, कि संसार से दोस्ती करबो परमेसुर से बैर धरबो आय? सो जो कोऊ संसार कौ दोस्त होबो चाहत आय, बो अपने आप हां परमेसुर कौ बैरी बनात आय।

- 1 पतरस 2:5

तुम सोई खुद जीयत पथरन की घांई आत्मिक घर बनत जात आव, जीसे याजकन कौ पवित्तर समाज बन के, ऐसे आत्मिक बलदान चढ़ाओ, जौन यीशु मसीह के परमेसुर हां भले लगत आय।

- 1 यूहन्‍ना 4:12

परमेसुर हां कोई मान्स ने कभऊं नईं तको; जब हम एक दूजे से प्रेम करत आंय, तो मानो परमेसुर हमाए भीतर बने रैत आंय; और उनको प्रेम हमाए भीतर भरो रैत आय।